"The búhú game"

Ég get orðið ofboðslega reið út í fólk sem kann ekki að skammast sín.

Þar á meðal mig sjálfa þegar það á við og ég átta mig nokkrum árum síðar (segi svona).

En reiðust verð ég þegar fólk hagar sér á aumkunarverðan máta til að ná settu marki.

Reynir að emja og væla til að fá sínu framgengt eins og Gunnar Páll sem sendi öllum trúnaðarmönnum VR bréf.

Búhú, kjósið mig ég axlaði ábyrgð.

(Sú ábyrgð felst í því að hann stytti kjörtímabil sitt).

Búhú, leyfið mér að sitja áfram sem formaður VR með mín bæjarstjóralaun á mánuði, búhú.

Leyfið mér að sitja áfram þrátt fyrir að ég hafi samþykkt lán á um 150 milljarða til Breta sem allur viðskiptaheimurinn vissi að stóð mjög illa, síðast nokkrum dögum fyrir þjóðnýtingu Kaupþings.

Leyfið mér að sitja áfram þrátt fyrir að ég hafi gefið fullt af ríkum gæjum í Kaupþingi eftir ábyrgðir og þjóðin sitji eftir í sárum og borgi brúsann.

Leyfið mér að sitja áfram af því þetta eru allt smá ávirðingar og þið getið alveg litið framhjáessu ha?

Ég vann alltaf af fullum heilindum.  Búhú.

Leyfið mér að sitja áfram þó ekki væri nema fyrir það hvað ég er mikið krútt, ha?

Þvílík, væla og skortur á sjálfsgagnrýni.

Kann maðurinn ekki að skammast sín?

The búhú game hvað?

P.s. Trúnaðarráðið féll fyrir bréfinu.  Hann var að fá yfirgnæfandi kosningu þess.

Verði þeim að góðu.

 

Gunnar Páll: „Starfaði af fullum heilindum“

Athugasemdir

[Óskar Þorkelsson, 27.1.2009 kl. 22:40]

Þessi maður geislar af svikum og prettum ásamt stórum skammti af óheilindum.. alger skíthæll.

[Ragnheiður , 27.1.2009 kl. 22:51]

Andsk....!!!!!!!!!!! Nú þarf ég að rannsaka hvort ég komist í annað verkalýðsfélag, ætli vélstjórar taki við símakellingum í sitt verkó félag?

[Katrín Snæhólm Baldursdóttir, 27.1.2009 kl. 22:52]

Búhúúú....æa maður að grenja yfir svona ömurð??

[J.A. (IP-tala skráð) 27.1.2009 kl. 23:47]

Þetta er fyrir neðan allar hellur.  Ekki datt mér í hug að svona mikið væri til af vitleysingum fyrir utan alþingi. Jú,jú alltaf heyrir maður eitthvað nýtt.  Algjörar skynlausar skepnur í trúnaðarráði versl.mannafél. Þetta er algjör skandall-hneyksli.  Hvað hugsar þetta fólk sem vinnur á búðarkössum fyrir sultarlaun.  Ekki hélt ég að þið hefðuð svo mikið í laun að þið gætuð kosið yfir ykkur mann með 2 millur á mán.   -----HNEYKSLI-----

[Birna Dis Vilbertsdóttir (IP-tala skráð) 27.1.2009 kl. 23:50]

Siðleysi,spilling og sjúkleg meðvirkni trúnaðarmanna og kvenna-ráðs,var það sem mér datt í hug þegar ég sá þetta í fréttum..Þetta rugl virðist endalaust.Örlítið búhú og allt er orðið gott?Ég æli

[Jenný Anna Baldursdóttir, 27.1.2009 kl. 23:57]

Nú verður efnt til alsherjaratkvæðagreiðslu meðal meðlima VR.

Ég vona að fólkið á gólfinu sjái ástæðu til að hafna þessum siðspillta formanni.

[Steingrímur Helgason, 27.1.2009 kl. 23:59]

Ef ekki þá hrekkjum við einn V.R. meðlim á dag & byrjum á að pína þá sem að starfa á búðarközzum Baugz.

[Vignir (IP-tala skráð) 28.1.2009 kl. 00:41]

...þu skyldir mig eftir einan í eldri færslu.

Fylltist höfnunartilfinningu, eymd og ömurð varð hlutskipti mitt.

[Halla Rut , 28.1.2009 kl. 00:42]

Er hann ekki búin að lofa öllu þessu fólki öruggri vinnu ef þeir halda honum?

Og mig langar að vita hver borgar frímerkin á þessi bréf sem hann sendi út um allt. Og mig langar líka að fá að vita hver mun borga þessa kosningabaráttu hans. Það liggur við að ég borgi einn mánuð í félagið til að fá kosningarétt.

[Páll A. Þorgeirsson (IP-tala skráð) 28.1.2009 kl. 01:43]

Kannski verða "næstu Alþingiskosningar" svipaðar. .......þeir "siðspilltu sigra" Hvað segir það um "þjóðina" ef svo færi ?

[Jakobína Ingunn Ólafsdóttir, 28.1.2009 kl. 03:17]

Eigum við von á grátkór fyrir alþingiskosningar. Það fer lítið fyrir karlmenskunni hjá þessu liði og ekki kunna þeir að skammast sín. Völd og peningar er það sem þeir sækjast eftir en öðru má fórna. Rústum þessu #%$$# flokksveldi.

[Guðríður Haraldsdóttir, 28.1.2009 kl. 07:13]

Mikið var ég hissa yfir því að hann næði kjöri, hvað voru trúnaðarmenn að hugsa? Þetta er EKKI að axla ábyrgð, þá hefði hann HÆTT! 

[Dóra, 28.1.2009 kl. 07:58]

Kærleikur til þín Dóra

[Stefán (IP-tala skráð) 28.1.2009 kl. 08:57]

Ef að þessi gjörsamlega siðspillti formaður VR situr áfram, þá ætla ég og fjöldinn allur af vinnufélögum mínum að segja okkur úr VR. Ég ætla mér allavega að kjósa Lúðvík.

[Jenný Anna Baldursdóttir, 28.1.2009 kl. 09:25]

Takk fyrir umræðuna.

Jakobína: Nú er upphitun í vælukór.  Sannaðu til!

Vignir: Lofa að gera þetta aldrei aftur.

En nú reynir einmitt á hinn almenna félagsmann.  Að hann taki þátt í allsherjar atkvæðagreiðslunni og felli manninn.

[Gunna-Polly, 28.1.2009 kl. 12:41]

í guðanna bænum þá voru það ekki allir trúnaðarmenn sem féllu fyrir þessu bréfi ekki stimpla alla trúnaðarmenn VR sem kjána !!undirrituð og fleiri féllu ekki fyrir þessu bréfi