Hvað er málið?

Íslenskur almenningur hefur kallað eftir gegnsæi og heiðarleika í vinnubrögðum allt frá hruni.

Það ákall ætti ekki að hafa farið fram hjá neinum.

En samt gerist það aftur og aftur að þeir sem skipaðir eru til verka í tengslum við hrunið orka tvímælis.

Nú er það Lögmannsstofan Logos.

Þeir segjast aldrei hafa unnið fyrir Baug.

En nú er það komið á daginn að þeim var falið að annast málarekstur Baugs Group á hendur ríkinu, vegna tjóns sem fyrirtækið taldi sig hafa orðið fyrir af völdum lögreglunnar.

Hvað er þá málið?

Hvaða þvælingur og stappa er í gangi?

Gjörið svo vel að skipa nýjan skiptastjóra sem er hafinn yfir vafa.

Þarf að klippa þetta út í pappa fyrir fólk?

Arg.

Logos vann fyrir Baug

Athugasemdir

[Hulla Dan, 16.3.2009 kl. 09:04]

Eigðu góðan dag Jenný mín...

[Stefán (IP-tala skráð) 16.3.2009 kl. 09:14]

Mér hefur alltaf fundist íslenska lögfræðistéttin þrífast á lygi og óheiðarleika og ekki skána þeir við að verða dómarar. Þetta er rotinn fúll drullupollur.

[Adda Þorbjörg Sigurjónsdóttir, 16.3.2009 kl. 09:20]

Já þetta er alveg með ólíkindum. Það er eins og ekki sé til hér annað fólk en það sem hefur verið eitthvað innvinklað eða of tengt. Það hljóta að vera til hæfir einstaklingar sem sannarlega geta talist óhæfir. Vandaðri vinnubrögð takk.

[Sigrún Jónsdóttir, 16.3.2009 kl. 09:23]

Lögmannsstofan "Man ekki" góðan dag!  ...eða var það Lögmannsstofan "lýg ekki"..nema nauðsyn krefji

[Villi Asgeirsson, 16.3.2009 kl. 09:35]

Almenningur hefur kallað eftir... Eins og þeim þyki það koma sér við hvað lýðurinn vill.

Annars skil ég Lókana ágætlega. Maður getur ekki munað eftir öllum smáatriðum sem maður hefur dundað sér við. Þetta Baugs-Ríkismál var svo ómerkilegt að þeir hafa bara verið búnir að gleyma þessu, eins og hann segir. Lögmenn plata aldrei, enda vinna þeir við að halda fólki réttu megin við lögin.

[Birna Dis Vilbertsdóttir (IP-tala skráð) 16.3.2009 kl. 13:39]

það heldur áfram f#)&%$ ,ruglið.