Æi, hættu þessu væli

Nú stendur Höskuldur Þórhallsson í ræðustól á Alþingi og heldur þrumandi kosningaræðu.

Hann skammar fjölmiðla og almenning, ófriðaröflin vegna vanstillingar og að hafa ætlað sér annarleg sjónarmið þegar hann snérist á sveif með Sjálfstæðismönnum í viðskiptanefnd.

Alþingi getur ekki látið vanstilltan almenning ráða gjörðum sínum.

Eða eitthvað svoleiðis kjaftæði.

Ókei, Höskuldur, baðaðu þig í ljósinu.

Sennilega varstu hafður fyrir rangri sök.

Ég biðst afsökunar sé það tilfellið.

Taktu þitt korter af frægð og frama.

En ekki gleyma því að trú fólks á Framsókn er lítil sem enginn.

Við erum vanari hrossakaupum af flokknum þínum í gegnum tíðinda.

Þú geldur fyrir það svo einfalt er það.

Og hættu svo þessu væli, harkaðu af þér og njóttu helgarinnar addna.

Þetta heitir skammarfyirgefningarbeiðni.

 

Lokaumræða um Seðlabanka hafin

Athugasemdir

[ÞJ (IP-tala skráð) 26.2.2009 kl. 12:50]

Ert þú að reyna að skapa þér einhvern frægðarljóma með þessu bulli þínu.  Svona rugl dæmir sig sjálft.  Ég ætla rétt að vona að þetta vinstra rugllið fái rasskell í kosningunum, það á ekki annað skilið.  Vinstri stjórnin telur sig vera stjórn heimilanna í landinu en gerir ekki neitt, aðeins eitt er á dagskrá, það að henda Davíðu úr Seðlabankanum til þess að þóknast útrásarbullurunum í Bónus.

[Jón (IP-tala skráð) 26.2.2009 kl. 13:01]

Davíð Oddsson var forsætisráðherra Íslands og stjórnaði einkavinavæðingu bankanna frá upphafi til enda.
Aðal hugmyndafræðingur hans við þetta verk var Hannes Hólmsteinn Gissurarson.
Davíð Oddson er 100% ábyrgur fyrir þessu ferli.

Ég vil einnig vekja athygli ykkar á þessari staðreynd.
 
Samkvæmt  91. grein almennra hegningarlaga er Davið Oddson  lögbrjótur!


Úrdr. úr X. kafla almennra hegningarlaga -

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
 Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
 Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …1) fangelsi allt að 3 árum, eða sektum, ef sérstakar málsbætur eru fyrir hendi.
 
Lýsing refsiverðs verknaðar:

Í Kastljósþætti Ríkissjónvarpsins þriðjudaginn þann 7. október 2008 skýrir seðlabankastjóri Davíð Oddsson frá ráðagerðum og ályktunum ríkisins um málefni, sem heill þess gagnvart öðrum ríkjum er undir komið, og hafa mikilvæga fjárhagsþýðingu fyrir íslensku þjóðina gagnvart útlöndum.

Tjón vegna þessa verknaðar fyrir íslenska þjóð nemur 6000 miljarða ISK!

Embættismanni sem brýtur af sér á þennan hátt ber umsvifalaust að víkja úr starfi.

Sjá:
http://www.icenews.is/index.php/2008/10/13/richard-portes-analyses-the-shocking-errors-of-icelands-meltdown/

"Mr Oddsson is part of the problem, not of any solution, and should resign immediately."

[Stefán (IP-tala skráð) 26.2.2009 kl. 13:09]

Sumir segja þetta algjört ego-flipp hjá Höskuldi, aðrir segja Þórólf kaupfélagsstjóra á Sauðárkróki og frænda Dabba hafa hnift svona hressilega í hann.

[Pétur (IP-tala skráð) 26.2.2009 kl. 15:37]

Því má Höskuldur ekki baða sig í því að hafa haft vit fyrir viðskiptanefnd og gert lögin betri.  Við skulum ekki gleyma því að það var þingfall á mánudaginn og helst á forsetisráðherra að skilja að landið hefði orðið fyrir stór áföllum líkt og eldgosi eða jarðskjálfta.  Það vantaði heldur ekki stóru orðin og samsæriskenningarnar.  En þú biðst afsökunar, en þó ekki án þess að hnýta í Höskuld um leið.

[Jón (IP-tala skráð) 26.2.2009 kl. 15:44]

Seðlabankinn er gjaldþrota!

Davíð Oddsson setti bankann á hausinn!

Það er þjóðarnauðsyn að fá hæfa menn til að endurreisa bankann og byggja upp traust á islenska efnahagskerfinu.
Nú eru íslensku "Kvislingarnir",  föðurlandssvikararnir á Alþingi að tefja þetta mikilvæga mál með málþófi og útúrsnúningum.

Sjálfstæðisflokkurinn er  hópur landráðamanna sem hefur gert þjóðina gjaldþrota. Fram á síðustu stund reyna þeir að valda sem mestum skaða og eyðileggja framtíð þjóðarinnar. 

[Tína, 26.2.2009 kl. 16:32]

Það er naumast að sumir geta bloggað á bloggum annarra !

En ég ætla ekki að tjá mig um þessi mál frekar en fyrri daginn. Það eina sem ég ætlaði að segja er þetta "djööö er ég búin að sakna þín tjelling, en nú er ég komin aftur og fylgist spennt með þér aftur".

Hrikalegt helgarknús á þig vinkona.

[Jenný Anna Baldursdóttir, 26.2.2009 kl. 16:42]

Velkomin Tína mín. 

Takk fyrir þátttökuna og fræðsluna í kommentakerfinu.

ÞJ: Ég segi við þig sama og við aðra nafnleysingja sem rífa kjaft og eru með persónulegt skítkast: Megir þú detta illilega á hausinn og hrufla á þér nefið.