Er ekkert farið að fjúka í ykkur?

Krakkarnir hjá Kaupþingi voru svakalega bissí síðustu vikurnar fyrir fall bankans. 

Yfir hundrað milljarðar króna voru millifærðir á reikninga erlendra félaga í eigu viðskiptavina bankans.

Um var að ræða lán  til þessara félaga gegn veðum í skuldabréfum sem bankinn gaf sjálfur út.

Heyrt þennan áður?

Fyrrverandi stjórn bankans segir ekkert athugavert við þetta og lánanefndin afgreiddi málin án athugasemda.

Þetta eru nú meiri bölvaðir melirnir þessir menn sem með einbeittum ásetningi björguðu fé auðmannanna undan og komu þjóðinni á vonarvöl í leiðinni.

Ættjarðarástin var sem sagt ekki að vefjast fyrir þeim en hvernig læt ég heimurinn er herbergi í bankaviðskiptum. Löndin þeirra leikvöllur. 

Þetta mál hefur verið sent Fjármálaeftirlitinu.

Sem er vont, hver treystir þeirri stofnun?

Ætli þetta sofni ekki allt svefninum langa og við almenningur sjáum fram á svartari daga en nokkurt okkar grunaði í upphafi?

En Alþingi verður sett á morgun.

Á ekki að haska sér lesandi góður?

Er ekki farið að fjúka í þig?

Þó ekki væri nema pínulítið?

Ég vona það.

Hundruð milljarða millifærðir á reikninga erlendra félaga

Athugasemdir

[Huld S. Ringsted, 19.1.2009 kl. 08:41]

Það er langt síðan að fauk í mig

[Birgitta Jónsdóttir, 19.1.2009 kl. 08:51]

segi það sama og Huld - allir að mæta á morgunn og leyfa þeim að horfa framan í okkur ... það finnst þeim óþægilegt - þeas að horfa á óþjóðina

[Jenný Anna Baldursdóttir, 19.1.2009 kl. 08:58]

Eins stórt og orðið "landráð" hefur í huga mínum þá skal það viðurkennt að það kemur æ oftar upp í hugann í umræðunni.

[Jón Snæbjörnsson, 19.1.2009 kl. 09:02]

júbb

[Hrönn Sigurðardóttir, 19.1.2009 kl. 09:05]

JÚ!!

[Þröstur Unnar, 19.1.2009 kl. 09:05]

Neee

[Fair Play (IP-tala skráð) 19.1.2009 kl. 09:08]

Maybe the "hated" Gordon Brown and "Darling" did the right thing?

If they had not been stopped, how much more money would they have manage to "steal" from investors in Icelandic, UK, Germany, Holland and the rest.

The best solution would have been for the Icelandic Government to stop them, but unfortunately, they did nothing. They just sat and watched it happen.

I don't know................ Good luck

[Guðmundur Ásgeirsson, 19.1.2009 kl. 09:11]

Það er orðið tímabært að rifja upp X. kafla almennra hegningarlaga:

86. gr. Hver, sem sekur gerist um verknað, sem miðar að því, að reynt verði með ofbeldi, hótun um ofbeldi, annarri nauðung eða svikum að ráða íslenska ríkið eða hluta þess undir erlend yfirráð, eða að ráða annars einhvern hluta ríkisins undan forræði þess, skal sæta fangelsi ekki skemur en 4 ár eða ævilangt.

91. gr. Hver, sem kunngerir, skýrir frá eða lætur á annan hátt uppi við óviðkomandi menn leynilega samninga, ráðagerðir eða ályktanir ríkisins um málefni, sem heill þess eða réttindi gagnvart öðrum ríkjum eru undir komin, eða hafa mikilvæga fjárhagsþýðingu eða viðskipta fyrir íslensku þjóðina gagnvart útlöndum, skal sæta fangelsi allt að 16 árum.
Sömu refsingu skal hver sá sæta, sem falsar, ónýtir eða kemur undan skjali eða öðrum munum, sem heill ríkisins eða réttindi gagnvart öðrum ríkjum eru undir komin.
Sömu refsingu skal enn fremur hver sá sæta, sem falið hefur verið á hendur af íslenska ríkinu að semja eða gera út um eitthvað við annað ríki, ef hann ber fyrir borð hag íslenska ríkisins í þeim erindrekstri.
Hafi verknaður sá, sem í 1. og 2. mgr. hér á undan getur, verið framinn af gáleysi, skal refsað með …¹⁾ fangelsi allt að 3 árum, eða sektum, ef sérstakar málsbætur eru fyrir hendi.

[Karma (IP-tala skráð) 19.1.2009 kl. 09:14]

Þú ert að misskilja Jenný. Þetta var okkur þjóðinni að kenna, við keyptum okkur flatskjá. Nei núna er ég að rugla, við erum ekkert þjóðin.

En þjóðin er allavega einhvers staðar og hún keypti sér flatskjá.

[Þórður Runólfsson (IP-tala skráð) 19.1.2009 kl. 09:18]

Landráð!!!!!!!!!!!!!!!!!!!!!!!!!!!

Eina svarið í dag eru borgaralegar handtökur.

[Stefán (IP-tala skráð) 19.1.2009 kl. 09:29]

Það skeður auðvitað ekkert hjá Fjármálaeftirlitinu. Þar eru menn jafnvel enn meira sofandi en ríkisstjórn og Seðlabanki. Öllum skýrslum stungið undir stóla og já, ég bið þjóðina afsökunar á því að hafa keypt flatskjá í ,, góðærinu " svokallaða, sem reyndist svo bara vera tóm blekking frjálshyggjuafls hönnuðu af Dabba og fyrrverandi tengdasyni og stjórnað af græðgisvæðingarliði sem flestir eru flúnir land sem betur fer, sá allra gráðugasti hleypur um Noreg með skítaglott á vör.

[albert (IP-tala skráð) 19.1.2009 kl. 09:38]

Það sem ekki er bannað! það má!

[Ía Jóhannsdóttir, 19.1.2009 kl. 09:39]

Góð hugmynd Búkolla en veit ekki hvort nokkur í þessari aula-ríkisstjórn þorir að lesa blogg, gæti skemmt fyrir þeim daginn.

[Heidi Strand, 19.1.2009 kl. 09:46]

ÁRÍÐANDI!!! Svíar vilja hjálpa almenningi

Lesið endilega siðustu þrjár færslur hjá kreppunni.

http://kreppan.blog.is/blog/kreppan/entry/775109/

[Guðríður Haraldsdóttir, 19.1.2009 kl. 09:57]

Bankarnir ryksugaðir af fé og enginn sá neitt ... nema Gordon Brown í Bretlandi! Þetta er ótrúlegt, það verður bylting ef ekkert verður að gert. Fólk er að sturlast! Nú ef eitthvað svakalegt er verið að gera bak við tjöldin þá þarf að fræða almenning um það, annars kemur þetta út eins og ráðafólk sitji bara og nagi blýanta.

[Laufey B Waage, 19.1.2009 kl. 11:13]

Ég er hræddust um að það eigi ennþá meiri spillin og ógeð eftir að koma í ljós. Þess vegna er ekkert að gerast (það sem við viljum að gerist). Þá kemur allt ógeðið fram á yfirborðið og allt verður brjálað.

[Laufey B Waage, 19.1.2009 kl. 11:13]

Spilling - vildi ég sagt hafa.

[Rut Sumarliðadóttir, 19.1.2009 kl. 11:49]

"Þetta var okkur þjóðinni að kenna, við keyptum okkur flatskjá. Nei núna er ég að rugla, við erum ekkert þjóðin.

En þjóðin er allavega einhvers staðar og hún keypti sér flatskjá."

Tek undir þetta,  ég er löngu orðin öskureið.Leikhús fáránleikans.

[Katrín Snæhólm Baldursdóttir, 19.1.2009 kl. 12:43]

Leikhús fáránleikans....mætum öll á morgun á austurvöll og klæðumst fáránlegum fötum. Verum með læti og truflum landráðamennina og konurnar.

[snorri (IP-tala skráð) 19.1.2009 kl. 13:07]

já ég held að það sé alveg að springa mælirinn hjá flestum venjulegum 'Islendingum (sem er ekki þjóðin) og held að það sé tímabært að fara stofna "HAMARZ-SAMTÖKIN" og byrja að safna liði og vopnum ég held því miður að þetta "helv...." spillingalið skilji ekki neitt fyrr en sprengiflaugum fer að rigna á alþingishús og fleiri mikilvæga staði hér á landi

auglýsing": það vantar gott og hraust fólk til þess að taka þátt í byltingu á 'Islandi því miður er Che látinn annars hefðum við getað fengið hann til að skipuleggja með okkur þið verðið að vera tilbúinn að fara í þjálfunarbúðir og læra vopnaburð

[Liberal, 19.1.2009 kl. 17:10]

Soldið merkileg þessi umræða hérna. Athugasemdaliðið á það allt sameiginlegt að ekki skilja bankaviðskipti. En þó það skilji þetta ekki, þá er það alveg búið að ákveða að menn hafi gert eitthvað ólöglegt (eða í hið minnsta siðlaust). Án þess þó að skilja nákvæmlega hvað.

Þetta lið á það líka sameiginlegt að "krefjast" rannsóknar, en er samt búið að gefa sér fyrirfram að bankastjórnendur séu sekir. Þannig að ef niðurstaða rannsóknar verður á þá leið að menn hafi ekki gert neitt saknæmt (frekar tekið áhættu sem svo "klikkaði" þegar aðstæður erlendis fóru suður) þá mun þetta sama lið væntanlega ekki taka neitt mark á slíku.

Hin "óháða" rannsókn sem þetta lið vill þá verður þá einungis marktæk ef niðurstaðan verður nákvæmlega sú sem téð lið hefur gefið sér... án þess að skilja hætishót í hvers konar sýsl er á ferðinni.

Bravó, segi ég bara.

Það er alveg merkilegt hvað þið getið verið miklir bjánar. Segi ég og skrifa. Hörður Torfa mótmælir, en vill eiga einkarétt á að mótmæla og helst ekki að neinn mótmæli nema í gegnum hann. Hörður vill að almenningsálitið fái að ráða... hefði hann verið alveg jafn til í það fyrir ca. 20 árum þegar hans lífstíll var fordæmdur af "almenningi"? Hefði hann stutt vilja þjóðarinnar þá til að refsa þeim sem þjóðin taldi sek um eitthvað misjafnt?

Þeir sem enn rausa og nöldra og belgja sig út af heilagri vandlætingu eiga það flestir sameiginlegt að vera iðjuleysingjar og dyggir stuðningsmenn VG. Enda er VG á bak við mótmælin núna, þeir sem mótmæla eru svo til alltaf flokksbundnir VGistar og markmiðið er að koma VG í stjórn, í trássi við vilja þjóðarinnar (og heilbrigða skynsemi, enda stríðir vera VG við stjórnvölin gegn öllu því sem kallast getur skynsamt). Það er svo ósköp einfalt. VG vill ýfa þjóðfélagin, ala á tortryggni og úlfúð, og sæta þannig lagi við að komast til valda, nokkuð sem flokkurinn getur aldrei og hefur aldrei getað í krafti "málflutnings" síns.

Þið eruð fá sem eruð enn að nöldra og tuða. Allar samsæriskenningarnar eru blindgata. Það var ekkert samsæri. Það var enginn glæpur. Sama hversu heitt þið trúið því. Það skall á kreppa í heiminum, og þið eruð einu sem eruð svo skyni skroppin að halda að veröldin snúist í kringum rass***ið á ykkur og okkar land.

Þið getið valið að verða hluti af lausninni eða hluti af vandanum. Eins og staðan er í dag, þá eruð þið hluti af vandanum, en sem betur fer eruð þið hluti sem þjóðin getur hunsað og látið þvælast lítið fyrir. Við hin, sem erum ekki uppfull af sjálfsvorkunn og heift, munum keyra þjóðfélagið áfram... og þið getið áfram (sem hingað til) sötrað samneysluspenann og verið farþegar í þjóðfélaginu. Og þið megið alveg nöldra og tuða á meðan. Það er ykkar réttur. En verið bara ekki fyrir okkur hinum sem erum að reyna að komast áfram.

[Fair Play (IP-tala skráð) 19.1.2009 kl. 19:04]

Try this then.....I thought money laundering was illegal........and yes, I do understand banking......But I don't understand your Government.

From Iceland review.........

http://www.icelandreview.com/icelandreview/modules/120/hitCount.aspx?l=a3d1c4ff-2b74-4968-a1f4-88f881382936&u=3252EA96-DF6F-49F6-8785-0F0A0E08AA9B