Athafnaskáld?

Sumum orðum hef ég hálfgerða óbeit á.

Samt eru orðin ekki hættuleg eða vond, aðeins það ástand sem þau lýsa.

Eða hvernig maður kýs að skilja þau.

Eru þetta hin margrómuðu athafnaskáld?

Er þetta athafnaskáldskapur eða rán um hábjartan daginn?

Þessir menn eru enn lausir og fara hamförum á græðgisfylleríinu, eira engu eða engum.

En lögreglan er send í vinnu til fólks til að láta það svara til saka fyrir að vera með mótmæli við Alþingshúsið.

Næ ég þessu?

Það er ekki sama mótmælandi og milljarðaræningjar.

Nei, fjandinn fjarri mér að ég komist nálægt því að skilja þetta rugl.

Umfjöllun um ránið í fréttum Stöðvar 2 í kvöld.

Athugasemdir

[Helga Magnúsdóttir, 18.1.2009 kl. 22:45]

Þetta er nú bara það fáránlegasta sem ég hef lesið. Eru þeir að boða fólk til skýrslutöku út af friðsamlegum mótmælum? Það hefur löngum verið sagt og hér sannast það að það sé gott að vera glæpamaður á Íslandi ef þetta er það sem þeir eyða tíma sínum í.

[101 (IP-tala skráð) 18.1.2009 kl. 23:20]

Er ekki athyglisvert að hvorki Moggi né RÚV minnast á þetta einu einasta orði og ekki heldur fréttina um skýrsluna sem var til í apríl og sagði fyrir um hrunið.  Og ríkisstjórnin og Fjármálaeftirlitið vissi af og Seðlabankinn líka!!!   -

Og enginn gerði neitt nema ráðuneytisstjórinn sem seldi bréfin sín. 

Í USA til dæmis hefðu allir þessir menn verið settir bak við lás og slá meðan málin væru rannsökuð ofan í kjölinn. Og ekki einu sinni hleypt út gegn tryggingu.

Bara taka fingraför af stelpugreyi sem náðist á myndavél í Alþingishúsinu. 

Hvað ætli séu margar myndir af ráðherrunum í eftirlitsmyndavélum Alþingis.   

Til myndatöku og fingrafaratöku með þá strax!

[Þorsteinn Úlfar Björnsson (IP-tala skráð) 18.1.2009 kl. 23:34]

Þar kom skýringin á því af hverju Al-Thani (og Kaupþing) fór ekki í mál við breska ríkið. Hann tapaði ekki krónu!

[Soffía Valdimarsdóttir, 18.1.2009 kl. 23:49]

Auðvitað nærðu þessu ekki kona - þetta er rakalaus þvættingur!

[Jóna Kolbrún Garðarsdóttir, 19.1.2009 kl. 01:21]

[Hulla Dan, 19.1.2009 kl. 06:20]

Ég segi nú bara... HA???

 Er bara endalaus klikkun í gangi þarna???

[Jónína Dúadóttir, 19.1.2009 kl. 07:22]

[Huld S. Ringsted, 19.1.2009 kl. 07:49]

[Katrín Snæhólm Baldursdóttir, 19.1.2009 kl. 12:39]

Sýnið nú þessa vandlætingu ykkar og mætið á austurvöll á morgun í aðgerðir og takið þátt í verkfalli eftir hádegi.