Tjillað í útvarpinu

Forsætisráðherrann átti í erfiðleikum með að komast í vinnuna í morgun.

Erfitt á öllum vígstöðvum.

En er það ekki lýsandi fyrir veruleikaflótta og virðingarleysi stjórnmálamanna þessa dagana að á meðan vel yfir þúsund manns sátu í Háskólabíói á borgarafundi, vel flestir áhyggjufullir yfir ástandinu þá var stóll formanns Sjálfstæðisflokksins auður.

Formaðurinn a.k.a. Forsætisráðherrann var í útvarpinu hjá Bubba.

Bara verið að tjilla á léttu nótunum svona.

Enginn ástæða til að mæta á fund með (ó)þjóðinni.

Né heldur ástæða til að hlusta á erlenda sérfræðinga.

Af hverju er ég ekki hissa?

Kreppan getur dýpkað

Athugasemdir

[Máni Ragnar Svansson, 13.1.2009 kl. 16:34]

Hor-mála-ráðherrann verður eflaust heiðursgestur þegar Bó og Bubbi sameinast á stórsýningunni.....oh hvað ég hlakka til   Allt með svona Vegas-ívafi.......enda rúlletta með fé almennings á Íslandi aðalsportið hjá viðskipta-Geir-anum.......VIÐ-SKIPTA-GEIR he he   Ekki Meir Geir.  Farðu á Kanarí....á Klörubar og VERTU ÞAR

[Máni Ragnar Svansson, 13.1.2009 kl. 16:35]

Svo færðu reikninginn sendann fyrir öllu klúðrinu

[Ólína Kjerúlf Þorvarðardóttir, 13.1.2009 kl. 16:50]

Sammála

[Rúnar Þór Þórarinsson, 13.1.2009 kl. 17:04]

Sögðu þeir annars eitthvað af viti eða voru þeir að klappa hvor öðrum í góðærisstíl? Það yrði kannski frásögur færandi ef  Bubbi gæfi honum einn kaldan í beinni. "Einn, tveir, fjórir, bamm!"

Nú vantar bara að Megas stimpli sig inn í motmælaumræðuna og þá eru þeir allir komnir úr Bláum Draumum. Af þremenningunum er Hörður Torfa með vinninginn í augnablikinu svo um munar.

[Hrönn Sigurðardóttir, 13.1.2009 kl. 17:52]

Já en Jenný! Geir hefur svo miklar áhyggjur af unga fólkinu.....

....kannski ekki nægilega miklar til að gera neitt í málinu - en miklar samt. 

....segir hann! 

[Jenný Anna Baldursdóttir, 13.1.2009 kl. 18:13]

Þið eruð frábær.

[Magnús Geir Guðmundsson, 13.1.2009 kl. 20:39]

ég held nú reyndar, að auði stóllinn hafi táknað fjarveru Björns Bjarnasonar, en ekki Geirs. Allavega var BB sérstaklega boðið að koma, en "Gleðipinninn" lét ekki sjá sig, enda hefði það skaðað ímynd hans líklega að gera það!?