Takk, en nei takk

 

Hver kjaftur sem fer í prófkjör lýsir því yfir á einhverju stigi máls að hann hafi fundið fyrir víðtækum stuðningi.

Fleiri hundruð ef ekki þúsundir manna hafa legið í prófkjörskandítatnum og grátbeðið hann um að fara fram, að bjarga málunum.

Það er ekki nokkur eftirspurn eftir mér, ég er svolítið leið yfir því.

Ekki af því að ég myndi stökkva á framboðsvagninn, ónei, en ég myndi elska það að segja takk, en nei takk.

Auðvitað gæti ég haldið því fram hér að síminn hafi ekki stoppað síðan í hruni, ekki flóafriður frá hinum ýmsu flokkum og fylkingum að biðja mig um að fara á lista, en ég þori það ekki, lygin gæti komið mér á húrrandi fyllerí.

Hvelvítis ekkisens heiðarleikabarátta alltaf hreint.

Annars angar allt í hvítlauk á þessu heimili.

Ég gerði mína eftirsóttu Pizzu Jenfórare og hún var dásamlega góð.

Mínusinn er hins vegar viðkomandi hvítlaukslykt sem er að drepa mig.

Steinselja gott fólk (smá húsráð frá mér), slær á þá angan út úr manni en gerir ekkert fyrir eldhúsið.

En...

Nú nenni ég þessu kjaftæði ekki lengur í bili.

Farin að setja niður kartöflur og taka upp rabbabara.

Ekki er ráð og allur sá ballett.

Þíjú.

 

Fann fyrir víðtækum stuðningi

Athugasemdir

[Birna Dis Vilbertsdóttir (IP-tala skráð) 15.3.2009 kl. 23:11]

Enginn spurði um mig nema til að sníkja mitt dýrmæta atkvæði ..Það yrði auðvitað mikil prýði af mér á þingi,en nei takk ég er svolítið upptekin

[Lísa Björk Ingólfsdóttir, 16.3.2009 kl. 00:10]

Fíla ekkert við stjórnmálin í dag - sama bullið.  En ég datt hinsvegar inn á Húsbandið þitt á myspace-inu. Ég er alveg að fíla það nett!

[, 16.3.2009 kl. 00:27]

ég er afspyrnu fegin að einhverjir aðrir en ég nenna í prófkjör því ekki myndi ég nenna að standa í þessu  gott að vera löt og röfla svo yfir því að ekkert sé eins og ég vil hafa það

[Jónína Dúadóttir, 16.3.2009 kl. 07:38]

[Hrönn Sigurðardóttir, 16.3.2009 kl. 08:15]

Já það liggur við að þau segi: Millions and millions of people have contacted me.....

Veruleikaflóttafirring :)

[Hrönn Sigurðardóttir, 16.3.2009 kl. 08:16]

ó - og góð myndin sem þú sendir slóðina á

[Svanur Gísli Þorkelsson, 16.3.2009 kl. 08:50]

Enn betri er myndin af sápukúludrengnum sem sigraði af því að hann hlaut meirihluta atkvæða fjölskyldu sinnar sem var dugleg að mæta í prófkjörið. Fyrsrsögnin á þessari frétt er mjög hæðin og er ætlað að vera það.

[Laufey B Waage, 16.3.2009 kl. 08:51]

Plíííííís Jenný bjóddu þig fram. Elsku hjartans Jenný mín þú bara verður að taka þátt í prófkjöri (það er ekkert of seint). Það eina sem getur bjargað þessu landi er að þú takir þátt. Ég er sannfærð um að þú færð víðtækan stuðning (var það ekki eitthvað í þessa veru sem þú vildir heyra til að geta sagt takk, en nei takk?).

Ég elska hvítlaukslykt. Sérstaklega í míns eigins eldhúsi.

[Jenný Anna Baldursdóttir, 16.3.2009 kl. 09:03]

Hehe, þið eruð ágæt.