Valdið í flokknum

Það hefði nú talist fréttaefni hefðu Sjálfstæðismenn EKKI gagnrýnt Seðlabankafrumvarp forsætisráðherra.

Það á að leggja niður stöður þriggja Seðlabankastjóra. 

Ergó: Það á að koma Davíð frá völdum.

Kommon, Davíð er hið eiginlega vald í Sjálfstæðisflokknum.

Hann sat af sér ríkisstjórnina - pælið í því.

En eftirtektarverðastur fannst mér Pétur Blöndal.

Hann er nefnilega brímandi brjálaður úr heift.

Án þess að ég fari nánar út í það þá verð ég að segja að skapgerðarbrestir (sem og kostir) ganga greinilega í ættir.

Það er í ósigrinum sem fólks sýnir sitt rétta eðli greinilega.

Nú eða í lönguninni til að halda í valdið.

Það sýnir Sjálfstæðisflokkur svo ekki verður um villst þessa dagana.

 

Hörð gagnrýni á seðlabankafrumvarp

Athugasemdir

[Jenný Anna Baldursdóttir, 6.2.2009 kl. 12:14]

Sigríður: Við erum ósammála.  Það er ekkert að því.

[Birna Dis Vilbertsdóttir (IP-tala skráð) 6.2.2009 kl. 12:19]

Hvað getur maður sagt?Manni er sagt upp vinnunni og hann fer ekki fet.Ég fæ óstöðvandi hláturskast,þetta er svo fáránlegt.Er þá ekki ráð að setja nýja læsingu á vinustaðinn og hætta að borga laun?

[Ár & síð, 6.2.2009 kl. 12:22]

Er þetta ekki verkefni fyrir hörkutólin hjá Toyota?
Matthías

[Gísli Baldvinsson (IP-tala skráð) 6.2.2009 kl. 12:24]

Birgir Ármannsson er líka með fráhvarfseinkenni. Er ekki til tissjú þarna við Austurvöll? Vælið heyrist norður for fanden.

[corvus corax, 6.2.2009 kl. 12:29]

Pétur Blöndal spyr, "Getur ráðherra sent opinberum embættismönnum bréf og hótað þeim lagasetningu ef þeir segja ekki af sér"? Það er ólíkt kurteisara að fara að eins og Jóhanna forsætisráðherra gerir heldur en aðferð Dabba drullusokks þegar honum líkaði ekki álit Þjóðhagsstofnunar, hann einfaldlega lagði stofnunina niður af heift, gerræði og hefnigirni.

[Halldóra (IP-tala skráð) 6.2.2009 kl. 12:32]

Hvað í ósköpunum er svo hræðilegt að það verður að halda manni í embætti sem allir nema svona 100 sjálfstæðismenn vilja að víki?  Hvað er svo hræðilegt að það verður að halda í 3 seðlabankastóla þó öll heimsbyggðin (og jafnvel útgeimur) hlægi að þessum molbúahætti?

[Sveinn Tryggvason, 6.2.2009 kl. 12:44]

Ég hef haldið því fram að breytingar á Seðlabankanum séu ekki það sem mikilvægast er til að komast upp úr krísunni.

Þetta svipað og vera í rútu sem er um það bil að hrapa niður í hyldjúpt gil. Í stað þess að rétta kúrsinn, skipta um rútu eða gera eitthvað annað sem forðar farþegum frá stórslysi ákveður bílstjórinn að skipta um rúðuþurrkur og hækka í útvarpinu.

Reyni að rekja þetta í kannski allt of löngu máli á bloggi mínu. 

[Sigrún Jónsdóttir, 6.2.2009 kl. 13:43]

Bendi á færslu Búkollabaular, hún segir það sem segja þarf.

[Stefán (IP-tala skráð) 6.2.2009 kl. 13:49]

Góð hugmynd hjá Matthíasi að fá Toyota-liðið ( vanir menn þar ) til að moka út úr Seðlabankanum, ef menn vilja ekki þaðan út með góðu, vitandi að 90 % þjóðarinnar ( þar á meðal stór hluti Sjálfstæðismanna ) styðja þær aðgerðir. En í alvöru, þá hef ég nú misst alla trú á Toyotu bílum eftir útspilið þar. Það er nóg pláss á nefi Kjartans Gunnarssonar fyrir helmingi stærri gleraugu, sem hann greinilega þarf til að sjá rústirnar eftir Sjálfstæðisflokkinn. En Pétur Blöndal er nú bara bullukollur sem fer í hringi eins og hundur sem eltir skottið á sér. Hann hefur þó húmorinn sem Birgi Ármanns. sárlega vantar í allann sinn málflutning, sem gerir hann svo hundleiðinlegan að fólk forðast að hlusta á hann.

[Ásdís Sigurðardóttir, 6.2.2009 kl. 14:11]

Góða helgi Jennsla mín.

[Lilja Guðrún Þorvaldsdóttir, 6.2.2009 kl. 14:51]

Heyrðu sagði ekki Geir eftir að Solla var bún að segja honum upp, að hann skyldi ekki af hverju hún vær hætt með honum, þau hefðu verið búin að semja frumvarp þar sem Seðlabankastjórn- og Seðlabankastjórnar yrðu látnir hætta, og það gengi í gegn í febrúar. -

Var Geir bara að plata. - Lá ekki fyrir frumvarp til laga um breyttan Seðlabanka? Hver er ekki að segja satt núna? - Eða er treyst á skammtímaminni þjóðarinnar? Þetta er nú ansi forvitnilegt. 

[Einar Indriðason, 6.2.2009 kl. 16:03]

Kannski er einfaldast að leggja núverandi Seðlabanka niður í núverandi mynd.  (Þá fýkur Dabbi.)

Stofna svo nýjan Seðlabanka eftir... tja... 4 daga?  Eftir helgi?  Ný stofnun, nýtt fólk.

Er þetta ekki bara einfaldasta leiðin, núna?  (Og, viðurkenni ég, örlítið glottandi... sama aðferð og Dabbi beitti sjálfur....)