Óskar; borga og kveðja

Það var merkilegt að horfa á Óskar Bergsson í Kastljósinu í gær.

Hann var svo rosalega 2007.

Honum var fyrirmunað að sjá að það væri eitthvað athugavert við að láta reykvískan almenning borga fyrir vín og meððí fyrir flokksbræður hans úr öðrum sveitarfélögum.

Þóra Arnórsdóttir reyndi hvað hún gat að fá hann til að skilja hvers vegna fólki gæti mögulega fundist eitthvað að þessu bruðli í kreppunni og Óskar náði ekki málinu.

Hann var hins vegar æstur í að fá að halda kosningaræðu um sjálfan sig og íhaldið í borginni, hversu sparsöm þau væru, búið að lækka laun og allt.

Siðlausum stjórnmálamönnum er ekki hægt að leiða neitt fyrir sjónir.

Framsóknarmennska af gamla skólanum, sem finnst örugglega í öllum flokkum ef grannt er skoðað, er eða á að vera liðin tíð.

En þarna í borginni má sjá hvað gerist þegar lítill flokkur með lágmarks fylgi kemst til valda, þökk sé íhaldinu og hegðar sér svo eins og olíufursti með fjármuni almennings.

Ég bið fólk að hafa þennan möguleika í huga þegar það gengur til kosninga í vor.

Ég vil ekki sjá lamaðan og fylgislausan flokk leiddan til áhrifa í landsmálunum.

Óskar, segðu af þér og borgaðu nótuna.

Hér má verða vitni að siðlausum Óskari Bergssyni.

Athugasemdir

[Óskar Þorkelsson, 18.2.2009 kl. 11:32]

Óskar Bergsson saurgar nafn afa míns sem var heiðarlegasti maður sem ég hef kynnst.. því miður erum við nafnar líka.

[Þórarinn Sigfússon (IP-tala skráð) 18.2.2009 kl. 11:56]

Ég er sammála þér ég horfði á viðtalið í gær. Hann kom mjög illa út úr þessu viðtali og gerði það sem pólitíkusar gera þegar þeir vilja ekki svara erfiðum spurningum tala í kringum hlutina. Ég er viss um að Óskar er ágætur kall en það sem fór mest í taugarnar á mér var að hann vildi ekki viðurkenna að hann hafi gert eitthvað rangt og ég hef það á tilfinninguni að hann viti það sjálfur að í þessu tilfelli misnotaði hann vald sitt.

[Anna , 18.2.2009 kl. 11:58]

Sem kemur þessu máli ekki við. Mer var sagt um daginn að því ég væri íslendingur og með kreppuvírus kæmist ég ekki inn í Bandaríkin því vírusinn væri bráðsmitandi. Og að þeir vildu ekki slíkt fólk inn í landið. Hefur nokkur maður séð lyf við honum. Nú erum við í djúpum skít.

[Katrín Snæhólm Baldursdóttir, 18.2.2009 kl. 12:12]

Siðblindan sér aldrei sjálfa sig...það er vandamálið.

[Agla (IP-tala skráð) 18.2.2009 kl. 12:17]

Þetta var athyglisvert viðtal.

Er einhvers staðar hægt að nálgast upplýsingar um þær starfsreglur sem gilda um móttökur að loknum starfsfundum á vegum Reykjavíkurborgar? 

Óskar virðist telja eðlilegt að Reykjavíkurborg taki á móti fólki með "sæmilegum myndarskap" og  eins að móttakan að loknum þessum umrædda fundi hefði verið innan þess ramma sem hefð sé fyrir. Þá vaknar náttúrulega sú spurning hver ramminn sé.

Mér sjálfri finnst kaffi og nýbakaðar kleinur vel frambærilegt í svona tilfelli  en svo er greinilega ekki?????

[Salvör Kristjana Gissurardóttir, 18.2.2009 kl. 12:46]

Það má deila um það hver má bjóða hverjum hvað á kostnað borgarbúa.  En hegðun  Ólafs Magnússonar er kominn út úr öllu korti. Hann leggur sérstaka fæð á Framsóknarmenn enda voru það þeir sem björguðu borginni úr þeim fíflasirkus sem borgarmálin voru komin í undir forustu Ólafs. Það var ömurlegt fyrir alla borgarbúa að fylgjast með því. Ég hef ekki farið varhluta af hegðun hans. 

Sjá t.d. hegðun hans hérna:

http://www.rvk.is/desktopdefault.aspx/tabid-725

[Salvör Kristjana Gissurardóttir, 18.2.2009 kl. 12:48]

Svo má ekki gleyma að húskofaruglið hans Ólafs kostaði borgina milljarð.

[Jenný Anna Baldursdóttir, 18.2.2009 kl. 12:55]

Salvör: Ólafur er eitt og margt má að honum finna.  En það hefur nákvæmlega ekkert með mál Óskars Bergssonar að gera.

Óskar stendur einn fyrir sínum glöpum og ber ábyrgð á þeim, í þessu tilfelli benti Ólafur á það og ég kann honum þakkir fyrir.

Hins vegar er ég enginn aðdáandi Ólafs svo það sé á hreinu.

[Lilja Guðrún Þorvaldsdóttir, 18.2.2009 kl. 13:02]

Maðurinn var óforbetranlegur í Kastljósinu, siðblindan í algleymi. - Hann verður að segja af sér, hann getur ekki setið sem forseti borgarstjórnar eftir orð sín í Kastljósinu.

[Stefán (IP-tala skráð) 18.2.2009 kl. 13:43]

Óskar Bergsson hefur greinilega lært sitthvað af Birni Inga og væntanlega ekkert jákvætt, enda hafa þeir líklega báðir útskrifast með hæstu einkunn úr Spillingarskóla Alfredos.

[Þórbergur Torfason, 18.2.2009 kl. 13:58]

Þetta er bara framsókn Jenný.