Þú skallt trúa einhverju manneskja!

 

Mér hefur alltaf fundist Guðmundur Steingrímsson krútt og svo held ég að hann sé ærlegur maður.

Töff hjá honum að fara formlega úr Samfylkingunni á sama degi og síðasti jólasveinninn fer til fjalla.

En það sem hrífur mig hins vegar ekki er þessi flokkahugsun fólks í pólitík.

Ef flokkurinn minn er ekki að mínu skapi, hugsar fólk, þá verð ég að finna mér annan.

Svona svipað og í denn þegar ég var hippi, ég vildi ekki vera í þjóðkirkjunni þá varð ég að fara í annað trúfélag.

Möguleikinn á að vera utan trúflokka var ekki fyrir hendi.

Þú skalt fjandinn hafi það trúa einhverju manneskja!

Og Guðmundur fór í Framsókn.  Heim í heiðardalinn.

Mig langar til að benda Guðmundi á að það er að verða bylting í hugsunarhætti fólks varðandi flokkafyrirkomulagið.

Inntakið er; Vertu á eigin vegum, taktu málefnalega afstöðu með verkum hvers og eins og láttu flokkamaskínuna lönd og leið.

Það er hægt að ganga úr flokki út í bölvaða óvissuna.  Engin stefnuskrá til að segja þér hvað þér á að finnast um hvað eina - bæði stórt og smátt.

Alveg satt, þetta er hægt. 

En..

Síðasti jólasveinninn er á hraðleið til fjalla. 

En eftir sitja heilsársjólasveinarnir með lögheimili í ýmsum löndum meira að segja og fara hvergi.

Hvorki af þingi, af stólum í fyrirtækjum né á annan máta.

Sumir hanga í dyragættinni og þar mun finnast að minnsta kosti einn sem þegar hefur keypt sér aðgöngumiða inn á lokabrennuútsöluna.

Suma er bara ekki hægt að losna við.

Eða hvað?

Við munum halda áfram að reyna.

Guðmundur í Framsóknarflokk

Athugasemdir

[Hrönn Sigurðardóttir, 6.1.2009 kl. 12:00]

Já það heitir að taka Kristinn á þetta........

[Jenný Anna Baldursdóttir, 6.1.2009 kl. 12:05]

Hehe.

[Ásthildur Cesil Þórðardóttir, 6.1.2009 kl. 12:22]

Málið er Jenný mín að ef hann ætlar sér frama í pólitíkinni verður hann að vera flokksbundinn eins og staðan er í dag.  Ef til vill tekst okkur að laga það til með hægðinni.  En hann ætlar sér örugglega frama í Framsókn.  Þess vegna verður hann að yfirgefa Samfó og fara í Framfó.  Svo er að sjá hvaða titil hann sækist eftir, eins og er er allt á lausu, formaður, varaformaður og allt heila klabbið. 

[Jón Steinar Ragnarsson, 6.1.2009 kl. 12:27]

Var það ekki klárinn sem leitaði þangað sem hann er kvaldastur? Eða var það Hvalurinn sem leitar þangað þar sem hann er klárastur Benni?

[, 6.1.2009 kl. 13:33]

Kannski hann hafi á tilfinningunni að Samfylkingin sé að sundrast - verða Sundurfylkingin  - og sé því að yfirgefa skipið áður en það liðast í sundur.