Þarf að hrista þessa menn?

Ég var að furða mig á því í morgun þegar ég fylgdist með þingfundi, hvernig stæði á því að sumir Sjálfstæðismenn skuli ekki enn hafa áttað sig á alvarleika þess sem við eigum við að etja, Íslendingar.

Að þeir skuli enn ganga um í sínum vatteraða fílabeinsturni og haga sér eins og þeir séu á málfundaæfingu og komi í pontu milli þess sem þeir snyrta á sér andskotans neglurnar?

Þetta sló mig sérstaklega þegar fyrrverandi heilbrigðisráðherra beindi spurningu til utanríkisráðherra um hvaða Evrópukúrs hafi verið tekinn í nýrri ríkisstjórn.

Rétt eins og skoðanir stjórnar í Evrópumálum (fyrir utan það sem stendur í stjórnarsáttmála) sé það sem íslenskt samfélag stendur og fellur með.

Eins og áttatíu daga ríkisstjórn sé að dúlla sér í Evrópumálunum af því allt annað er í svo fínum farvegi.

Eins og hér ríki bara nokkuð gott ástand í öllum málum og þingmenn hafi ekkert betra að gera en að reyna vera fyndnir í ræðustól.

Annars hafa þeir sérstakt lag á því Sjálfstæðismenn þessa dagana að koma manni á óvart.

Hvar voru þeir þegar allt hrundi?

Hafa þeir ekki heyrt hvað er í gangi í þjóðfélaginu?

Þarf að hrista þessa menn?

Tvö hænufet og tvíhöfða þurs

Athugasemdir

[Ibba Sig., 12.2.2009 kl. 13:51]

Já, það þarf að hrista þetta fólk.

[Ásthildur Cesil Þórðardóttir, 12.2.2009 kl. 13:58]

Þeir eru bara að leika sér í nýju hlutverkunum í stjórnarandstöðu og óska þess heitast að nýju stjórninni mistakist, svo þeir fái fyrsta sætið aftur.  Metnaðurinn er nú ekki meiri en það hjá þeim.  Svei því bara, ég hélt að sumir allavega hefðu eitthvað milli eyrnanna annað en eyrnatappa, en það virðist vera að þar sé ekkert að finna nema spegil Narsissus.

[Bjarni Kjartansson, 12.2.2009 kl. 14:25]

Ætlar þú að standa fyrir því, að rugla enn meir en komið er heilagrautinn í þessu liði?

Shake baby shake an all that stuf.

En shaken Baby syndrome er alvarlegur hlutur --SKO

Baby ,baby

Mibbó

segir að rock sé betra en shake

Tekur drykki sína beint og óblandaða.

Ekkert shaken but not stired kjaftæði hér.

[Sól (IP-tala skráð) 12.2.2009 kl. 14:44]

...................Ég held að það þurfi að hrista fleiri en BARA X-D hvað með hitt liðið og forsetann......................!!!!!!!!!!!!!!!!!!! annars  hvað gagnast að hugsa svona, ég vil frekar óska þeim öllum góðs gengis hvort sem er hægri eða vinstri og vona innilega að það sé verið að reyna gera eh. af viti fyrir okkur fólkið í landinu.

ps: það voru fleiri en X-D  á þingi þegar og áður en allt hrundi.

[Anna , 12.2.2009 kl. 14:53]

Þingið er að breytast í einhverrskonar grínleikhús er það viðeigandi eins þjóðfélagið er í dag. Mer finnst það nú virðingarleysi gagnvart fólki sem hafa misst allt og á einnig eftir að missa ættinga sína og fjölskyldu til útlanda vega ástandsins.

[Stefán (IP-tala skráð) 12.2.2009 kl. 15:17]

Sjálfstæðisflokkurinn samanstendur af ábyrgðarlausum eiginhagsmunaseggjum sem margir hverjir virðast hafa þroskastig unglinga sem vita ekki hvort þeir eiga að vera börn eða fullorðnir. Stuðningsfólk Sjálfstæðisflokksins er m.a. fólkið sem nánast gerði þjóðina gjaldþrota, útrásarvíkingarnir.

[María Guðmundsdóttir, 12.2.2009 kl. 15:33]

já thad tharf sko sannarlega ad HRISTA thessa menn 

[Soffía (IP-tala skráð) 12.2.2009 kl. 16:21]

Kannski ekki skrítið að Sjálfstæðismenn spyrðu um þetta þar sem þetta var krafan um miðjan desember: "Samfylkingin eigi ekki að sitja í ríkisstjórn sem stefnir ekki að aðildarviðræðum við ESB. Ríkisstjórnarsamstarfinu sé því sjálfhætt komi ekki til stefnubreytingar Sjálfstæðisflokks í Evrópumálum"  (af vef Samfylkingar) og hver er staðan núna? Eru VG leiðitamari í þessum málaflokki en D? Ef þetta var svona rosalega brýnt í desember ætti það þá ekki einhvers staðar að fyrirfinnast í nýrri ríkisstjórn í byrjun febrúar? Ég er hins vegar sammála því að það er ekkert að gerast hjá þessari ríkisstjórn - enda helmingurinn af henni leyfar af þeirri síðustu og vissu frá degi eitt hve erfitt verkefni þetta var og ætla hreinlega að sitja það af sér til að skemma ekki fyrir sér í kosningum og hinn helmingurinn er eins og kýr að vori að reka fólk og ráða í stjórnir og ráð.  Ussss.....  þetta kallast að fara úr öskunni í eldinn!

[Liberal, 12.2.2009 kl. 16:26]

Nei, sennilega skiptir framtíðarskipulag í hagstjórn og efnahagsmálum ykkur VG litlu. Þetta litla og ómerkilega atriði sem þú minnist á var nú samt nógu merkilegt í huga Samfylkingarinnar fyrir nokkrum vikum að þeir voru tilbúnir að slíta stjórnarsamstarfi ef ekki væri dansað eftir þeirra takti. Merkilegt hvað Samfylkingin getur sýnt mikinn vindhanahátt í stjórnmálum, en þetta sló allt út.

Þið í VG komist ekki nálægt því að skilja vandann eða hvað þarf að gera til að koma okkur út úr honum. Ummæli Steingríms og félaga sýna það og sanna.

Allir stjórnmálaflokkar eru slæmir í dag, enginn kostur er góður. En þeir eru misslæmir. Hversu ósáttir svo sem menn kunna að vera við Sjálfstæðisflokkinn, þá er það einfaldlega þannig að VG er í startholunum að sjanghæja þjóðina lóðbeint til andskotans í einhverri misskilinni þjóðfélagslegri tilraun

Kjósendum VG má skipta í þrjá hluta: a) sófakomma - unga krakka sem hafa lifað á mömmu og pabba og hafa aldrei staðið á eigin fótum. Skilja ekki raunveruleikann og finnst það hipp og kúl að vera kommi. Þetta fólk hættir yfirleitt að kjósa vinstrimenn þegar það fær nasasjón af því hvernig raunveruleikinn virkar. b) iðjuleysingjar og afætur - fólk sem nennir ekki að vinna, kerfisfræðingarnir sívinsælu sem hirða allar bætur og styrki sem í boði eru og þekkja kerfið betur en færustu embættismenn. Þetta fólk eru sníkjudýr þjóðfélagsins og heimta sífellt meira og meira úr samneyslunni en leggja ekkert til. Þetta fólk kýs VG því það er eini flokkurinn sem elur á heimtufrekjunni í þessuma afætum. c) afdankaðir kommar sem eru rótfastir í því að gamla Sovét hafi barasta verið fínt og þar hafi verið gott að lifa.

Ef VG hefði verið við völd hér síðustu 18 ár hefði fallið ekki verið eins mikið, það er alveg víst. En við hefðum heldur ekki upplifað neinar efnahagslegar framfarir undanfarin 18 ár. Ef þið horfið á íslenskar myndir frá ca. 1980, þá sjáið þið hvernig Ísland væri í dag ef VG hefði verið hér við völd.

VG boðar engar framfarir. VG boðar skattpíningu (Steingrímur ætlar að skattleggja alla aukalega sem hafa tekjur umfram 300 þúsund á mánuði, og því fagnar hópur b) ), blátt bann við nýtingu náttúruauðlinda (engar hvalveiðar, engar virkjanir), og mun gera einkaframtakinu ómögulegt að þrífast á Íslandi (VG hatast út í alla sem reka fyrirtæki og voga sér að græða á slíku).

Afæturnar og kerfisfræðingarnir fagna þessu, því þeir hópar sjá fram á að bótatékkar þeirra snarhækki og þeir geti lifað eins og kóngar á kostnað skattgreiðenda, en hin 90% þjóðarinnar, sem þarf að borga undir óæðri endann á afætunum, hafnar slíku. Það er bara spurning hvort þessi 90% fatti það fyrir eða eftir kosningar. En eitt er víst, VG mun keyra þessi 90% í jörðina með einu eða öðru móti ef sá flokkur fær til þess tækifæri.

[Einar Indriðason, 12.2.2009 kl. 16:51]

Skemmtileg "smjörklípa" þarna, hjá liberal.... ekkert verið að taka á vandanum og búinu eftir D (rjúkandi rúst), heldur... slett út og suður í allar aðrar áttir.

SJÁÐU DAUÐA FUGLINN ÞARNA FLJÚGANDI?  HA? HVAR?

[Jenný Anna Baldursdóttir, 12.2.2009 kl. 17:32]

Takk fyrir umræðuna.

Liberal; af hverju bloggar þú ekki á þinni síðu?

Hvers á ég að gjalda?

[Margrét St Hafsteinsdóttir, 12.2.2009 kl. 23:02]

Geta stjórnvöld ómögulega sameinast um að taka á málefnum þjóðarinnar og hætt  þessu þrasi?   XD fólkið ætti að fara í naflaskoðun og taka á sínum málum og reyna að temja sér smá lítillæti.