Skemmtikrafturinn Össur Skarphéðinsson

Ég hef gaman að Össuri Skarphéðinssyni og ég held að hann yrði flottur skemmtikraftur á árshátíðum og ættarmótum.

Ég held jafnframt að það sé ekki séns að Össur geti þagað yfir leyndarmálum, hef reyndar lítið fyrir mér í því annað en tilfinninguna og svo auðvitað ótímabær upphlaup hans í gegnum tíðina.

Svo er hann yfirlýsingaglaður með afbrigðum og það er meðal annars þess vegna sem ég held að Össur færi vel á sviði.

Nú, iðnaðarráðherrann fór í heilarit á dögunum og var með kröftugar alphabylgjur.

Nú vann ég lengi vel á taugalífeðlisfræðideild á Lsp og þar kom fólk sem átti það til að trúa að úr heilariti mætti lesa hugsanir.

Hjá Össuri er þessi ótti tæpast fyrir hendi en lesandi ritsins sá einhver rof eða frávik í alphanu hjá karli og Össur telur sér skylt að láta vita að hann hafi greinst með kosningaskjálfta.

Ég held að þetta blogg um niðurstöðu heilaritsins sé ekki eitt af frumhlaupum iðnaðarráðherrans bjartsýna heldur er hann að springa úr óþreyju að koma skoðun sinni á framfæri.

Hann vill kosningar.  Gott ef hann er ekki að boða til þeirra með færslunni sinni.

Varðandi heilaritið þá ímynda ég mér að það hafi verið innan eðlilegra marka.

Trú mín á Össuri hins vegar verður hins vegar ekki lýst með þeim orðum.

Nú er að bíða næstu færslu?

Í hvaða rannsókn fer Össur næst?

Einhver?

Bylgjufærslan

Athugasemdir

[Sigrún Jónsdóttir, 11.1.2009 kl. 11:20]

Við skulum bara vona að það verði rannsókn á vilja fólksins, þar sem honum og fleirum verði gert að lúta niðurstöðu þjóðarinnar.

[Magnús Jónsson, 11.1.2009 kl. 11:23]

Jenný: Össur fer næst í mælingu á því hve lengi hann getur þagað, það er álit mitt að nítt heimsmet verði set, og vísindamen muni rífast um að mælingin sé gölluð, jafnvel verður rifist um að nýa mælieiningu þurfi að upphugsa þegar nanósekúndan dugir ekki lengur sem marktæk mælieining .....................

[Ásdís Sigurðardóttir, 11.1.2009 kl. 12:12]

[Halla Rut , 11.1.2009 kl. 14:14]

Össur er fyndin.

[Magnús Geir Guðmundsson, 11.1.2009 kl. 15:00]

Halla Rut hittir naglan beint á gullfallega höfuðið sitt Jenný mín!

Hann Össur frændi er um margt gagnrýniverður, en fyndin og skemmtilegur maður er hann, það verður ekki af honum tekið, mjög fínn penni og á köflum alveg frábær sögumaður!

og mín kæra, þú virðist ekki vita það en kappinn hefur í mörg herrans ár staðið reglulega upp á sviði utan þess pólitíska auðvitað, ótal sinnum verið veislustjóri eða ræðumaður á hinum og þessum mannamótum, árshátíðum, Þorrablótum o.s.frv.!Ef hún Búkolla blessunin hefur rétt fyrir sér, hefur það bara vísast verið hans eigin stórglæsilega ektakvinna eða stríðnisgjarnir félagar hennar á Veðurstofunni, sem þarna hafa verið að verki, hún Árný nú annálaður jarðvísindamaður og einmitt sérfróð um ís- og jöklarannsóknir!

[Jónína Dúadóttir, 11.1.2009 kl. 15:09]

Hann er fyndinn, það verður ekki af honum tekið

[Árni Gunnarsson, 11.1.2009 kl. 17:02]

Þessi kómiska gáfa Össurar gefur honum nú alltaf dálitla forgjöf þegar maður fer að láta sér detta í hug að gera hann mikið ábyrgan orða sinna.

[Jenný Anna Baldursdóttir, 11.1.2009 kl. 17:14]

Árni: Þarna hitturðu naglann á höfuðið.

Takk fyrir innlegg gott fólk.