Ég hata friggings Júróvisjón

Stundum gef ég sjálfri mér gjafir.

Hreinlega af því að ég kann svo vel við mig og vill mér allt hið besta.

Ég hef nú þegar gefið mér eina í sluffupakka. 

Ég er helvíti ánægð með hana.

Ég gaf mér frið frá Júróvisjón, sem ég hef glápt á í sjálfskipuðum kvalarlosta og látið bæði lög og flytjendur fara endalaust í taugarnar á mér.

Ég hef rifið hár mitt og neglur upp með rótum, handskrúfað af mér hlustirnar og ég hef grátið með þungum ekka þess sem elskar að misbjóða sjálfum sér.

Hef ég sagt ykkur að ég hata Júróvisjón?

Já, örugglega, en ég geri það aftur til öryggis.

Ég hata friggings Júróvisjón!

Nú sé ég að fólk er að diskútera lögin, hvað komst áfram og hvað situr eftir.

Tilhugsunin um þöggunartakkann á sjónvarpinu hitar mig alla upp að innan af einskæru þakklæti fyrir framfarir í víralausum heimi.

Þetta gerir það að verkum að ég mun ekki hæf í samræður á vori komanda.

Það er í góðu, en munið þið hvað gerðist fyrir tæpum tveimur árum?

Þ. 12. maí nánar tiltekið?

Jú við kusum til Alþingis sællar minningar OG Júróvisjónkeppnin var sama dag.

Þá eins og oftar þakkaði ég bæði Óðni og Frey fyrir þann nýjasta af mínum fjölmörgu eiginmönnum.

Honum er nefnilega í nöp við fyrirbærið líka og þess vegna var það kosningasjónvarpið alla leið, hjá okkur blúshundunum.

Segið mér ekki að kosningarnar sem mögulega verða sennilega 9. maí beri upp á hlustunarfæramisþyrmingu einu sinni enn!

Plís róið mig.

Farin að hlusta á blús.

Ég flokka þessa færslu undir menningu og listir.

Sem er ekkert annað en brenglun af verstu sort.

But what can I say - I´m a rebel.

 

Kántrí og stelpurokk áfram

Athugasemdir

[Bjarni Kjartansson, 24.1.2009 kl. 23:58]

Ætlaði að blogga helligs inteligent við fyrri bloggið þitt um HT og bullið í honum, guttanum sem fór með sín persónulegu í fjölmiðla  -----og engvir báðu um það.  Samt var maður að verja guttann.

Iss pínu fuck up.

Er að hlusta á comfortabily numb með alvöru blueserum.

Miklu betra en evrovision.

Bæ í bili

Mibbó

[Björgvin R. Leifsson, 25.1.2009 kl. 00:04]

Sem PF sérfræðingur langar mig til að vita hvaða blúsarar spila "the c-numb" af viti.

[Jóna Kolbrún Garðarsdóttir, 25.1.2009 kl. 00:17]

Ég horfi aldrei á júróvisjón, ég þoli lögin þar ekki. 

[Sigurður Þór Guðjónsson, 25.1.2009 kl. 00:56]

Ég hlusta bara á hinn heilaga Heinrich Schutz sem fæddist árið 1585 í boði almættisins.

[Harpa Oddbjörnsdóttir, 25.1.2009 kl. 01:14]

ef þú ert á facebook skaltu kíkja á þetta: http://www.facebook.com/group.php?gid=45242269836&ref=mf

Hópur sem stofnaður er fyrir þá sem ekki vilja eyða meiri fjármunum skattborgara í Júróvision.

[Kristján Logason, 25.1.2009 kl. 01:32]

En Kæra mín

Júró ætti að vera okkur ævinleg minning á þessum tímum

Eða hver getur gleymt gleðibankanum (sem síðan gerði þig gjaldþrota) 

[Ragnar Örn Eiríksson (IP-tala skráð) 25.1.2009 kl. 02:50]

"Ég hata friggings Júróvisjón!"

"But what can I say - I´m a rebel."

ertu 12 ára eða bara gengin í barndóm??

[, 25.1.2009 kl. 09:35]

Mikið er ég fegin að ég er ekki ein um að þola ekki Júróvísjón. Hættum að eyða peningum í þetta fjandans bull.

[Guðbjörn Guðbjörnsson, 25.1.2009 kl. 09:35]

Mikið er ég sammála þér, þótt Bach, Händel, Haydn, Mozart, Beethoven, Brahms og Mahler séu í meira uppáhaldi hjá mér, að ógleymdum Verdi, Wagner og Puccini!

[Jónína Dúadóttir, 25.1.2009 kl. 09:47]

Svo er líka eitt með sjónvarpstæki, takkinn sem er notaður til að kveikja á því... hann er líka notaður til að slökkva á því

[Ía Jóhannsdóttir, 25.1.2009 kl. 09:50]

Það skildi þó aldrei verða sami dagurinn. 

[Jón Arnar, 25.1.2009 kl. 10:30]

? Þarftu að röfla yfir öllu ?

Mikið hlýtur þér að leiðast hér hangandi 24/7 fyrir framan tölvuna - skiptu um rás hlustaðu á útvarp lestu bók og leyfðu okkur að njóta þess sem er jákvætt í dag

[Hörður Halldórsson (IP-tala skráð) 25.1.2009 kl. 10:57]

  Moskva laugardaginn 16.maí, sendum icesave bandið!

[Rut Sumarliðadóttir, 25.1.2009 kl. 11:54]

Ég hata líka friggins júróvision, horfi ekki á þetta bruðl með almannafé og nauðgun á eyrum.

[Ásthildur Cesil Þórðardóttir, 25.1.2009 kl. 14:14]

Var ánægð með countrylagið hehehehe... stelpurokkið er fyrir 12 ára alla vega á mínu heimili.  En ég hef mjög lítið fylgst með þessari keppni núna.