Síðasti sleikurinn gerði útslagið

Ég fer í kruðu og krampa þegar ég les/heyri frá Gylfa Arnbjörnssyni, forseta ASÍ.

Hvers vegna?

Jú, maðurinn virðist samsama sig frekar með atvinnurekendum en umbjóðendum sínum.

Hann getur óskapast yfir að almenningur hafi misst trú og traust á hinu og þessu.

Ég get hins vegar sagt honum að líta í eigin barm.

Eftir síðasta sleik við atvinnurekendur þar sem launahækkunum var frestað út af efnahagshruninu þá held ég að traust hins almenna manns á svo kallaðri verkalýðsforystu sé hrunið niður fyrir frostmark.

Samt eru gullmolar í verkalýðsforystunni. 

Verkalýðsforingar sem enn sjá fólk af holdi og blóði þar sem forysta ASÍ sér dauðar tölur á blaði.

Einn þessara gullmola er t.d. hann Aðalsteinn á Húsavík.

Einn af þessum mönnum sem gefa mér vonina um að enn sé hægt að stokka upp og verða eins og fólk en ekki fífl.

En Gylfi og kó eiga nákvæmlega ekkert inni hjá almenningi þegar kemur að trausti.

Kerfiskallar sem eru á sæmilegum launum og lesa skýrslur og ræða hvor við annan eru eins langt frá fólkinu á gólfinu eins og hægt er að komast.

Það er að minnsta kosti mín skoðun.

Og fyrir mér er hún góð og gild.

Góðan daginn annars villingarnir ykkar.

Verða að biðjast afsökunar

Athugasemdir

[Sigrún Jónsdóttir, 25.3.2009 kl. 11:35]

Gjörsamlega, algerlega sammála þér.  Hef aldrei skilið afhverju ASÍ sækir sér forseta út fyrir grasrótina í þeim samtökum

[Einar Örn Einarsson, 25.3.2009 kl. 11:45]

Gleymum ekki Vilhjálmi Birgissyni á Skaganum, annar gullmoli þar.

[Jakob Þór Haraldsson (IP-tala skráð) 25.3.2009 kl. 11:50]

Bæði FME & ASÍ spila "ávalt með vitlausu liði" - sorglega fyndið.  Þjóðar ógæfa fyrir verkafólk að Gylfi skuli forseti ASÍ.

[Guðríður Hrefna Haraldsdóttir, 25.3.2009 kl. 11:51]

Algjörlega sammála, eins og svo oft.

[gislihjalmars (IP-tala skráð) 25.3.2009 kl. 11:52]

og hvað hefur hann í laun ha

[Rut Sumarliðadóttir, 25.3.2009 kl. 12:28]

Svo sammála.

[Rögnvaldur Þór Óskarsson (IP-tala skráð) 25.3.2009 kl. 12:47]

Röskur maður úr grasrótinni er mun trúverðugri en langskólagenginn náungi sem fer í starfið vegna launana, ekki af hugsjón. Verkalýðsfélögin ráða svo til sín fagmenn eins og lögfræðinga og fleiri, eftir þörfum. Svo einfalt er það nú.

[Eggert Vébjörnsson (IP-tala skráð) 25.3.2009 kl. 12:51]

Þú segir allt sem ég vildi sagt hafa!!!

[Ásthildur Cesil Þórðardóttir, 25.3.2009 kl. 13:30]

Hann komst mjög illa frá kastljósþættinum í gær.  Ég missti alla trú á manninum hafi ég þá haft nokkra.   Hann beinlínis ætlar að troða okkur inn í Evrópusambandið, pólitík hvað?  Lét hann ekki reka konu úr formennsku í verkalýðssambandi vegna þess að hún komst á lista hjá Framsókn?  Maðurinn er rammpólitískur og notar hvert tækifæri til að hamra á þessari Evrópusambands aðdáun sinni. Svei honum bara.

[Jenný Anna Baldursdóttir, 25.3.2009 kl. 14:39]

Takk fyrir innlegg.

Ásthildur: Ég næ ekki upp í nefið á mér vegna þess sem hann var að gera varðandi Vigdísi Hauksdóttur.  Má fólk ekki fara í launalaust leyfi til að praktisera borgaraleg réttindi sín?

Djöfuls gerræði.

[Lafðin, 25.3.2009 kl. 15:07]

Jenný :  það má ekki NEMA þú sért að praktisera borgarleg réttindi þín hjá RÉTTUM flokki ... sbr, hann sjálfan, Magnús og Bryndísi Hlöðvers .... nú svo er það hann Ögmundur blessaður.

Hræsni og tvískinnungur ... tja, maður spyr sig

[Hörður B Hjartarson, 25.3.2009 kl. 19:10]

Mælið manna heilust , dælan í mér er á sama stað og í ykkur . Einhverrarr ástæðu vegna fletti ég upp orðinu ; praktísera , jú og það hafði nú ekki alveg sömu þýðingu og ég taldi mig vita = að stunda sérfræðistörf án fasts embættis . Jújú þau eru mörg og misjöfn sérfræðistörfin og það embættislaus .