Áfram Steingrímur!

 

Nú rennir Steingrímur J. niðurskurðaröxinni í gengnum dagpeninga- og hlunnindabinginn.

Það var tími til kominn.

Engir dagpeningar lengur fyrir maka ráðherra í opinberum heimsóknum.  Tékk.

Ráðherrar fá héðan í frá aðeins þriðjung dagpeninga á slíkum ferðalögum framvegis.  Tékk.

Þá verða dagpeningar háttsettra embættismanna og ráðherra lækkaðir um 10%.  Tékk.

Þorgerður Katrín, þarna voruð þið húsbandið helvíti heppin, þið sluppuð til Peking tvisvar sinnum en nú er það búið.

Nú verður fólk að haga sér eins og sú stórskulduga þjóð sem við erum.  Í því felst mæt lexía í auðmýkt fyrir þá sem geta tekið til sín sneiðina.

Nananabúbú.

Án gríns, loksins er verið að taka á óráðsíu og forréttindareglunum í stjórnkerfinu.

Vonandi er þetta aðeins byrjunin.

Íslensk stjórnvöld hafa hagað sér eins og olíufurstar á sveppum þegar kemur að því að úthluta hlunnindum sjálfum sér og sínum til handa.

1-0 fyrir fjármálaráðherra.

Áfram svona!

Steingrímur sker í dagpeninga

Athugasemdir

[Steingrímur Helgason, 6.3.2009 kl. 23:14]

Næztskázti nafninn...

[Anna Ólafsdóttir Björnsson, 6.3.2009 kl. 23:17]

Skrýtnu góðu fréttirnar eru að það hefur verið bruðlað heilmikið, þess vegna er alveg hægt að skera niður, stolt eins og þú af VG og Steingrími J.

[Sigrún Jónsdóttir, 6.3.2009 kl. 23:17]

Flott hjá Steingrími

[Diddi Siggi, 6.3.2009 kl. 23:37]

Bara kjaftæði og kosningabrella þeir bæta við sig aftur strax eftir kosningar, Tókstu eftir hvaða lífeyrissjóð þeir völdu sér.

[, 7.3.2009 kl. 00:17]

Hann er flottastur

[Hilmar Gunnlaugsson, 7.3.2009 kl. 00:28]

Steingrímur er réttlátur maður og hefur nú stjórnin tekið á ýmsu bruðli sem hún lofaði. Ég er ánægðari með stjórnina en ég hélt að ég yrði í fyrstu.

[Gísli Baldvinsson (IP-tala skráð) 7.3.2009 kl. 00:33]

Heilsukveðjur þú þarna vinstrigrænust....frá þreyttum frambjóðanda lýðræðis...gb

[Björn Finnbogason, 7.3.2009 kl. 01:39]

Aldrei hefði ég trúað að frekjadolla eins og þú myndir falla fyrir svona trikki :-P

[Kolla (IP-tala skráð) 7.3.2009 kl. 02:02]

Steingrímur fær prik fyrir þetta. Það er ekki síst meðal ráðamanna sjálfra sem þarf að taka til.

[Hrönn Sigurðardóttir, 7.3.2009 kl. 02:20]

Hrikalega sem ég var ánægð með hann núna!

[Jenný Anna Baldursdóttir, 7.3.2009 kl. 08:56]

Björn Finnboga: Trikki? Mér er sama þótt þetta séu sjónhverfingar svo fremi sem það er gert. 

Það er afskaplega góð tilfinning krakkar að verða vitni að því að eitthvað er gert í ósómanum á sem flestum sviðum.

Steingrímur rúlar hjá mér þessa dagana.