Komið til mín

Hér er sólarhrings gömul frétt sem ég ætlaði ekki að blogga um.

Mér líður svo illa með hana og ég er svo reið.

Í staðinn fyrir að láta liggja ætla ég svona fyrir sjálfa mig að blogga um dóm Hæstarétts sem hefur sýknað sóknarprestinn af ákæru um kynferðislega áreitni við unglingsstúlkur.

"Presturinn, sr. Gunnar Björnsson, var á síðasta ári ákærður fyrir að hafa brotið gegn tveimur 16 ára gömlum stúlkum með því að faðma þær og strjúka aðra þeirra og segja straumarnir streymdu úr líkama hans við það að faðma hana. Hann var ákærður fyrir að kyssa hina stúlkuna á kinnina og segja að hann væri skotinn í henni og hún væri falleg."

Mér skilst að presturinn hafi játað verknaðinn sem að hans sögn hafði ekkert með kynferðisáreiti að gera, hann er bara svo opinn og tjáningarríkur maður.

Svo snertiglaður og blíður.  Jesús bara alla leið og kraftaverk í gangi.

Er það nema von að ég hafi skömm á kjólklæddum mönnum hjá þessari glötuðu ríkisstofnun.

Það er ekki í fyrsta sinn sem kærleikurinn lekur út í útlimina á þeim blessuðum guðsmönnunum.

En ég, heiðin eins og ég telst vera af tæknilegum ástæðum sem ekki verða gefnar upp hér, skil auðvitað ekki að Jesús er að verki í prestum eins og þessum.

Kyssa, strjúka og faðma telst samkvæmt þessum dómi eðlilegt í kirkjunni.

Það þarf engan Hæstarétt til að segja mér hvað er viðeigandi og hvað ekki. 

Mikið rosalega bíð ég spennt eftir því hvort biskupinn yfir kirkjunni setur sérann aftur í vinnuna.

Komið til mín börnin góð.

 

Sóknarprestur sýknaður

Athugasemdir

[Birna Dis Vilbertsdóttir (IP-tala skráð) 20.3.2009 kl. 17:30]

.Orðlaus

[Katrín Linda Óskarsdóttir, 20.3.2009 kl. 17:56]

Þessi dómur er með ólíkindum!!!!  Það er semsagt í lagi fyrir prestinn að strjúka og kyssa þessar ungu stúlkur auk þess að hvísla að þeim einhverjum "fallegum" orðum. PUFFFFFFFFFFFF

Burtu með manninn úr prestastéttinni!  Kæmi mér ekki á óvart samt að hann yrði ráðinn í af kirkjunni í einhver sérverkefni á meðan mál hans gleymast hjá almenningi.  

[ThoR-E, 20.3.2009 kl. 17:57]

Já.. fjölþreifinn er hann þessi.

Að hann hafi verði dæmdur saklaus.. það finnst mér furðulegt.. hann var með athæfi sínu að brjóta gegn þessum stúlkum. Hann snerti þær ósæmilega.. og kyssti þær.

Svona hegðun er ekki í lagi. Ég trúi því ekki að þessi maður muni snúa aftur til starfa.

Þetta réttarkerfi.. er ekki í lagi.. það sér maður alltaf meira og meira. Með hverjum dómnum í svona málum. 

En ekkert breytist.. og eftir sitja fórnarlömbin með sárt ennið.

Merkilegur fjári.

[Ben.Ax. (Benedikt Jóhannes Axelsson), 20.3.2009 kl. 19:29]

Hver sá er syndlaus er...

[María Guðmundsdóttir, 20.3.2009 kl. 20:09]

"kærleikurinn lekur úti limina á theim", bara frábærlega ordad,nema hvad.

En já,thetta er til algerrar skammar ad thetta sé bara samthykkt hegdun og thad af kirkjunnar manni og vitid til,hann verdur kominn aftur til starfa sem prestur ádur en vid náum ad hnerra. Svona er thetta skitaréttarkerfi okkar islendinga,thad er bara hætt ad koma manni nokkud á óvart,svei mér thá.

Góda helgi Jenný og hafdu thad gott

[Hildur Helga Sigurðardóttir, 20.3.2009 kl. 21:02]

Einhvernveginn er það nú ekki svona sem prestur á að haga sér við fermingarbörn.   Ef "snertiþörf" klerks er svona yfirgengileg, á hann þá ekki að fá útrás fyrir hana með öðrum hætti ?

[Bjarni Jónsson (IP-tala skráð) 20.3.2009 kl. 21:11]

Þetta eru ekki góð skilaboð til þeirra sem eru að vinna með unglinga. Það er með ólikíndum að slíkt sé látið ótalið að hægt sé að þreifa á og strjúka án þess að gerðar sé athugasemdir. Er líklegt að kennari komist upp með slíkt? Því miður óttast ég að hann verði settur í "sérverkefni" um ókomna tíð á kostnað skattborgarana.

[Ásthildur Cesil Þórðardóttir, 20.3.2009 kl. 21:36]

Þessi ágæti maður hefur alltaf haft orð á sér fyrir að káfa á smástelpum, hann var í Bolungarvík og hann var í Holti við Flateyri.  Það gengu sögur..... en hann var aldrei kærður því miður.  Þetta hlýtur að vera erfitt fyrir stúlkurnar.    En svo er það ég þori varla að segja það, en samt.... það er einhver hrikaleg brenglun í gangi hjá hæstaréttardómurum, þeir létta alla kynferðisglæpi en þyngja fíkniefnaglæpi.  Ég segi nú bara si sona fyrir mig, að mínu mati eru þeir meira og minna kynferðislega brenglaðir þarna í hæstarétti, ef maður skoða dóma þeirra. 

[Jens Sigurjónsson, 20.3.2009 kl. 21:41]

Furðulegur dómur.

[Steingrímur Helgason, 20.3.2009 kl. 22:29]

Máttur hinz bendandi fíngurz er náttla dómstólum æðri.

[Katrín Anna Guðmundsdóttir, 20.3.2009 kl. 22:47]

Já Hæstiréttur sýnir og sannar enn eina ferðina að hann er gjörsamlega getulaus... og til skammar að þetta sé æðsti dómsstóll landsins. Illa rekið þriðja heims ríki, eins og einhver orðaði það, á allavega vel við um Ísland þegar dómsstólar eru skoðaðir.

[Brjánn Guðjónsson, 20.3.2009 kl. 22:48]

heyrðu tjelling! þú hefur greinilega ekki lesið vísuna mína. læt hana þá fylgja hér.

káfað, strokið, kysst og snert.
Klerkur með margt fyrir stafni.
Í góðu allt, ef það er gert
af Gunna, í Ésú nafni.

[Jóna Kolbrún Garðarsdóttir, 20.3.2009 kl. 23:28]

Hæstiréttur virðist vera handbendi einhverra "yfirmanna".  Þessi sýknudómur er með ólíkindum. 

[Jenný Anna Baldursdóttir, 20.3.2009 kl. 23:30]

Zteini: Ég er enginn andskotans bendandi fingur, ég er bara að segja að það sem presturinn sjálfur hefur viðurkennt að hafa gert er langt yfir allt velsæmi.  Þess vegna á hann ekki að vinna með börn.

Hæstiréttur kemur mér ekki á óvart.  Það andskotans karlæga vígi.

Brjánn: Þetta er brilljant vísa.

Katrín Anna: Þetta dómskerfi er ekki fyrir konur og börn, það er nokkuð ljóst.

Ásthildur: Ég er sammála þér með Hæstarétt.

Takk öll fyrir innlegg.

[Anna , 21.3.2009 kl. 09:31]

Jenný mín, ég get sagt þer margar sorgarsögurnar. Sem leikskolakennari hef ég oft grátið vegna barna. Og hvernig líf þeirra hafa verið eyðilagt. Brotnar sálir sem ekki er hægt að líma sama.

[Tína, 21.3.2009 kl. 10:14]

Blessuð elsku vinkona.

Ég þekki Gunnar prest og verð því aðeins að fá að segja mína skoðun. 

Já satt er það að hann tekur utan um alla og faðmar. Misjafnt er hvernig fólk tekur því. Hvort þetta sé viðeigandi fyrir prest er annað mál. En eitt veit ég og það er að þessi maður hefur aldrei haft neitt misjafnt í huga. Gunnar er góður og blíður maður og við verðum að muna að alltaf eru er 3 hliðar á öllum málum. 

Ekki ætla ég að sakfella séra Gunnar og heldur ekki að draga úr því sem þessar stelpur sögðu. En eins og fyrr segir að þá þekki ég manninn og veit ég til þess að margir sem hann þekkja hér á Selfossi eru sammála því sem ég segi hér um hann.

Burt séð frá þessu öllu þá sendi ég þér kærleiksríkt knús að vanda.

[Anna , 21.3.2009 kl. 10:31]

Í þessu máli er Hæstaréttur að senda út þau skilaboð að það sé í lagi að kissa og strjúka unglinga.

Rannsóknir hafa sýnt að þessir menn hætta ekki slíku hátterni. Þeir finna sér ný fórnalömb.

Einnig hafa nýjar rannsóknir sýnt að veikindi fólks á eldri árum meigi reka beint til áfalla fólks í barnæsku. Sem barn var það áreit kynferðislega eða nauðgað.

Nú fyrrveradi Dómsmálaráðherra gat hækkað dóma yfir þessum mönnum. En hann gerði það ekki. T.d. í Bretlandi eru dómar 10 ár fyrir auðgun á barni. Sem ég vil sjá einnig á Íslandi. Í króatíu er það dauðadómur fyrir að nauðga barni.

Barnasáttmáli SÞ. segir.

1.gr. Í samningi þessum merkir barn hvern þann einstaklingur sem ekki hefur náð átján ára aldri, nema hann nái fyrr lögræðisaldri samkvæmt lögum þeim sem hann lýtur.

34.gr. Aðildarríki skuldbinda sig til að vernda börn fyrir hvers kyns kynferðislegri notkun eða misnokun í kynferðislegum tilgangi. Í þeim tilgangi skulu þau einkum gera allt sem við á bæði innanlands og með tvíhliða og marghliða ráðstöfunum, til að koma í veg fyrir.

Ég tel að þessi prestur braut af sér því að hann var að fullnægja kynferðislegum þorsta sínu. Átti hann því að fá dóm.

Barnasáttmáli SÞ má fina á netinu. Einnig www.unicef.is

kveðja Anna.

[Rut Sumarliðadóttir, 21.3.2009 kl. 11:49]

Ég hef mestar áhyggjur af stelpunum. Það má semsagt stjúka og kyssa þær þó þeim finnist það óþægilegt. Hvers konar skilaboð eru það til ungra stúlkna? Hvað þarf margar stúlkur til að þær séu teknar trúarlega? Og ég meina ekkert dónalegt með þessu.

Svo sammála að dómskerfið er ekki fyrir konur og börn. Þessi dómur segir það hærra en nokkur orð.

[DoctorE (IP-tala skráð) 21.3.2009 kl. 12:31]

Ég skal segja ykkur það að ef ég gengi um strjúkandi og kyssandi táningsstúlkur.. segjast vera skotin í þeim og svona, ég væri í steininum um leið.

[kiza, 21.3.2009 kl. 20:25]

Eruð þið ekki farin að fatta þetta?  Það leyfist ALLT ef þú ert með Jesú í liði

Prestur í Chicago fundinn sekur um að flengja stúlku sem undirgekk 'meðferð' hjá honum

Nota bene meðferðin var vegna 'lyga', þar sem foreldrar stúlkunnar (og presturinn) vildu ekki trúa að hún hefði verið kynferðislega misnotuð.

Fallegt.

[Jenný Anna Baldursdóttir, 21.3.2009 kl. 21:23]

Viðbjóður.

[hann (IP-tala skráð) 22.3.2009 kl. 10:41]

Um götu gengur

í dökkum klæðum

hokinn með hornin ber

fjaðrir tínir af sér

 

saklaus stúlka er

ber fyrir svörtum skikkjum dómara

sem ekkert sér

 

hún tínir ekki upp svartar fjaðrir

hrafna

 

kirkjur og dómshús

loga milli stafna

saklaus dæmd

stúlka.

Dáinn

 

 

Svartir fljúga hrafnar

með horn

 

turnar tveir

kirkja og fálkar