Fór í alkóhólistann

Jájá Dagur, gott hjá þér farðu í varaformanninn.

En ég ætla ekki að blogga um það.

Heldur þetta tískufyrirbrigði í talsmáta sem nú tröllríður öllu.

Ég er að játa það fyrir ykkur (arg, enn einn ósiðurinn).

Dagur ætlar í varaformanninn!

Jón Baldvin í formanninn!

Samkvæmt þessu þá fór Helga dóttir mín í lögfræðinginn.

Maysan mín í framkvæmdastjórann.

Saran sú yngsta dembdi sér í nemandann..

og ég rek lestina og fór í alkóhólistann.

Svo má benda á að Jóna vinkona mín fór í rithöfundinn og húsbandið í tónlistarmanninn.

Mikið djöfull sem þetta fer í taugarnar á mér.

Halló, má ekki bara vera hallærislegur og segja að Dagur hárfagri bjóði sig fram í embætti varaformanns?

Farin í Enroninn sem fer að byrja í sjónvarpinu.

Og um kvöldmatarleytið fór ég í hrygginn.

Er að fara í kaffið núna.

Ég er að segja ykkur þetta. (Veggur).

Vilduð þið vinsamlegast doka á meðan ég fer og drekki mér í baðvaskinum?

Dagur í varaformanninn

Athugasemdir

[, 1.3.2009 kl. 21:23]

Dágóð athugun þetta. Farin í þvottinn

[Jón Steinar Ragnarsson, 1.3.2009 kl. 21:35]

Skarplega athugað. Hnakkahárin á mér hafa risið all oft undanfarið yfir þessu, sem og því að nú á allt að axla ábyrgð.  Einn forsíðubloggarinn talar um að háir Stýrivextir axli ábyrgð atvinnuleysis, og svo er talað um að eftirlitskortur sé ábyrgur fyrir hruninu. Nú þegar hægt er að klína ábyrgðinni á hugtök og frasa, þá sé ég ekkert því til fyrirstöðu að fara að snúa sér að öðru.  Það má kannski gera hugtökin og frasana útlæga fyrir svínaríið, algerlega mér að meinalausu.

[Jón Steinar Ragnarsson, 1.3.2009 kl. 21:38]

Tel ´það frumskilyrði ef einhvern sökudólg á að nefna að hann hafi í það minnsta axlir.

[Anna Ólafsdóttir Björnsson, 1.3.2009 kl. 21:39]

Þetta er reyndar alveg hárrétt hjá þér og kannski er bara eitt tilfelli þar sem þetta orðalag á við um: Að fara í hundana! - Og hvern langar í það?

[Jóhanna Magnúsar- og Völudóttir , 1.3.2009 kl. 21:42]

Farin í rúmið!

[Ingibjörg Friðriksdóttir, 1.3.2009 kl. 21:42]

Ég er nú samt að hugsa um að skella mér í háttinn. síðan fer ég í vinnunna á morgun, eftir það fer ég í nuddtímann minn og áður en ég fer í kvöldmatinn, þá veð ég í geðlækninn.

[Óskar Þorkelsson, 1.3.2009 kl. 22:30]

farinn í bjórinn

[Jóhanna Magnúsar- og Völudóttir , 1.3.2009 kl. 22:40]

Farið í rass og rófu!

[Einar Áskelsson (IP-tala skráð) 1.3.2009 kl. 23:10]

Af hverju datt mér í hug lagið "Ertu þá farinn" við lesturinn? Sem betur fer koma sumir, en verra er að sumir fara aldrei.

[Jóna Kolbrún Garðarsdóttir, 2.3.2009 kl. 00:55]

Ég er farin í bloggvinarúntinn. 

[Jónína Dúadóttir, 2.3.2009 kl. 06:31]

Í minni sveit var talað um að "fara í einhvern" þegar einhver réðst á annan og startaði slagsmálum

[María Guðmundsdóttir, 2.3.2009 kl. 09:00]

vid dokum   en annars , hann hefur kannski"hjólad i varaformanninn".....segi eins og Jónína Dúa..thetta átti vid um slagsmál sidast thegar ég vissi...

Gódan mánudag ,knús og kram hédan

[Laufey B Waage, 2.3.2009 kl. 09:45]

Ég ætti kannski að gera sérstaka afrekaskrá, -  þar sem allir liðir byrja á; ég fór í .... Góð hugmynd. Ég hef t.d. farið í nokkur nám, störf, hjónabönd og hlutverk í leikritum.

[Tína, 2.3.2009 kl. 11:13]

Hahahaha veistu................... ég verð bara að viðurkenna að ég var ekki búin að fatta þetta. En þetta er svo satt hjá þér. En skemmtileg ertu með eindæmum tjelling. Langar líka hrikalega mikið að knúsa þig orðið. Það skyldi þó ekki vera að af því verði einhvern tímann??

Þar til það gerist þá sendi ég á þig knús á flugi.

[Jenný Anna Baldursdóttir, 2.3.2009 kl. 11:14]

Tína: Be so sure við eigum eftir að raunknúsast.

Laufey: Sounds lik a plan.

Knús og kreistur á ykkur öll.

Djöfuls krúttin ykkar

[Sólveig Sigurðardóttir (IP-tala skráð) 2.3.2009 kl. 12:40]

Fórstu þá í vaskinn?