Á þessum bleika degi

Ég er alveg búin að finna út úr því hvernig er best að meika það í lífinu.

Ef maður dinglar sér í sjónkanum nógu lengi til að maður brenni fastur í höfuð fólks þá ertu með pottþétta uppskrift á sökksess.

Ég ætla ekki að æra óstöðugan og fara að fokkast út í hann Sigmund Erni eitthvað að ráði, það eru svo margir sem láta þá staðreynd að Sigmundur mætti á svæðið og lenti í 2. sæti í NA-kjördæmi fara illilega í taugarnar á sér.

Reyndar var Sigmundur Ernir settur á minn svarta lista eftir gamlárskvöldsdramað í Kryddsíldinni, þá setti hann einfaldlega niður sína síðustu kartöflu í mínum garði.

Svo getur hann verið háfleygur og spakur á þingi án þess að það trufli mig.

En þetta sökkar auðvitað að einhver sem hefur ekki komið nálægt pólitík, bara verið í sjónvarpinu, labbi inn og skjótist upp fyrir fólk sem hefur unnið hörðum höndum í flokksstarfi og lagt heilmikið á sig.

Ég skil vel að fólk verði pirrað.

Annars eru fjölmiðlamenn og aðrir sviðsljósálfar oft kallaðir guðir nútímans.

Ég meina fólk vill vita hvað þeim finnst gott að borða í morgunmat.

Hvenær þeir hafi fyrst dottið í það.

Og annað fánýtt kjaftæði sem manni kemur ekkert við.

En hver er ég að vera að rífa mig.

Er farin að horfa á Silfrið á þessum bleika degi.

Næsta skref að flytja norður

Athugasemdir

[zappa (IP-tala skráð) 8.3.2009 kl. 16:48]

erum við hvor eð er ekki með "séð og heyrt"liðið á þingi og hvar erum við svo stödd?vonandi verður eftir kostningar áfram ráðist í að ráða fagfólk í ráðherrastóla,einsog hefur nú verið gert ,að vísu tímabundið.

[Jenný Anna Baldursdóttir, 8.3.2009 kl. 18:14]

Ég er algjörlega á því að vera með utanþings ráðherra.

[Brjánn Guðjónsson, 9.3.2009 kl. 09:35]

hvort það er Sigmundur Ernir eða hver annar, þá finnst mér gott að „óbreyttir“ nái svona árangri, en ekki bara afdankað lið úr útungunarvélum flokkanna.

[Jenný Anna Baldursdóttir, 9.3.2009 kl. 09:54]

Brjánn: Sammála með að afdanskaða liðið úr útungunarvélum flokkanna.  En... óbreyttur, Sigmundur Ernir?  Halló, jörð kallar á Brján.

SE er gangandi og sprelllifandi kosningarbæklingur á lúxuspappír og í lit.

Maðurinn er búinn að vera í stöðugri kynningu í sjónvarpinu í 30 ár.

Óbreyttur my ass.