Kom, sá og gjörtapaði

Það er ekki oft sem maður fær tækifæri til að sjá viðbrögð Sjálfstæðisflokks þegar hann verður af völdunum.

Reyndar ættu fræðingar af öllum tegundum um mannlegt eðli að hanga á húni Vallhallar þessa dagana og fylgjast með fyrirbrigðinu "fúll Sjálfstæðismaður".

Þeir eru eins og umskiptingar eftir stjórnarslitin.

Þeir segjast sjálfir vera fúlir, sem er auðvitað kurteist orðalag yfir bandbrímandibrjálaðir.

Samfylkingin hefur tekið frá þeim það sem þeir telja sig réttborna til - að stjórna íslenskum lýð.

Í viðtölum við Þorgerði Katrínu á báðum stöðvum í gær var hún ekki að skafa utan af því.

En Ragnheiður Elín í Kastljósinu í gær kom sá og gjörtapaði - konan var bitur.  B-i-t-u-r!

Það krúttlegasta og jafnframt besti vittnisburðurinn um veruleikafirringu íhaldsins sést best í "áhyggjum" þeirra af mögulegu klúðri nýrra ráðherra á fjármálum þjóðarinnar.

Hverjir hafa haft ábyrgðina á fjármálum íslenska ríkisins s.l. 15 ár eða lengur?

Nú nema hvað, hinir réttbornu.

Miðað við hvernig fyrir okkur er komið þá er það æði skondið að þeir skuli trúa því að það séu skelfileg örlög íslenskrar þjóðar að missa þau úr peningamálunum.

Það er til eitthvað sem heitir að horfast í augu við raunveruleikann.

Ég held að Sjálfstæðisflokkurinn ætti að drífa í því.

Ragnheiður Elín í Kastljósi gærkvöldsins.

 

„Ótrúlega ómerkilegt“ af Samfylkingu

Athugasemdir

[Magnús Paul Korntop, 28.1.2009 kl. 10:10]

Sjálfstæðisflokkurinn hefur verið við völd í fjármálaráðuneytinu í tæp´18 ár og 42 af þeim 64 árum sem eru liðin frá stofnun lýðveldis 1944.

Vel skrifaður pistill og allt rétt í honum varðandi biturleika Sjálfstæðisflokksins.

[Hulda Elma Guðmundsdóttir, 28.1.2009 kl. 10:22]

Auðvitað eru þeir fúlir, búið að taka frá þeim beinið sem þeir lékur sér með, eða bandhnykilinn, eftir hvort þeim er líkt við hund eða kött.

[Linda litla, 28.1.2009 kl. 10:52]

Þó fyrr hefði verið :o)

[Heiða B. Heiðars, 28.1.2009 kl. 11:11]

Geir Haard trúði því fram á síðustu stundu að hann gæti kjaftað sig út úr stjórnarslitum.... Sjálfstæðismenn eru ekki búnir að átta sig á því að við hlustum ekki lengur á þessar óperur þeirra.... eða annarra ef út í það er farið

[Anna , 28.1.2009 kl. 11:33]

Ég hef alltaf talið að breytingar eru af hinu góða en svo verður nú kosið í maí sem getur þítt breyting á mönnum eina ferðina enn.

Þetta er sannarlega þjóðkreppu breyting.

[Hólmfríður Gestsdóttir (IP-tala skráð) 28.1.2009 kl. 11:47]

"Bitur, neineinei, við lítum á þetta sem mikið tækifæri ..."

[, 28.1.2009 kl. 12:02]

Já nú getur maður ekki annað en brosað

[Stefán (IP-tala skráð) 28.1.2009 kl. 12:14]

Þegar ég var að horfa á Ragnheiði Elínu í Kastljósinu í gær, þá datt mér í hug illa kvalinn grís - gott á hana og hitt pakkið í hinum hægriöfgasinnaða og siðblinda Sjálfstæðisflokki.

[Sigrún Jónsdóttir, 28.1.2009 kl. 12:22]

Já, þeir eru svo sannarlega broslegir í sínum viðbrögðum....og ekki veitir manni af því að brosa svolítið

[Ævar Rafn Kjartansson, 28.1.2009 kl. 13:28]

Búið að vinna hérna þrekvirki segir Ragnheiður....... Vandinn lá bara í því að hafa ekki látið þjóðina vita það nógu vel. Úff, liggur vandinn þar?

Er þá ekkert efnahagshrun á Íslandi? Bara lélegar auglýsingastofur?