Stóriðjuskólinn - er mig að dreyma?

Ég las einhversstaðar í Mogganum að ef maður drykki of mikið kaffi gætu raddir farið að heyrast, dauðir að sjást og önnur undur og stórmerki farið að þvælast fyrir manni.

Ég sem hélt að ég væri skyggn.  Þar fór það.

En..

Ég held að ég hljóti að hafa drukkið of mikið kaffi í dag.

Er grínlaust til Stóriðjuskóli ISAL?

Hvert er námsefnið?

Forpestun andrúmslofts 101?

Útrýming óspilltrar náttúru, framhaldskúrs í máli, myndum og praktík?

Og Bjöggi banka hélt ræðu yfir verðandi stóriðjufrömuðum.

Hvað er að?

Bjögga sko?

ISAL kemur mér ekki á óvart.

Djísús hvað ég taugarnar á mér þola þetta ekki.

Ég farin að laga mér kaffi.  Sterkt kaffi.  Ég ætla að eiga spjall við látna ættingja fram eftir nóttu.

Útskrift úr framhaldsnámi Stóriðjuskóla ISAL

Athugasemdir

[Hrönn Sigurðardóttir, 15.1.2009 kl. 22:57]

Bið að heilsa þeim sem kallaði þig....... kaname..u ;)

[Jenný Anna Baldursdóttir, 15.1.2009 kl. 22:58]

Hehe, KANAMELLU?  Verteggisonnafeimin.

[Hrönn Sigurðardóttir, 15.1.2009 kl. 23:12]

Við kunnum nú bara ekki svona ljót orð, hérna megin við Fjallið.

[Ía Jóhannsdóttir, 15.1.2009 kl. 23:16]

Hehehe góða skemmtun Jenný mín.  Ég ætla að sofa á mínum græna enda ekki bragðað kaffi síðan í morgun svo ég fæ frí.  

[Brynja skordal, 15.1.2009 kl. 23:21]

Er andi í glasinu

[Sævar Helgason, 15.1.2009 kl. 23:24]

Stóriðjuskóli ÍSAL er merkilegur skóli . Hann hefur verið starfræktur innan ÍSAL í ein 10 ár.  Þar gera ófaglærðir sest á skólabekk í sínum frítíma sér að kostnaðarlausu og á tveimur árum numið hin ýmsu fræði varðandi áliðnað-(sem þeir starfa við) auk almennra fræða á menntaskólastigi- það gefur þeim síðan kost á framhaldsnámi - til stúdents og síðan áfram ef hugur og geta stendur til.  Að loknum þessum tveim árum og prófi - þá hækka laun þeirra um a.m.k 10% og gerir þá hæfari til ábyrgðarstarfa innan fyrirtækisins. Nokkrir hafa lent í háskóla- eftir þessa upplifun að uppgötva að þeir geta lært- og hafa lokið háskólagráðu--- svona er lífið stundum skemmtilegt.

Vona að þetta fullnægi forvitni þinni

[Jóna Á. Gísladóttir, 16.1.2009 kl. 00:42]

þú ert fyndin. En það hef ég sagt þér svo oft áður.

ÉG heyrði viðtal þeirra bakkabræðra í Reykjavík síðdegis við Magnús hjá Sálarrannsóknarfélaginu... er ekki líka til Sálarrannsóknarskólinn. Og Magnús skólastjóri???

Allavega. Magnús hló mikið að þessari endemis vitleysu og vildi nú alls ekki bekena að það væri tenging á milli draugasýna og kaffidrykkju. ''sjáandi'' fólki.

Er partý hjá þér núna?

[Hildur Helga Sigurðardóttir, 16.1.2009 kl. 03:24]

Hef nú bara engu við þetta að bæta.   Enda eins og talað út úr mínu Ríó Tintó Zink   

[Jón Svavarsson, 16.1.2009 kl. 06:08]

Yfir skrift þessara skrifa bera nú aðallega vott um fáfræði og er það hálf kjánlegt að slengja svona sleggjudóm fram. Það er rétt sem Sævar segir þetta er nám sem er í beinum tengslum við Borgarholtsskóla og er aðeins til að auka skilvirkni og færni starsmanna þó ekki væri nema fyrir lífið sjálft. Þó svo að iðnaður á borð við álver megni andrúmsloftið þá hefur með góðum áróðri verið unnið markvist að því að koma í veg fyrir mengun sem er líklega í lágmarki frá þessari verksmiðju. Gætum að því að álframleiðsla í landinu er einn af að tekjuþáttum landsins um þessar mundir því ekki koma tekjur frá BÖNKUNUM.

[Jónína Dúadóttir, 16.1.2009 kl. 08:25]

Komu margir í heimsókn ?

[Ásthildur Cesil Þórðardóttir, 16.1.2009 kl. 09:19]

Mér finnst þú frekar vera karamella en kanamella thú thí!!!

[Ásthildur Cesil Þórðardóttir, 16.1.2009 kl. 09:20]

Þessi stjóriðuskóli er náttúrulega bara brandari.  Af hverju fengu þeir ekki umhverfisráðherran til að halda ræðu miklu áhrifaríkara. 

[Sævar Helgason, 16.1.2009 kl. 09:48]

Til að upplýsa fáfræði þina Ásthildur- þá eru yfirleitt einhverjir ráðherrar sem halda tölu við útskrift nema frá þessum skóla,  þar sem verkamenn geta aukið menntun sína - umfram það sem okkar almenna skólakerfi býður uppá . En þér finnst það bara brandari að verkamenn geti fengið aukna menntun og þar með aukið tekjur sínar....  skrítið

[Jenný Anna Baldursdóttir, 16.1.2009 kl. 10:02]

Sævar: Takk fyrir þitt innlegg og viðurkenni að ég skammast mín örlítið fyrir fíflaganginn af því þú ert svo málefnalegur.

Auðvitað var ég að grínast upp að vissu marki en ég er harður andstæðingur stóriðju og fer ekkert ofan af því.

Þakka skemmileg komment.