Hormónar og pólitík

 

Það er fyrir svo löngu kominn tími á nýjan og betri hugsunarhátt í öllu kerfinu á Íslandi eins og það leggur sig.

Karhormónisminn á fyrir löngu að vera búinn að syngja sitt síðasta tón, digrum rómi.

Stundum er eins og allt gangi út á eilífar pisskeppnir, hver hefur lengstu bununa?

Hvað er það með suma karlmenn og keppnir?

Ég fagna því að núna eru konur jafnmargar körlum í ríkisstjórn Ísland.

En fyrst og fremst vona ég að þær ástundi nýja stjórnarhætti, noti nýjar aðferðir og skoði hlutina út frá fleiri sjónarmiðum en áður hefur verið gert.

Karlarnir líka.

Jakkafatapólitík á að heyra sögunni til, hún hefur gengið af sjálfri sér dauðri.

Vinavæðingin, flokkagreiðar, pólitískar ráðningar, og annar klíkuskapur á ekkert erindi við Nýja Ísland.

Til hamingju Ísland segi ég bara og áfram svona.

Við erum bara í startholunum.

Til að fyrirbyggja of háan blóðþrýsting sumra þá hafa karlæg og kvenlæg hugtök ekki með persónur að gera heldur hugsunarhátt og aðferðir.

Öld testósterónsins lokið

Athugasemdir

[Óskar Þorkelsson, 7.2.2009 kl. 17:27]

jupp skiptum út testósteróni fyrir "fyrirtíðarspennu" :)  mikið betra

[Anna Benkovic Mikaelsdóttir, 7.2.2009 kl. 22:57]

Mæðraveldi í stað feðraveldi...af hverju ekki að reyna?

[Árni Gunnarsson, 8.2.2009 kl. 00:35]

Ég get tekið undir þetta. Greddan í karlpeningnum bæði á Alþingi og í viðskiptalífinu er búin að koma þjóðinni á vonarvöl. Og er þá ekki venjan að þið konurnar þrífið upp eftir veisluna á meðan við karlarnir sofum úr okkur ölvímuna og byggjum upp hormónabúskapinn á ný?

Mig minnir það!

[Lísa Björk Ingólfsdóttir, 8.2.2009 kl. 01:12]

Jams - sagt er að konur hugsi frekar út fyrir kassann meðan karlar hamast innaní honum.  Konur vilji breyta og bæta meðan karlar vilji halda öllu í sama farinu (því sem virkaði í den). Konur sjái um búskapinn á hagkvæman hátt meðan karlar hugsi um skjótfenginn gróða. Konur hugsi fram í tímann og séu frekar áhættufælnar meðan karlar hugsi í núinu og stökkvi á agnið.

Svo er bara að sjá hvort þetta séu þjóðsagnir eða staðreyndir.......

[Lísa Björk Ingólfsdóttir, 8.2.2009 kl. 01:13]

Lifi fyrirtíðaspennan og búsáhöldin!

[Óskar Þorkelsson, 8.2.2009 kl. 01:42]

gredda ?? nei þetta  var sko getuleysi eins og árangurinn hefur sýnt ;) 

[Bjarni Kjartansson, 8.2.2009 kl. 01:52]

Ég þekki stelpu sem gat pissað lengra en flestir strákar.

Smá handavinna og þekking á því hvernig leiðslur liggja, ná langt og þá meina ég laaangt.

Sorry elsku dúllan mín EN ég bara mátti til

mibbó

[Jón Arnar, 8.2.2009 kl. 01:54]

vel mælt/skráð

[Jakobína Ingunn Ólafsdóttir, 8.2.2009 kl. 03:05]

Sammála við þurfum að fara í mjúku viðhorfin. Vernda fjölskyldurnar.

[Bergljót Hreinsdóttir, 8.2.2009 kl. 03:54]

Vel mælt...tek undir þetta allt með þér....