En ég elska ykkur samt..

 

Ég óska þessum manni til hamingju, sko þessum sem gat marið fram sex ástæður til að flytja hingað á klakann.

Hann veit auðvitað ekki um alla hina plúsana sem eru innifaldir í fæðingarrétti Íslendingsins.

Að geta gengið úti í náttúrunni, hlustað á fuglasöng, lyktað af lyngi, verið einn í heiminum og altekinn af fegurð náttúrunnar.  Slíkt verður aldrei metið nógsamlega.

Að vera inni í hlýjunni og hlusta á rokið, rigninguna, snjóstorminn eða hríðina.  Það jafnast fátt á við það.

Að horfa á Esjuna á björtu sumarkvöldi og sjá endalaust ný litbrigði hennar.

Að horfa á sjóinn.

Að finnast maður heyra til, þó allt sé í kalda kolum.

Djöfull er ég væmin.

En mér þykir vænt um landið mitt.

Því miður þá ætti ég auðveldara með að hripa niður sirka hundrað ástæður fyrir að koma sér úr landi.

En ég ætla ekki að gera það. 

Vill ekki leggja mín lóð á vogarskálar varðandi brottflutninga á þessum síðustu tímum.

En málið er einfalt: Mér þykir undurvænt um þessa eyju og flesta sem á henni dveljast.

En sumir mættu flytja úr landi mín vegna.

En ykkur kemur ekkert við hverjir það eru.

En ég elska ykkur samt.

6 ástæður til að flytja til Íslands

Athugasemdir

[Edda Agnarsdóttir, 6.3.2009 kl. 12:45]

Ég er að hugsa um Grænland.

[Jenný Anna Baldursdóttir, 6.3.2009 kl. 13:43]

Nú?? Hví?? Á að flytja??????

[Helga Kristjánsdóttir, 6.3.2009 kl. 14:17]

Þú ert líka skemmtileg "væmin".

[Ásta Björk Solis, 6.3.2009 kl. 16:49]

Ef eg gaeti fengid vinnu a Islandi a sumrin kaemi eg sko arlega.Thad jafnast ekkert a vid Island.