Götustrákar Seðlabankans

Geirnaglinn Óli Klemm, þessi sem varð fyrir "ofbeldinu" fyrir utan Borgina á gamlárs þið munið, þessi sem náðist upp á band með bróður sínum "verja" sig fyrir brjáluðum múgnum, hefur enn einu sinni lent í að á hann er ráðist, þar sem hann var blásaklaus að keyra á sinni sjálfrennireið til vinnu.

Hann segir að mótmælandi hafi barið bílinn hans að utan með kylfu.

Mótmælandinn segir Óla í Klemmu hafa keyrt á sig.

Hvorum á maður að trúa?

Fórnarlambinu Ólafi Klemenssyni eða

mótmælandanum Hermanni sem segir hið gagnstæða?

En til að hressa upp á gullfiska minni okkar almennings þá er hér myndband af Óla í Klemmu og bróður hans (Óli er þessi óframfærni með vindilinn), verjast árásum mótmælanda við Borgina á gamlárs.

Það er einfalt, klippt og skorið hvað mig varðar, mótmælandinn fær mitt atkvæði og ekki orð um það meir.

Óli er í Klemmu.  Það er nokkuð ljóst.

Það er götustrákabragur á Seðlabankanum, þessari stofnun sem tekur sig svona líka hátíðlega.

Davíð er í stríði, engu eirt, engir fangar teknir -púmm pang og sviðin jörð.

Moggaritstjórinn er meira að segja búinn að fá nóg af óþekktaröngum Seðlabankans.

Halló, er þá ekki fokið í flest skjól?

Fækkar við Seðlabankann

Athugasemdir

[Lilja Guðrún Þorvaldsdóttir, 9.2.2009 kl. 11:26]

Vesalings Óli Klemm, það er ekki alltaf tekið út með sældinni að vera óframfærinn"geirnagli". 

[Stefán (IP-tala skráð) 9.2.2009 kl. 11:42]

Lítill hlægilegur kall með stóran vindil að rífa kjaft, he, he, he.  Annað, Beat Sieganthaler sérfræðingur TD Securites segir að  ákvörðun Davíðs Oddssonar um að setja áfram sé enn einn dapurlegur snúningur í harmleik íslenskra efnahagsmála. Þetta sjá auðvitað allir nema hinn dapurlegi og einangraði frjálshyggjuarmur Sjálfstæðisflokksins, sem um leið er að mála flokk sinn út í horn. Þeim ber reyndar að þakka það.

[halkatla, 9.2.2009 kl. 12:29]

þeir hafa ekki orðið fyrir neinu ofbeldi heldur ofeldi