Til hamingju ég sjálf!

Maðurinn sem reyndi að brjótast inn á Litla Hraun í nótt á allan minn skilning.

Hann hefur verið að flýja kreppuna!

En mikið skelfing er ég glöð með að febrúarmánuður er að baki.

Bömmer þess mánaðar hefur verið rosalegur hjá mér persónulega.

Er búin að vera meira og minna innandyra vegna lélegrar heilsu og nei, ég ætla ekki að drepa ykkur úr leiðindum með því að tíunda það frekar.

Ofan á þetta bættist svo kreppan.

En hér er kominn mars, daginn farið að lengja all verulega, segið að lífið sé ekki ein óslitin friggings ánægja.

Svo átti ég bloggafmæli síðast í febrúar.  Halló, búin að blogga í tvö ár.

Ríflega 2.2 millur af heimsóknum á tímabilinu.

Til hamingju KRÚTTIÐ mitt sagði ég við sjálfa mig í morgun þegar mér varð þetta ljóst.

Svo gekk ég að speglinum og knúsaði mig og kyssti.

Ég bíð spennt eftir Silfrinu.

Ég er eiginlega að komast á þá skoðun að sunnudagar séu ljúfir dagar.

Kem að vörmu, ætla að skreppa í smók.

En ekki blaðra því. Það er svo mikið af reykingarfasistum sem vilja snúa mér yfir á heilbrigðu hliðina.  Gjörsamlega óþolandi þessar björgunarsveitir.

Eða þannig.

Ég treysti því að þið verðið þögul sem gröfin.

Innbrotstilraun á Litla-Hrauni

Athugasemdir

[Hildigunnur Rúnarsdóttir, 1.3.2009 kl. 10:30]

Jenný þó! Veistu ekki hvað er hættulegt að reykja???!!!

(iiii, djók :D )

[Katrín Snæhólm Baldursdóttir, 1.3.2009 kl. 10:38]

Ljúfan smók Jennslan mín.Gott að febrúar er að baki og ekkert nema dagskíma og blómstrandi betri tímar framundan..eða þannig. Sunnudagsknús gott silfur. Hef hlerað að það verði GÓÐUR gestur næst hjá Agli sem vert verður að hlusta á af athygli.

[María Guðmundsdóttir, 1.3.2009 kl. 10:43]

mikid gott og gaman thegar janúar og febrúar eru ad baki..mars er bara med vorbragdi og thá lifnar madur nú aldeilis vid  vonandi var smókurinn gódur, enginn pistill hjá mér..thar sem vid erum thjáningarsystur i thessum efnum 

hafdu gódan sunnudag Jenný,knús og krammar hédan

[Brynja Hjaltadóttir, 1.3.2009 kl. 10:52]

Ég hefði viljað sjá þegar þú knúsaðir þig og kysstir í speglinum..haha

En til hamingju engu að síður.

[Sigrún Jónsdóttir, 1.3.2009 kl. 11:02]

Til hamingju með bloggafmælið Jenný Anna Það hefur verið frábært að fylgjast með færslunum þínum, bæði gamansömum og alvöruþrungnum

[Jónína Dúadóttir, 1.3.2009 kl. 11:03]

[Anna , 1.3.2009 kl. 11:32]

Er verið að fá sér súrefni usum svei svei. Til hamingju með 2 árinhave a good day........