Farið ríðandi inn í helgina

Var að sjá þessa skelfingarfrétt af því að það væri búið að loka kynlega safninu í Köben.

Jeræt, mér gæti ekki verið meira sama.

En það er þetta með kynlíf sem ég staldraði við.

Heilt safn undir aðferðir, íhluti og föt til að rífa sig úr.

Alls kyns stellingar, ismar og istar.

Þegar ég var ung hélt ég að fólk sem lifði kynlífi eftir fertugt væru kynlífsfíklar.

Gamalt fólk stundar ekki kynlíf, það er bölvaður viðbjóður.

Vó, hvað maður getur haft rangt fyrir sér.

Hafið þið pælt í því að stóran hluta æfinnar hrærist maður í hugsunum um kynlíf?

Ástundar það líka, en það er ekki málið, maður er sífellt á milli drátta ef þið skiljið hvað ég meina.

Frá einum (drætti) til annars þó langt sé á milli.

Maðurinn er alltaf að leita að guði í gegnum kynlíf.  Finna í sér uppsprettuna til að sameinast föðurnum.

Flott afsökun.  Notið hana endilega.

Á ákveðnum aldri þá lifir maður leynt og ljóst í pælingum um draumaprinsa, eilífa hamingju og ástarbríma.

Ég elti þennan draum skammlaust þó ég hefði ekki hugmynd um það mestan partinn.

Giftist ansi oft, fannst það gaman enda sagði ég ykkur einu sinni að í fyrsta skipti sem ég steðjaði upp að altarinu var ég staðráðin í að gera það sem fyrst aftur.

Svo komst ég að því í fyllingu tímans eftir nokkrar giftingar og svona að  besta kynlífið á sér oftast stað utan hjónabands.

Nú er ég að fokka aðeins í ykkur og sjálfri mér í leiðinni.

Annars dáist ég að mér fyrir að hafa skrifað heilan pistil um ríðingar (hér set ég upp sólgleraugu).

Ég er af kynslóðinni sem mátti ekki einu sinni lesa um kynlíf.

Né fara opinberlega á túr.

Í staðinn kom helvítið hún Rósa frænka í heimsókn.

Og í leikfimi stundi maður upp úr sér eldrauður í framan að maður yrði að horfa á (túr sjúkdómsástand á þeim tímum?) vegna þess að maður "væri forfallaður".

Halló.

En eslkúrnar mínar, farið ríðandi inn í helgina.

Hehemm.

Danskt kynlífssafn gjaldþrota

Athugasemdir

[Jón Arnar, 13.3.2009 kl. 23:19]

Ég fer ríðandi allavega þvímín Íslenska meri bíður mín niðri við Kongelunden og við tölum vel saman (helv er hún góð á töltinu - er ekki mikið vanur slíkum góðgangi frá Skjóna og Jarpi þeir stukku jú bara og brokkuðu :-)

p.s melodifestival i morron afton på SVT1

[zappa (IP-tala skráð) 13.3.2009 kl. 23:58]

öll getum við átt okkar þarfir,sem til allra lukku gera okkur ólík hvort öðru samanber"bylli the mountain"sögunni,til allra hamingju,annars væri lífið einsog hjá sjálfstæðismönnum fyrir prófkjör(allir eins)

[Margrét (IP-tala skráð) 14.3.2009 kl. 06:27]

Ég öfundaði tökubörn mikið þegar ég var lítil því foreldrar þeirra höfðu aldrei þurft að ríða.

Ég var yngst af sex systkinum og skammaðist mín alveg óskaplega yfir öllum

6 ríðingum foreldra minna.

Mér fannst þessi barnafjöldi nánast ófyrirgefanlega dónalegur og væri auðvitað

öllum augljós - en þar sem ég var yngst og afskaplega glöð að hafa

fæðst, reyndi ég að leiða þetta hjá mér !

Ég skrifa þetta með sólgleraugu enda af sömu kynslóð og þú.

[Jónína Dúadóttir, 14.3.2009 kl. 08:17]

Hvassegiru.... er maðurinn að leita að Guði í gegnum kynlíf ? Aldrei heyrt þennan áður...

[Hrönn Sigurðardóttir, 14.3.2009 kl. 09:04]

Ég fór á safnið einu sinni - það var hörkugaman!

Er ekki viss um að ég geti uppfyllt ósk þína um að fara ríðandi inn í helgina en ég skal svei mér þá gera mitt bezta

[Ía Jóhannsdóttir, 14.3.2009 kl. 09:54]

Hehehe hér frussaðist kaffið yfir morgunverðarborðið hehehe.... bjargaðir deginum, nú er vorið komið.  Takk fyrir hressandi færslu. vinkona

[Jenný Anna Baldursdóttir, 14.3.2009 kl. 10:01]

Ég skammaðist mín líka rosalega fyrir sóðalegt kynlíf foreldra minna sem eiga 8 börn.

Takk fyrir vísur og bráðskemmtileg komment.

Stundum er bráðnauðsynlegt að fíflast svolítið.

[Einar Örn Einarsson, 14.3.2009 kl. 10:09]

Ég hélt svei mér þá að Tígulgosinn væri að ganga í endurnýjun lífdaganna þegar ég las fyrirsögnina þína. Vissi fyirir víst að það er ekki þinn stíll að vera í bomsum og vera í hestastússi.

Kannski er fólk orðið þreytt á því að fara inn á þetta safn með sólgleraugu og sektarkennd, og hinir vija frekar "geraða" heldur en að skoða gamal rykfallið kynlífsdót, sem mér finnst ekki virka sexy á mig.

Hott hott ég er farinn að r.....................................aða í mig morgunmat

[Jenný Anna Baldursdóttir, 14.3.2009 kl. 10:32]

Einar Örn: Góður.

[halkatla, 14.3.2009 kl. 16:44]

þú ert algjör snillingur ég sé þetta allt fyrir mér í huganum (ekki samt þetta dónalega) 

[Ben.Ax. (Benedikt Jóhannes Axelsson), 14.3.2009 kl. 16:59]

Eftirfarandi vísa er eftir nýlátinn hagyrðing.

Týndir og slasaðir bíða menn bana
sem bæglast á hestum um grundir og hlíð.
En ég hef fram að þessu haft fyrir vana
að horfast í augu við það sem ég ríð.

[Hildur Helga Sigurðardóttir, 14.3.2009 kl. 18:42]

Var það ekki hin frægi langferðabílstjóri Óli Ket. sem sagði parinu í aftursæti rútunnar hjá sér að þau þyrftu ekki að borga ferðina frá Selfossi, v.þ.a. "þið fóru nú ríðandi í bæinn" ?

Afsakið dónaskapinn, þetta bara skrapp út sísvona

[Jenný Anna Baldursdóttir, 14.3.2009 kl. 19:40]

HH: Ég dey!

Ben.Ax: Góður líka.

[Magnús Geir Guðmundsson, 15.3.2009 kl. 22:53]

hákon Aðalsteinsson var snillingur, blessuð sé minning hans.