Appelsínugula byltingin er hafin - úje

Það er enn slatti af fólki niður við Alþingi og flestir í appelsínugulu. Sú litfagra bylting er hafin og ég er hluti af henni.

Það má sjá á síðunni minni, ég er ekkert fyrir hálfkák, allt líf mitt er appelsínugult fram að þjóðstjórn, eða réttara sagt, fram að stjórnarslitum.  Frá því verður ekki vikið.

Appelsínugult er litur búddistanna.  Það eru flott trúarbrögð.  Fylgjendur þeirra eru ekki að troða trú sinni upp á annað fólk, elska friðinn og svona. 

Ef ég vildi endilega ganga í trúfélag þá færi ég þangað.  En ég vil ekki fæðast aftur sem kakkalakki eða könguló, það er bara ekki ég.  Ég vil fæðast aftur sem John Lennon eða Martin Luther King.

Já, ég á mér draum.

Appelsínugulur matur er fínn.

Gulrætur og appelsínur.  Nammi.

Blóm eru falleg í þessum tón og fleira og fleira.

Hér verða borðaðar gulrætur út í eitt þar til yfir líkur.

Ég vil benda ykkur á tilmæli frá Röddum fólksins að mótmæla ekki eftir klukkan átta annað kvöld og á laugardagskvöldið.

Þá er djamm í bænum og djammararnir myndu kannski vilja slást í hópinn með afleiðingum.

En á laugardeginum verður fundur á Austurvelli kl. þrjú eins og venulega.

Svo má auðvitað fremja trommuslátt niðri við Alþingi allan guðslangan morgundaginn.

Svei mér þá ég á ekki til appelsínugula flík í öllu mínu fatasafni.

Ekki lit að sjá í skápunum.  Ekki einu sinni hálsklútur.

Allt svart, brúnt og grátt.

Hvernig átti ég að vita að ég væri á leið í byltingu og að mig myndi vanta júníform?

Jæja, farin að lúlla.

Friður og hamingja veri með yður öllum.

Hari Kristna.

P.s. Ég ætla að segja ykkur það svona í trúnaði að í mínum huga heitir þessi bylting ekkert annað en pottabyltingin.

Mótmælt í góðri sátt

Athugasemdir

[Sigrún Jónsdóttir, 23.1.2009 kl. 01:07]

Frábært

[Ragnheiður , 23.1.2009 kl. 01:08]

Farðu í búð, einhverja búð og náðu þér í flíkur í öllum regnbogans litum, þá ertu ávallt tilbúin eins og skátarnir...

Góða nótt skvís...

mótmælabarnið mitt er enn ekki komið heim....

[Tómas Ingi Adolfsson, 23.1.2009 kl. 01:11]

Fólk er búið að vera að dreifa appelsínugulum borðum í dag og í kvöld þannig að það er ekki erfitt að nálgast slíkt...

[Brjánn Guðjónsson, 23.1.2009 kl. 01:20]

þegar ég, gamli Brjánn hrekk upp af, endurfæðist ég sem nýi Brjánn. laus viðn skuldirnar en held öllu hinu. svona á aðn gera þetta Jenný. Orange er líka fínt. mér finnast appelsínur góðar.

[Hörður B Hjartarson, 23.1.2009 kl. 01:25]

Kreppukallinn góður .

[Svanur Gísli Þorkelsson, 23.1.2009 kl. 01:38]

Að hætti Úkraínubúa sem eiga hina upphaflegu "orange" byltingu ætti sú íslenska að enda núna í Janúar. Þeirra bylting stóð frá síðari hluta nóvember 2004 til janúar 2005.

[Jóna Kolbrún Garðarsdóttir, 23.1.2009 kl. 01:56]

Ég þarf að finna mér eitthvað appelsínugult fyrir helgina

[Guðbjörg Sigurðardóttir (IP-tala skráð) 23.1.2009 kl. 02:30]

Hagkaupspokar  eru appelsínugulir. Hægt að binda þá um handlegginn,svona smá kreppuráð var með svoleiðis í dag

[Eygló, 23.1.2009 kl. 03:47]

væri ekki hægt að komast í vestin sem bæjar/borgarstarfsmenn klæðast til að sjást.

Létt, órans, skjól, endurskin, vatnshelt (má spúla)

eru ekki hlauparar með eitthvað svipað

Annars er það bara Rauði krossinn með e-a órans dulur og flíkur sem hanna mætti auðkennisborða úr.

[Óskar Steinn Gestsson, 23.1.2009 kl. 05:46]

Ég tek undir með kreppukallinum, þegar lögreglan ber appelsínugulan borða þá skal ég bera hann, annars er mér illa við að flokka mig sem appelsínugulan þegar ég er svona svakalega svartur

[Hrönn Sigurðardóttir, 23.1.2009 kl. 06:35]

Appelsínugula búslóðabyltingin!

[Gudrún Hauksdótttir, 23.1.2009 kl. 08:03]

Kona eins og tú med allt appelsínugult í kringum sig mætir bara á svædid tad sjá allir appelsínugula litinn.Tú ert bara svo frábær.

Gangi ykkur vel.Sammála ad mótmæla ekki á helgarkvöldum.

Kvedja frá Jyerup

[María Guðmundsdóttir, 23.1.2009 kl. 08:42]

bara flott, uss..geturdu ekki reddad thér gódum sjóstakk?? yrdir megaflott i honum en list vel á thetta ad sleppa helgunum,thad yrdi bara tómt rugl.

Hafdu góda helgi Jenný

[Ingólfur Ásgeir Jóhannesson, 23.1.2009 kl. 09:00]

Pottabyltingin, já. Gott orð!

[Lísa Björk Ingólfsdóttir, 23.1.2009 kl. 09:11]

Einhverntíma átti ég þennan líka fagurappelsínugula sjóhatt.  Hvar er hann í dag?  Nú væri ég til í að bera slíkt höfuðfat........

[, 23.1.2009 kl. 09:23]

Er styðjandi appelsínugulri pottabyltingu  Ef ekki vill betur má bara þræða appelsínur upp á band og hengja um hálsinn

[Jenný Anna Baldursdóttir, 23.1.2009 kl. 09:52]

Björn: Góður.

Dagný: Þú ert með þetta.

Lísa: Þá er að kafa ofan í skúffur og skápa.

Ingóflur: Frábært og lýsandi byltingarheiti og alls ekki ógnandi.

María: Ég er tildurrófa, ég enda með að kaupa mér eitthvað í Karen Millen eða Evu!

jyderrupdrottning: Takk fyrir þetta.

Óskar Steinn og kreppukall: Ég er í raun sammála ykkur að vel flestu leyti.

Hrönn: Flott.  Hehe.

Guðbjörg og Eygló: Við finnum út úr þessu.

Jóna Kolbrún: Farðu og leitaðu í skápunum.

Svanur Gísli: Sjitt að þeir skuli hafa verið á undan.

Hörður: Kreppukallinn er alltaf góður.

Brjánn: Sounds like a plan.

Tómas Ingi: Hárborðar eru flottir og líka svona eins og á myndinni hjá mér.

Ragga: Góð hugmynd.

Sigrún: Sjáumst í byltingunni.

[Svanur Gísli Þorkelsson, 23.1.2009 kl. 11:19]

Potta og pönnu byltingin er líka hægt að nota, félagi Björn. Það hefur margar sniðugar skírskotanir í íslensku málfari. Í slíkri byltingu er fólkið sjálft potturinn og pannan í öllu saman.