Sjálfseyðing Stöðvar 2

Auðjöfrastöðin nr. 2 er greinilega að vinna í því allan sólarhringinn að eyða sjálfri sér.

Fyrst fór Sölvi Tryggvason, frábær fréttmaður sem varð þess valdandi að ég nennti að horfa á Ísland í dag.

Síðan hann var rekinn er Ísland í dag einn stór og feitur brandari.  Það er hlegið meira af glystvíburunum Sindra og Sigrúnu en ríkisstjórninni og er þá mikið sagt.

Nú er Sigmundur rekinn og konan hans líka sem verið hefur útsendingarstjóri á Stöð 2 frá 1986.

Þeir eru ekki upprifnir yfir reynslu starfsfólksins þarna ríku karlarnir.

Ég varð óneitanlega fyrir vonbrigðum með Sigmund Erni í Kryddsíldarhavaríinu á gamlárs en annars hefur mér fundist hann fínn.

Ætli það verði honum ekki til bjargar að losna undan bévuðum ríkisbubbunum sem ætla að reka fréttastofu sem er ritskoðuð frá A-Ö?

Mig langar eiginlega að óska þeim hjónum til hamingju með að vera laus undan oki auðjöfrana sem nota fjölmiðilinn sem PR-stofu til að réttlæta ömurlega tilvist sína.

En það er alltaf sorglegt þegar fólk er rekið úr vinnu og það fyrirvaralaust.

Ég vona að fólk taki sig saman og segi upp áskrift á þessari subbustöð sem þar sem hlutdrægni og ritskoðun er að verða aðalmarkmiðið.

Oj bara.

Frjáls undan oki auðjöfra

Athugasemdir

[Helga Magnúsdóttir, 22.1.2009 kl. 12:16]

Mér finnst nú hálfhallærislegt af Sigmundi að fara nú að tala um ok auðjöfra sem hann hefur legið sjálfviljugur undir svo árum skiptir. Var hann bara alltaf að fela sína raunverulegu skoðun til að halda vinnunni og beygði sig þess vegna undir ok auðjöfranna?

[Ía Jóhannsdóttir, 22.1.2009 kl. 12:17]

Það eiga örugglega margir eftir að mótmæla þessum uppsögnum en ég held, eins og þú, að þau séu bara betur sett fyrir utan veggi þessa fyrirtækis.

[Soffía Valdimarsdóttir, 22.1.2009 kl. 12:34]

Er nú ekki bara spurning um að standa upp og segja bless i boðinu ef maður er svona bugaður en ekki biða eftir að manni verði hent út?

[Sigrún Jónsdóttir, 22.1.2009 kl. 12:42]

Ég óska Sigmundi Erni til hamingju með að vera laus undan "oki auðjöfrana".  Bíð spennt eftir frásögn hans af innanhús ákvörðunum vegna fréttaflutnings af gamlársdags mótmælum.

[Margrét Össurardóttir (IP-tala skráð) 22.1.2009 kl. 18:05]

Hann hefur nú sjálfur tekið þátt í uppsögnum á þessari stöð og hverjum er í sjálfsvald sett hvar hann starfar í raun og veru eða hvort hann starfar hjá Jón Ásgeir eða einhverjum öðrum, af hverju var hann ekki löngu búinn að koma sér í burtu ef þetta hefur verið svona mikið ok?