Í orði og á borði

Auðvitað vekja stjórnarskiptin hjá okkur athygli.

Nema hvað?

Við erum skólabókardæmið um lélega hagstjórn, heilt land á hausinn.  Búmm pang.

Annars verður ný ríkisstjórn í gjörgæslu almennings fram að kosningum.

Að því sögðu óska ég bráðabirgðastjórn Jóhönnu Sigurðardóttur til hamingju.

Ég bíð spennt eftir að sjá farkostastíl nýrrar ríkisstjórnar.

Hver verður ferðamátinn?

Sumum finnst litlu skipta þetta með glæsibifreið og bílstjóra en ég er ekki alveg sammála þar.

Mér finnst öllu máli skipta að breyttir stjórnarhættir verði sýnilegir.

Í orði og á borði.

Það er málið.

 

Stjórnarskiptin vekja athygli

Athugasemdir

[Ragnheiður , 2.2.2009 kl. 11:15]

Almenningur þarf að sjá svipað aðhald hjá hinu opinbera og hjá þeim sjálfum, einhver ein og ein þingveisla er ekki málið. Heldur aðhald og sparnaður yfir alla línuna.

Vonandi gengur þetta allt að óskum.

Mér hinsvegar leiðist vinkillinn sem erlendir miðlar taka á þetta, hjá þeim virðist aðalmálið vera að forsætisráðherra er samkynhneigð. Spurning hvað Jóhanna gerir ef þeir ætla að fara að yfirheyra hana um það.

Hún hefur alltaf haldið sínu einkalífi fyrir sig (eðlilega) og ekki verið forsíðuefni á Séð og Heyrt

[, 2.2.2009 kl. 11:27]

Flottur ráðherra á gömlum Volvó. Af hverju skyldu ráðherrar og embættismenn ekki nota einkabílinn til að keyra í og úr vinnu eins og aðrir þjóðfélagsþegnar? Það eru m.a.s. til bílastæði sérstaklega fyrir alþingi sem enginn annar fær að nota. Vorkenni þeim ekki.

[Birna Dis Vilbertsdóttir (IP-tala skráð) 2.2.2009 kl. 11:33]

Er svo sammála þér Ragga.Ég á reiðhjól sem einhver getur fengið leigt.Í íslenskum krónum ekki í myntkörfu.

[Hólmfríður Gestsdóttir (IP-tala skráð) 2.2.2009 kl. 11:49]

Hjartanlega sammála þér - það verður fróðlegt að sjá hvað verður gert í sambandi við drossíur, aðstoðarmenn og fleira svona pjatt. Ekki að það sé hægt að reisa við fjárhag landsins með að sleppa þessu en þetta er nkl spurning um hvort þetta fólk er á sama báti og aðrir eða ekki.

[Lilja Guðrún Þorvaldsdóttir, 2.2.2009 kl. 12:01]

Ég held að allir þessir ráðherrar séu fyrst og fremst að hugsa um að láta verkin tala sínu máli. 

 Og ég vona svo heitt og innilega að þeim vinnist tími til allra þeirra góðu verka sem þau dreymir um að vinna. 

[María Guðmundsdóttir, 2.2.2009 kl. 12:04]

Fannst Steingrímur Jod bara flottastur thegar hann kom akandi á sínum edalbil til Bessastada  vonandi heldur hann bara áfram ad nota hann,ásamt Rikisstjórninni allri,audvitad geta thau notad sina eigin bila eins og flestir adrir.

Kvedja til thin Jenný,hafdu thad gott

[Laufey B Waage, 2.2.2009 kl. 13:24]

Sammála.

[Sigrún Jónsdóttir, 2.2.2009 kl. 13:48]

Ég vil bara sjá aðgerðir strax og á von á að svo verði.  Annars.....