Leita í fréttum mbl.is

Lögmál Murphys

Ef ekki væri fyrir nýja ríkisstjórn og ótrúlega frábæran og krúttlegan ráðherra menntamála, væri ég búin að leggjast fyrir með það að augnamiði að standa ekki upp aftur fyrr en í vor nú eða aldrei, svei mér þá.

Katrín Jakobsdóttir verður frábær menntamálaráðherra, ég fylgdist vel með henni í síðustu kosningabaráttu og þekking hennar á menntamálum er yfirgripsmikil og góð.

En aftur að mér.

Í dag berst ég við lögmál Murphys. 

Ég hlýt að hafa farið vitlausu megin fram úr í morgun nú eða þá að staða himintungla er svo langt í frá mér í hag.

Í stuttu máli sagt þá má þessi dagur renna sitt skeið á enda ekki seinna en strax.

Ég fer ekki út í smáatriði en þið kannist ábyggilega við svona daga.

Dagana þar sem ekkert gengur upp.

Dagana þar sem allt klúðrast sem klúðrast getur og rúmlega það.

Já, þetta er svoleiðis dagur.

Það er mér til bjargar að ég hef ágætis geðslag en nú um hádegið var ég að hugsa um að bera þetta upp við einhvern mér æðri, spyrja einhvern hvað ég hefði gert til að verðskulda þennan ömurlega dag.  Senda jafnvel hjálparbeiðni á viðkomandi.

Ég hætti við það, það er ekki til neins.

Af hverju?

Einfalt mál, það er enginn mér æðri.

Reyndar ekki lægri heldur.

Þannig að nú beiti ég æðruleysisbæninni, Nallanum og þjóðsöngnum fyrir mig alla leið.

En miðað við að vera í standi til að gera á mér andlega kviðristu..

er ég nokkuð góð bara.

Farin að horfa á fallegt sjónvarpsefni.

Sá svo tilfinningaríka auglýsingu um mýkingarefni sem ég ætla að orna mér við.


mbl.is Ógleymanlegur afmælisdagur
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Sigrún Jónsdóttir

Alveg vissi ég að ísl. námsmenn voru heppnir með val á Menntamálaráðherranum.  Held reyndar að við séum öll heppin

Vona að morgundagurinn verði þér betri

Sigrún Jónsdóttir, 2.2.2009 kl. 15:31

2 Smámynd: Sigurður Sveinsson

Það koma svona dagar. Í síðustu viku var geimvera að hrekkja mig. Lenti líka í þessu í hittifyrra. Andskotans bömmer barasta.

Sigurður Sveinsson, 2.2.2009 kl. 15:35

3 Smámynd: Hlynur Hallsson

Kata er ekki öfundsverð að þurfa að taka við menntamálunum á erfiðum tímum en því mikilvægara að hafa frábæra manneskju í þessu embætti. Hún mun standa sig vel!

Bestu baráttukveðjur,

Hlynur Hallsson, 2.2.2009 kl. 15:55

4 Smámynd: Jenný Anna Baldursdóttir

Hlynur: Algjörlega sammála og það er rétt, þetta er ekki draumabyrjun hjá neinni ríkisstjórn.

Enda sagði Kata það.

Jenný Anna Baldursdóttir, 2.2.2009 kl. 16:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (28.3.): 1
  • Sl. sólarhring: 3
  • Sl. viku: 10
  • Frá upphafi: 2985622

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband