Beðið við símann?

Sjálfstæðismönnum er meinilla við forsetann svo ég kveði ekki fastar að orði.

Þessu með greinina hans Eiðs geta þeir ekki sleppt.

Nú vilja Sjálfstæðismenn í utanríkismálanefnd fá formann nefndarinnar til að óska eftir upplýsingum frá forsetaembættinu og undanríkisráðuneytinu í tilefni af grein Eiðs Guðnasonar, fyrrverandi sendiherra í Mogganum.

Sko, Sjálfstæðismenn telja sig réttborna til flestra embætta sem fengur er í þessu þjóðfélagi (til að fyrirbyggja misskilning, sem þeim þykir fengur í, svona vegtylluplebbismi).

Þeir eru því búnir að vera friðlausir síða ÓRG var kjörinn forseti.

Því miður er ÓRG að leggja þeim upp í hendurnar alls kyns ástæður til að hamast og djöflast.

Óli farðu að hegða þér.

Ég skil vel að íhaldið vilji fremur velta sér upp úr forsetanum en sjálfum sér þessa dagana.

Eftir sautján ára valdasetu íhaldsins við kjötkatlana sem þeir toppuðu svo með að sitja lamaðir hjá meðan þjóðarskútuna rak stjórnlausa fyrir vindi, þá er útlitið ekki fagurt og ábyggilega hundleiðinlegt og laust við glamúr að horfast í augu við sjálfan sig.

Þess vegna má ólátast yfir öllum fjandanum, svo fremi það hafi ekki með þjá sjálfa að gera.

Af hverju hringir þetta fólk ekki í Eið.

Hann hlýtur að bíða við símann.

Óska skýringa á grein Eiðs

Athugasemdir

[Sigrún Jónsdóttir, 18.2.2009 kl. 15:45]

Tek undir með Búkollu og vil reyndar bæta því við mér fannst Eiður aldrei merkilegur pappír í pólitík.  Hann var svona dæmi um mann, með þekkta ásjónu vegna starfa við sjónvarp, sem mætti svo "galtómur" á framboðfundi í hinu gamla Vesturlandskjördæmi og hafði lítið til málanna að leggja.

[Finnur Bárðarson, 18.2.2009 kl. 15:47]

"Af hverju hringir þetta fólk ekki í Eið.

Hann hlýtur að bíða við símann." He, he, gott :)

[Ía Jóhannsdóttir, 18.2.2009 kl. 15:48]

Það eru fleiri en íhaldið sem hafa áhyggjur af forseta vorum skal ég segja ykkur og það sko ekki af ástæðulausu.   

[Jenný Anna Baldursdóttir, 18.2.2009 kl. 17:31]

Ég tek ekki afstöðu p.c. til Ólafs, finnst reyndar að hann ætti að tjá sig ögn minna og sjaldnar er hann gerir.

En sjálfstæðismenn sofa ekki af heift og hatri út í manninn.  Það er nokkuð ljóst.

[Finnur Bárðarson, 18.2.2009 kl. 17:38]

Það sem mér finnst oft mælikvarði á skemmtilega góða færslu er síðasta setningin

[hilmar jónsson, 18.2.2009 kl. 20:55]

Mér finnst ekkert að því að forsetinn tali og tjái sig um málefni líðandi stundar.

Skárra að hlusta á hann en steypuna í Geir Harde. Forsetinn hefur þó haldið sig við sannleikann. Meira en Geir hefur gert..

[Halldór Jóhannsson, 18.2.2009 kl. 21:50]

En sofið þið nokkuð útaf DO...var ekki ansi mikið fjaðrafok þegar hann tjáði sig í Kastljósinu,eða hvar sem það var aftur....En reynum að sofa vært samt....