Hugsið áður en þið kjósið

Það sagði við mig kona í kvöld að samkvæmt þessari skoðanakönnun væru um 30% Íslendinga fífl.

Ég vildi ekki skrifa upp á það (amk. ekki opinberlega) en verð að játa að ég skil ekki landsmenn mína sem eru tilbúnir til að flykkja sér á bak við Sjálfstæðisflokkinn eftir allt sem á hefur gengið.

Ég nenni ekki einu sinni að fara inn á það hversu þessi flokkur hefur gjörsamlega týnt og tapað andliti frá bankahruni.

Ekki að hann hafi verið mikið upp á punt fyrir venjulegt fólk fram að þeim tíma.

Mér er þetta þjónkunarheilkenni sumra hulin ráðgáta.

Vonandi eru þetta samúðar"atkvæði" sem þarna koma fram.

Ég skal alveg skrifa upp á svona 15% fylgi ekki prósentustigi meira.

Í guðanna bænum Íslendingar hugsið áður en þið kjósið.

Sjálfstæðisflokkur með mest fylgi

Athugasemdir

[Óskar Helgi Helgason (IP-tala skráð) 5.3.2009 kl. 23:32]

Heil og sæl; Jenný Anna !

Kommúnistinn; Steingrímur J. Sigfússon, er samsekur frjálshyggju hjörð D - B og S lista, hvar hann segir okkur ekki sannleikann, um raunverulega stöðu, okkar Íslendinga !

Mig grunar; Jenný mín - að staða okkar sé, mun alvarlegri, en okkur er tjáð !!!

Punktur !

Með beztu kveðjum /

Óskar Helgi Helgason

[Hólmfríður Bjarnadóttir, 6.3.2009 kl. 00:51]

Þú mannst hvað nefndin sagði. Stefnan er góð en fólkið brást og kjósendur eru nátturlega að kjósa stefnuna, en skítt með fólkið.

Svo eru ansi margir flæktir í netinu og telja sig ekki getað losað sig. Halda líklega að "FLOKKURINN" sjái ef þeir krossa ekki "rétt".

[Jóna Kolbrún Garðarsdóttir, 6.3.2009 kl. 01:21]

Ég er sammála Óskari Helga, um það að staða okkar sé miklu alvarlegri en okkur er sagt. 

[Elinóra Inga Sigurðardóttir, 6.3.2009 kl. 02:26]

Þú verður eiginlega að skilgreina þessi 15%

[Jenný Anna Baldursdóttir, 6.3.2009 kl. 08:23]

Þessi fimmtán eru ólæknandi bjartsýnismenn.

[Stefán (IP-tala skráð) 6.3.2009 kl. 08:30]

Það er algjörlega óhugsandi að 30 % þjóðarinnar séu svo heims að kjósa kvalara sína, Sjálfstæðisflokkinn. Mín skoðun á þessari fylgiskönnun er sú að hún nái mjög takmarkað til unga fólks og kvenfólks. Að þarna sé aðallega náð til íhaldsamra miðaldra karlpunga sem eru svo utangátta í lífinu að þeir hræðist allar breytingar. 

[Bjarni Kjartansson, 6.3.2009 kl. 08:47]

Krúsidúllan mín!!

Kíktu í Fréttablaðið í morgun.  Þar er skoðanakönnun, hvar þjóðin var spurð og hún hefur svarað.

 Spurt er:

VILT ÞÚ VINSTRI STJÓRN?

Þjóðin svaraði:

í . 1 lagi---Nei

í annann stað ,--Neiiii

í þriðja lagi og að lokum þetta:

neeeeiiiiii!!!!!!

Sumsé

Nýsköpunarstjórn Íhaldsins á Hægri kantinum OG íhaldsins á Vinstri kantinum.

Kann alltaf svo vel við kant eitthvað.

Þú skilur

Ekkert dónó þú veist

Bara svona mjúkt og rómó

Mibbú

[Einar Steinsson, 6.3.2009 kl. 09:04]

Ég hef aldrei skilið þá þrælslund sem fær launafólk til að kjósa flokk sem svo bersýnilega gengur erinda þeirra sem vilja halda launum, réttindum og lífsgæðum launafólks í lágmarki. Því fólki er ekki viðbjargandi.

[Ásthildur Cesil Þórðardóttir, 6.3.2009 kl. 09:08]

Sammála öllum hér sem eru hugsandi yfir því að sjálfstæðisflokkurinn skuli ennþá hafa svona mikið fylgi.  Já fólk er hreinlega fífl. 

[Jenný Anna Baldursdóttir, 6.3.2009 kl. 09:19]

Mibbó: Rólegur með þessa könnun.  Það er hægt að kjósa í hvert skipti sem þú ferð inn á síðuna.  Halló, marktækt?

[Bjarni Kjartansson, 6.3.2009 kl. 10:55]

OK

En þetta með nýSKÖPunarstjórn var svo obbó gaman.

Mibbó