Leita í fréttum mbl.is

Þokuheilkenni strákanna

Í eftirleik bankahrunsins þegar Geir var "maðurinn" löfðu fjölmiðlamenn á honum og þjóðin við sjónvarpið og allir biðu eftir að hann segði eitthvað.

Einhvern sannleika sem myndi ljúka upp fyrir manni staðreyndunum um ástandið, hversu illa við værum stödd, hver væri ábyrgur (kannski hann smá) og svo endalaust framvegis.

En Geir sagði aldrei neitt sem leiddi mann í sannleika en hann sagði samt helling.

Bjarni Ben er svona líka, talar og talar og maður skilur ekki rassgat hvert hann er að fara.

Ég og ein góð vinkona mín höllumst að því að þetta sé nokkurs konar þokuheilkenni.

Sko, um leið og þeir segja eitthvað þá fyllist hausinn á manni af þoku, nú eða bómull, allt eftir því hversu lengi þeir mala.

Þennan "hæfileika" virðast þeir stjórnmálamenn í Sjálfstæðisflokknum öðlast þegar þjálfun í Valhöll er að baki og þeir samkvæmt flokkslögum, fullnuma.

Íhaldið vill ekki gera sig skiljanlegt við fólk, ef einhver skyldi halda það, þeir vilja halda okkur í þokunni og mistrinu, hamingjusamlega aftengdum frá raunveruleikanum.

Svo hófst biðin eftir að "maðurinn" segði orðin.

Þau eru  "fyrirgefið mér fyrir að hafa ekki staðið mig betur" eða eitthvað á þá leið.

Það var enginn að ætlast til að hann húðstrýkti sjálfan sig eða að hann ynni sér stórkostlegt mein í refsingarskyni.

Bara þetta einfalda orð "fyrirgefið" og stór hluti fólks (ekki ég þó ég hefði virt það við hann) hefði gefið íhaldinu séns.

En ég er skelfilega þakklátt fyrir að fór sem fór, búin að bíða svo lengi eftir að koma kerfisflokknum frá völdum.  Sjálftökuliðinu, kunningjareddingargæjunum, jakkafatakörlunum sem klóra hver öðrum á bakinu svo ég taki þessar lýsingar ekki lengra að sinni.

Og enn þrjóskast "maðurinn" við.

Með besta vilja er hægt að túlka orð hans í gær sem afsökunarbeiðni, sko ef maður er ekki sofnaður yfir upptalningunni hjá honum um það sem var EKKI honum að kenna.

Svo er bankaleyndin gengin út í öfgar segir Geir!

Vá, "tell me something I don´t know"!

Og Geir; má treysta því að þú meinir að það sé langt í að samstarf við Samfó verði reynt aftur?

En Framsókn?

Gætir þú gefið upp hverjir eru eðalflokknum þóknanlegir?

Ekki að það skipti neinu, Sjálfstæðisflokkurinn mun nánast þurrkast út í kosningunum í vor, það er að segja ef fátvitaheilkenni þjóðarinnar tekur sig ekki upp aftur af fullum krafti.

En segðu okkur samt, bara svona til gamans.

Jeræt.


mbl.is Bankaleyndin gengið út í öfgar
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Finnur Bárðarson

Fávitaheilkennið er því miður ólæknanlegt það er bundið í genum.

Finnur Bárðarson, 21.3.2009 kl. 11:42

2 Smámynd: Jónína Dúadóttir

Ég hef aldrei verið með þetta fávitaheilkenni... kannski eitthvað annað, en ekki þetta

Góða helgi Jenný mín

Jónína Dúadóttir, 21.3.2009 kl. 12:02

3 Smámynd: Finnur Bárðarson

Rosalega færð þú alltaf notalegar kvejur Jenný, ég er grænn af öfund. Sjálfur fæ ég mest fúkyrðaflaum frá IP fólki.

Finnur Bárðarson, 21.3.2009 kl. 12:15

4 Smámynd: Soffía Valdimarsdóttir

Fávitaheilkennið er ekkert í rénun, það held ég sé áreiðanlegt.

Soffía Valdimarsdóttir, 21.3.2009 kl. 12:29

5 Smámynd: Jenný Anna Baldursdóttir

Finnur: Ég er búin að loka á svo margar IP-tölur að ég hef ekki tölu á þeim.

Fólk sem skrifar ekki undir nafni og ræðst á persónu manns.

Svo fer ég fram á netfang þegar óskráðir skrifa athugasemdir.  Það ættir þú að gera (fídus í kerfinu), þá sljákkar aðeins í mestu óþverunum.

Jenný Anna Baldursdóttir, 21.3.2009 kl. 12:34

6 Smámynd: Finnur Bárðarson

Takk ég geri það

Finnur Bárðarson, 21.3.2009 kl. 13:07

7 Smámynd: Haraldur Rafn Ingvason

Bjarni Ben skorar nú ekkert smá í fréttablaðinu í dag - eða þannig.

Haraldur Rafn Ingvason, 21.3.2009 kl. 14:37

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.