Hljómandi málmur og hvellandi bjalla

Gott hjá Árna Matthiesen að stimpla sig út.  Það er að minnsta meiri áttun í gangi þar en hjá sumum flokksbræðrum hans.

Ég er búin að vera að fylgjast með Sjálfstæðismönnum þrasa og þvæla undir yfirvarpi málefnalegrar umræðu við lokaafgreiðslu Seðlabankafrumvarpsins.

Ég ég get sagt ykkur í trúnaði að ég hef verki með því að horfa á suma þingmenn Sjálfstæðisflokksins.

Fyrst skal nefna Sigurð Kára Kristjánsson.  Öflugur og snarborulegur er hann að mati Össurs Skarphéðinssonar. 

Mér finnst hann þrætugjarn og þvælinn, bitur og reiður.  Ekki vitund krúttlegur.

En ég lifi hann af.

Það gerir mig hins vegar snakilla þegar ég horfi á "háttvirtan" þingmann Guðlaug Þ. Þórðarson, standa í prófkjörsbaráttu frá ræðustól á Alþingi.

Maður sem hefur eytt tugum milljóna af almannafé til að lappa upp á ímynd sína og fá rándýra sérfræðiaðstoð úr öllum áttum og hefur greinilega ekki haft nokkrar áhyggjur af eyðslunni stendur nú í ræðustól þingsins og talar ítrekað um heimilin í landinu, fólkið í landinu, almenning í landinu og fyrirtækin í landinu.

Og honum er stórlega misboðið.  Á ekkert að fara að taka á vanda heimilanna spyr þessi Armaniklæddi pótintáti með kökk í hálsi?  Er öllum sama?

Halló, hvað var hann að gera maðurinn frá því í október s.l. þangað til fyrir rúmlega þremur vikum?

Ég verð að játa að þegar þessir ungu forréttindadrengir í Sjálfstæðisflokkunum, eins og Sigurður Kári Kristjánsson og Guðlaugur Þór Þórðarson tala með þessum hætti um almenning þá er í þeim holur hljómur, engin sannfæring og fyrir mér eru þeir eins og geimverur sem hafa ekki hugmynd um hvað þeir eru að tala.

Mér finnst það eiginlega á við að klæmast á Litlu gulu hænunni þegar þessir menn láta eins og þeir sofi ekki af áhyggjum yfir líðan og kjörum almennings.

Það hefur að minnsta kosti ekki þvælst fyrir þeim fram að þessu.

Eigum við eitthvað að ræða um hljómandi málm og hvellandi bjöllu.

„Nú fer ég að líta í kringum mig“

Athugasemdir

[hilmar jónsson, 26.2.2009 kl. 17:03]

Held að "leiðtoginn " Árni hafi ekki átt aðra valkosti eftir frekar sökkandi tímabil sem fjármálaráðherra. Pétur Blöndal mætti taka hann sér til fyrirmyndaar með þetta.

[Brjánn Guðjónsson, 26.2.2009 kl. 17:16]

miðað við orðalag fréttarinnar,

„Árni staðfesti í samtali við Morgunblaðið 8. febrúar að hann sæktist áfram eftir setu á Alþingi í kosningunum 25. apríl næstkomandi“

eru tveir aðrir möguleikar en sá að hann hætti.

„Árni hefur ákveðið að gefa ekki kost á sér í prófkjöri Sjálfstæðisflokksins í Suðurkjördæmi í næsta mánuði.“

a) hann býður sig fram fyrir annan flokk (kannski með Dabba)

b) hann býðir sig fram í öðru kjördæmi.

[Jenný Anna Baldursdóttir, 26.2.2009 kl. 17:18]

Sjitt.

[María Guðmundsdóttir, 26.2.2009 kl. 18:44]

afi hefdi sagt um thessa kumpána " iss, ekki madur med mønnum sem ekki hefur migid i saltan sjó" og thad getur átt vid fleiri en fiskimenn...thessir pésar hafa eflaust ekki migid i okkar almennings salta sjó. Svo bara "éttann sjálfur" i pontu althingis.

kvedja til thin Jenný,eigdu gott kvøld

[Ásthildur Cesil Þórðardóttir, 26.2.2009 kl. 21:52]

Jamm pótintátar eru þessir gulldrengir.  Maður fær klígju af "umhyggju" þeirra fyrir fólkinu í landinu.  Svei því bara.

Brjánn hehehe heldurðu að þetta sé þannig vaxið.  Hann ætlar ef til vill með Bjarna Harðar og có í slaginn. 

[Helga Magnúsdóttir, 26.2.2009 kl. 22:01]

Ég held að þessir spjátrungar kunni ekki einu sinni að stafa "almenningur" hvað þá meira.

[, 26.2.2009 kl. 23:44]

Blessaður karlinn hann Árni Matt er búinn að þvælast kjördæmið þvers og kruss og enginn vill tala við hann. Skrýtið eins og hann er auðmýktin og ljúfmennskan holdi klædd. Og skinnið hann Gulli sem er svo duglegur að spara með því að láta þá sem eru aldraðir, sjúkir eða í barneignarhugleiðingum bara deyja drottni sínum ef þeir eru svo vitlausir að vilja endilega búa annarsstaðar en í Reykjavík. Já þeir eru góðir þessir gæjar  NOT

[Einar Indriðason, 27.2.2009 kl. 11:58]

Það að þessir jakkafata.... <setjið inn skammarorð að eigin vali> ... pótentátar... skuli leyfa sér allt í einu að tala um "heimilin í landinu" og "fólkið í landinu" er MÓÐGUN við heimilin og fólkið í landinu, sem hefur þurft að berjast við þessa ... flokks-drauga.

Þetta er MÓÐGUN við okkur, að þeir allt í einu skuli finna ný slagorð - orð sem þeir halda núna að muni hjálpa þeim.  Þetta er bara beinlínis MÓÐGUN við almenning.

Þessir jakkafatapótentátar hafa nú ekki beint verið talsmenn heimilanna eða fólksins í landinu hingað til.

Hvernig væri að þið jakkafata...<setjið inn skammaryrði að eigin vali> bara ... SNÁFUÐU!!!!!