Uppblásnar varir og endaþarmshvíttun

Pappírsmiðlar eru að verða óþarfi.  Netið er hin nýja leið til að lesa blöðin.  Því trúi ég.

Fréttablaðið og Mogginn í pappír eru mér stöðugt kvalræði samviskulega séð. Ég nenni ekki í endurvinnsluna og dembi heilu rjóðrunum í tunnuna.  Já ég skammast mín.

Annars þurfa 365 ekki að hafa miklar fjárhagsáhyggjur held ég.

Þeir eru með eindæmum frjóir í hugsun þessa dagana.

Eins og t.d. þátturinn Ísland í dag sem með nýjum stjórnendum eiga örugglega eftir að slá í gegn.

Búið að reka hann addna Sölva sem var alltaf á kafi í stjórnmálaumræðunni, spillingunni og svoleiðis leiðindum.

Nýir tímar hafa verið innleiddir í þáttinn.  Mál mánaðarins er auðvitað líkamsrækt.

Allir fara í líkamsrækt í janúar, það veit hvert barn og ALLAR konur eru annað hvort nýkomnar úr fegrunaraðgerð eða á leiðinni í eina svoleiðis.

Þess vegna snertir þetta mál okkur öll.  Munu Íslendingar verða heimsmeistarar í endaþarmshvíttun og uppblásnum vörum?

Þetta er mál sem verður að kryfja til mergjar núna á Nýja Íslandi.

Svo kemur febrúar.  Hvað er mál þess mánaðar?

Ég veit hvað brennur á mér.  Hér koma tillögur á hraðbergi;

23 hægfara aðferðir við rúllupylsugerð.

Hvernig við getum sippað okkur út úr kreppunni og losnað við lærapokana í leiðinni.

Gæludýrahald, getum við fengið dýrafeldinn til að glansa fallega með lítilli fyrirhöfn?

Marínering á roðum,beinum og íslensku handritunum.  Beggi og Pacas koma svo.

Ég vil óska "fréttastofu" Stöðvar 2 til hamingju með nýja Ísland í dag.

Núna fyrst eru þeir farnir að höfða til hugsunarinnar.

Takk, takk.

 

Útgáfudögum Fréttablaðsins fækkað

Athugasemdir

[Jónína Dúadóttir, 6.1.2009 kl. 13:29]

Þú ert ágætErtu sem sagt með kort í ræktina í vasanum á úlpunni,  á leiðinni í lýtaaðgerð... eins og við öll ? 

Eigðu góðan dag

[Linda litla, 6.1.2009 kl. 13:35]

Jebb ræktin og lýtaaðgerðir..... það er málið.

Gleðilegt ár Jenný.

[Ragnheiður , 6.1.2009 kl. 13:38]

Ég er nú búin að föndra við að vaxbera hvert hár á Kela undanfarið, ég átti semsagt ekki að gera það fyrr en í febrúar ?

Ég er auli, endurvinnsluauli. Ég er búin að skipuleggja eldhússkápinn þannig að ég set gler og járn til hliðar í viðbót við þetta sem þegar fer í endurvinnsluna.

*dæs*

[Sigrún Jónsdóttir, 6.1.2009 kl. 13:49]

Þau eru klossföst í "góðærinu"....kreppa hvað?

[Hrafnhildur Ýr Vilbertsdóttir, 6.1.2009 kl. 14:34]

forgangsröðun margra er á hreinu, hvíttun endaþarms

[K Zeta, 6.1.2009 kl. 15:19]

Við eigum heimsmet í svo mörgu, t.d. fjölda kvenna í vinnu hjá hinu opinbera.

Af hverju vilja konur síður vinna hjá einkafyrirtækjum?

[Helga Magnúsdóttir, 6.1.2009 kl. 15:41]

Mér fannst verðlistinn hjá lýtalæknunum svo sanngjarn og eðlilegur. Hvað munar mann um 400.000 kall fyrir nýjum og smart brjóstum?

[Isis, 6.1.2009 kl. 16:26]

Ég er endurvinnsluplebbi af stærðargráðu sem ég held að þekkist ekki víða á Íslandi... en sji hvað það er hundleiðinlegt samt, allt of mikið vesen... Eins gott að þetta verði framtíðinn einsog ég er búin a ðvera láta ljúga að mér í gegnum árin, annars brjálast ég... En þú verður að fara taka þig taki kelling! Þýðir ekkert að henda endurvinnslusneplum í ruslið!  tala nú ekki um á þessum síðustu og verstu!

En annars, til að svara Helgu aðeins, þá fannst mér þessi verðlisti fremur furðulegur, að auki þá kemur tryggingastofnun þarna inni í líka, eða í það minnsta einhverjum tilvikum. Minnir að vinkona mín hafi borgað einhverjar skitnar 130kall á brjóst svo það er nú ekki *nema* 260kall, það þótti nú ekki mikið í góðærinu og er líklega enn minna í dag

[Katrín Anna Guðmundsdóttir, 6.1.2009 kl. 17:34]

Mér finnst við hæfi að í febrúar sýni þau myndir af konum sem fara ómálaðar út úr húsi. Það er löngu kominn tími á það. Síðan væri hægt að tileinka mars karlmönnum með strípur, svona svo þeir séu ekki útundan...

[Jenný Anna Baldursdóttir, 6.1.2009 kl. 17:54]

Hvað ætli verið tekið fyrir í kvöld krakkar?

Brjóstastækkun?

Vel snyrt er konan ánægð og grjótheldur kjafti?

I love it.

Kata: Já karlmenn með strírpur hafa legið algjörlega óbættir hjá garði, það þarf að bæta úr þessu og það í mars.

[Ingibjörg Hinriksdóttir, 6.1.2009 kl. 23:26]

Þú addna! Það tók mig korter að þrífa tölvuskjáinn þegar ég frussaði því litla bótoxi sem eftir var í vörunum við lesturinn:

23 hægfara aðferðir við rúllupylsugerð.

Ertu ekki í lagi?