Kærleiksheimilið

 

Ég er með pest.

Ég sverða, síðan um áramót hef ég dregið að mér hverja einustu pest sem hægt er að verða sér úti um.

Ég er ekki frá því að ég hafi aðdráttarafl á flensur í öðrum löndum líka, svei mér þá.

Hvað um það, læknirinn minn er með eitt svar við öllum mínum vandamálum, hvort sem um er að ræða kláða í auga, flensu eða verki í maga. 

Hættu að reykja Jenný, segir hann.  Þess vegna er ég ekkert að bögga manninn.

Rólegur á áróðrinum segi ég.

Hvað um það.

Mér er óglatt.

Ég þarf að borða, allir þurfa þess og við á kærleiks erum þar ekki undanskilin.  (Pirrrrrrrrrrrrrrrrrrr).

Ég velti fyrir mér hvað ég ætti að hafa í matinn. 

Súpu kannski, æi nei of mikið vesen.  Tekur of langan tíma (engar pakkasúpur hér).

Kjúkling, hann er góður í veikindum, æi nei, of mikið moj þar líka.

Hvað eigum við að borða; spurði ég húsband, frekar vongóð?

Mér er alveg sama (honum leist ekki á þrumusvipinn), eitthvað snarl er það ekki bara?

Ég: Hvað þýðir það (og ég sver að þetta var orðið málefni að svipaðri stærð og BANKAHRUNIÐ í huga mér þegar hér var komið sögu)?

Hann: Hvað sem er, við getum soðið egg og svona.

Ég: Við?  Eigum VIÐ að sjóða egg?  Þú meinar að ég skuli gera það?

Hann: Nei, nei, ég get alveg gert það.

Þarna var ég komin á flug og ég átti svo bágt að einhver hefði átt að gera mig að mannúðarverkefni. 

Ég: Þú þarft þess ekki, auðvitað geri ég það.  Aldrei frí, aldrei, og ég er fárveik.

Hann: Á ég að kaupa eitthvað elskan?

Ég:

Nei annars ég ætla ekki að tíunda frekar áhrif flensu númer tuttugogörgugglegaeitthvað á skapferli mitt.

Það ber mér ekki fagurt vitni.

Ætli maður svelti ekki á kærleiks í kvöld?

Maður spyr sig.

Stundum er ljúfsárt að vera fórnarlamb.

Athugasemdir

[Finnur Bárðarson, 30.3.2009 kl. 17:51]

Getur bara ekki verið flensan er búin. Þetta hljóta að vera fráhvarfseinkenni eftir flokksþingin. Nei nei nú ætla ég ekki að vera vondur og óska þér góðs bata.

[Ragnheiður , 30.3.2009 kl. 18:06]

Þér er nær að hlusta svona mikið á sjallaáróður, maður hefur sko orðið lasin af minna, ég meina flökurt !

knús og batnikveðjur (og ég er auðvitað bara að híbblast fyrir hinu)

[Steingrímur Helgason, 30.3.2009 kl. 18:13]

Það er mynd af einum Einari í orðabók menníngarsjóðz, við 'þolgæði'.

[Hrönn Sigurðardóttir, 30.3.2009 kl. 18:31]

haha Steingrímur góður!!

Hafðu bara pasta í matinn og hætt´essu veseni.

[Ingibjörg Hinriksdóttir, 30.3.2009 kl. 19:20]

Jenný Anna, það er mánudagur. Á mánudögum skal hafa þverskorna ýsu með nýuppteknum kartöflum og floti í kvöldmatinn. Rúgbrauð með þverhandarþykku smjöri. Fyrir börn, kverúlanta og pestsækna má setja ögn af HP sósu á diskinn.

[Helga Magnúsdóttir, 30.3.2009 kl. 19:43]

Það er kosturinn við húsbönd. Tilvalin til að skeyta skapi sínu á.

[Tryggvi (IP-tala skráð) 30.3.2009 kl. 19:48]

Bara reykja meyra reykingar draga úr matarlist

[Auður Proppé, 30.3.2009 kl. 19:49]

Auðveld greining, ofnæmi fyrir Sjálfstæðisflokknum, engin spurning.  Láttu þér batna og horfðu á Steingrím.

[Heiða Þórðar, 30.3.2009 kl. 20:37]

knús og kærleikur með ósk um góðan bata. STRAX!!!

[egvania, 30.3.2009 kl. 22:59]

Ég sauð makkarónur sem ég fann í skúffu í eldhúsinu fann fíflhunang í ísskápnum hm, gott ráð ekki sjóða eggin í örbylgjuofninum ég gerði það með mjög slæmum árangri.

Svo verður alltaf hafragrautur með kanil og Ríbena í morgunmat það er að segja þegar að ég kemst út í búð, Ríbena er búið.

Kveðja

[Hörður B Hjartarson, 30.3.2009 kl. 23:59]

Læknirinn sagði og segir , já heimskan hefur oft komið sér vel hjá mér , jú ég gat  ekki lært þetta . Það sem hrjáir þig , er vitið.

[Hörður B Hjartarson, 31.3.2009 kl. 00:01]

Já ! Eigðu góðan og bráðan bata .

[Snæbjørn Bjornsson Birnir (IP-tala skráð) 31.3.2009 kl. 00:21]

Á sjálfur gamlan pabba, sem í hvert skifti sem ég tala við hann í síma leitar að (grunar mig) smá hósta, til að geta sagt mér að hætta að reykja!! En það er nú þannig, að þó við bælum því mesta í burt, getum við stundum orðið veik eins og hinir...!? :) Góðan bata!

[Jónína Dúadóttir, 31.3.2009 kl. 08:14]

Góðan bata

[Laufey B Waage, 31.3.2009 kl. 09:03]

Elsku kegglingin. Þú ert bara eins og litlu börnin sem eru að koma sér upp mótefni og byggja upp ónæmiskerfið með þessum bráðskemmtilega pestarhætti. En nú er bara korter í vor (fyrirgefðu, þú ert væntanlega ekki í skapi fyrir Pollýönnuleikinn). Viltu uppskrift af hvítlauksseyðinu mínu? Hún svínvirkar í upphafi hverrar kvefpestar.

[Anna , 31.3.2009 kl. 09:13]

Bara hætta að reikja þá hættir þú að fá flensur. Come on, þú getur það alveg.

[Stefán (IP-tala skráð) 31.3.2009 kl. 09:22]

Ég fékk í magann við að hlusta á viðtalið við Bjarna Ben á Stöð 2 í gærkvöldi  Mér hefur verið óglatt síðan, held að það sé ekki pest.

[Hildur Helga Sigurðardóttir, 31.3.2009 kl. 09:40]

Skil reyndar síðasta ræðumann, en nú bráðliggur á að kenna húsbandinu að elda kjúklingasúpu; allra meina bót.

Uppskriftin er einstaklingsbundin -breytileg eftir flensum- enn bregst aldrei.

(Ómissandi: Ólívuolía, Hvítlaukur, chilli-pipar, osfrv.   Verð ég ekki bara að skreppa vestur og gera þetta sjálf ?)

[Jenný Anna Baldursdóttir, 31.3.2009 kl. 09:56]

Þú þarft bara að skreppa í Teigahverfið HH, þökk fyrir.

Takk öll fyrir bráðskemmtileg innlegg í baráttu minni fyrir betri heilsu.  Hehemm.

[Ásthildur Cesil Þórðardóttir, 31.3.2009 kl. 10:07]

Æ Jenný mín vonandi batnar þér sem fyrst, auðvitað fer það í skapið á manni að vera sífellt lasin og ónógur sjálfum sér.  Láttu þér batna sem allra allra fyrst.

[Guðrún Emilía Guðnadóttir, 31.3.2009 kl. 17:18]

Ekki reyki ég og er samt búin að vera veik eða sko þannig í margar vikur, sí geltandi og bara hundslöpp.

Elskan sendu húsbandið í Nings til að kaupa þetta sem heitir:
,, Mér er alveg sama." og ekki orð meira um það.
þetta virka hér á bæ, nema það er ekkert Nings hér, en hann kaupir þá bara eitthvað annað.

Sem betur fer á maður mat heima því ekki kemst maður út fyrir snjó.

Knús í knús
Milla

[Jóhanna Magnúsar- og Völudóttir , 31.3.2009 kl. 18:12]

Getur verið að þú reykir ekki nógu mikið?  ..

Váts .. var einmitt að senda minn kall í Nings að kaupa fyrir mig Sushi! .. dularfullt!

[Jenný Anna Baldursdóttir, 31.3.2009 kl. 19:09]

Milla: Geri það.  Takk fyrir ábendinguna.

Jóga: Mjög dularfullt.

Ásthildur: Takk ljósið mitt.

[Guðrún Emilía Guðnadóttir, 31.3.2009 kl. 19:12]

Hef fundið þetta á mér Jóhanna og þess vegna ráðlagt Jenný þetta,
sko ekkert dularfullt við það. Við erum jú nornir eða allavega ég.