Hlæ ekki að íhaldinu

Tryggvi Þór upplýsti um fjármál sín.  Sjálfsagt mál og eðlilegt og ætti að vera til siðs en ekki undantekning eins og nú er.

Svo kemur Ari Matt og gerir slíkt hið sama.

Ég myndi ekki nenna að blogga um þetta en geri það af því að ég fíla húmorinn hans Ara í tætlur.

Að stofna fyrirtæki sem heitir ENRON er gargandi snilld.

En ég er sem sagt að blogga um þetta um leið og ég fylgist með bálillum málþæfandi Sjálfstæðismönnum í þinginu.

Ég gæti sagt að það hlakkaði í mér yfir því hversu fúlir þeir eru að vera án valdsins, að vera komnir í almenn sæti á Alþingi.

Ég gæti sagt að ég hafi hlegið illgirnislega þegar þingflokksformaðurinn þeirra hún Arnbjörg nánast gargaði í pontu áðan á Árna Þór af því að hann var eitthvað að stríða henni vegna málþófs.

En ég segi ekkert svoleiðis.

Auðvitað er ég ekki að skemmta sjálfri mér á kostnað íhaldsins.

Ætti ekki annað eftir.

Það væri beinlínis kvikindislegt.

Slíkt myndi ég aldrei gera.

Ari upplýsir um fjármál sín

Athugasemdir

[Jóna Kolbrún Garðarsdóttir, 10.3.2009 kl. 01:16]

Ari Matt hefur greinilega flottann húmor.  Skemmtileg lesning. 

[Hólmdís Hjartardóttir, 10.3.2009 kl. 01:51]

Takk fyrir að koma mér í gott skap fyrir nóttina

[Jónína Dúadóttir, 10.3.2009 kl. 05:52]

Auðvitað hlærðu ekkert...

[Katrín Snæhólm Baldursdóttir, 10.3.2009 kl. 07:52]

Ari Matt er bara flottur og verður að komast á þing til að ....æ hvað kallar þú það þetta að jafna.....já til að húmorsjafna við hann Birgi Ármanns sem hefur frekar skorinn skammt af hinum dásamlega húmor.

Og ég þekki mína konu..auðvitað hlærð þú ekki eða skemmtir þér á kostnað íhaldins.. aldrei myni okkur bloggvinum detta til hugar að væna þig um slíkt. Bara alls ekki!!!

[María Guðmundsdóttir, 10.3.2009 kl. 09:05]

[Sigurður Sveinsson, 10.3.2009 kl. 09:18]

Nánast allur sjálfstæðisflokkurinn er í hroðalegum fráhvörfum. Alltí einu rennur upp fyrir þessu blessaða fólki að það hefur misst völdin. Og það er ekki einu sinni til afréttari.