Hæfir skel kjafti

Bloggheimar loga vegna myndbandsins af brúnstökkunum hans Davíðs.

Klemenssynirnir báðir og annar vinnur í Svörtu loftum sem hagfræðingur við hirðina.

Það má segja að þar hæfi skel kjafti.

Svo segir Ólafur Klemensson að sér hafi verið ógnað, að hann hafi verið að verja sig.

Þá er ljóst að Ólafur Klemensson er ekki bara ofbeldismaður og mjög ógnandi sem slíkur heldur er hann líka bölvaður lygari.

Það er hlaupin harka í spræka íhaldsmenn.

Baldur Hermannsson sem bloggar núna á Mogganum vill sjá hvítliða í baráttunni gegn mótmælendum.

Varðandi hinn Klemenssoninn Ólaf svæfingarlækni þá vil ég færa það til bókar, verandi kommúnistadrullusokkur samkvæmt skilgreiningu allra últra hægri manna á fólki sem ekki er hundrað prósent flokkshollt íhaldinu, að hvað sem fyrir mig kemur þá vil ég ALDREI liggja aumur sjúklingur á bakinu með þennan mann með mitt vökustig í sínum höndum.

Mig langar nefnilega að lifa lengur.

Svo bíð ég eftir að þessir opinberu starfsmenn sem eru í vinnu hjá skrílnum fái uppsagnarbréf á mánudaginn.

Ég gef mér nefnilega að þeir hafi brotið sínar starfsreglur sem hljóma einhvern veginn á þá leið að opinberir starfsmenn skuli ávallt sýna af sér prúðmennsku ásamt hellingi af öðrum framkomufyrirkomulögum sem mér sýnast í fljótu bragði ekki vera til staðar hérna.

En eitthvað er ég vondauf.

Skíthælar eru vel séðir í sumum stofnunum hins opinbera.

Mótmælendum ógnað á gamlársdag

Athugasemdir

[Jóna Kolbrún Garðarsdóttir, 3.1.2009 kl. 01:13]

Ég sendi eftirfarandi póst á [e-mail]  fyrr í kvöld.  "Ekki líst mér á aðfarir þínar á mótmælafundinum á gamlársdag, þú ert að hnýta í
og hrinda fólkinu sem borgar launin þín."  Ég vona að fleiri sjái sér fært að senda manninum álit sitt. 

[Sigrún Jónsdóttir, 3.1.2009 kl. 01:14]

Ég er búin að "jedúda" mig í bak og fyrir eftir áhorf á þennan hrylling og er ég þó ýmsu vön....afturhaldsdrullusokkskommanistinn" sjálfur

Tek undir allt sem þú skrifar Jenný.

[palli (IP-tala skráð) 3.1.2009 kl. 01:32]

Nú held ég að þar sem fíflunum í kringum þig hefur fjölgað talsvert undanfarið að það sé kominn tími til að líta í eigin barm, ekki satt ? 

[Jakobína Ingunn Ólafsdóttir, 3.1.2009 kl. 01:37]

Annar heldur um peninganna og hinn lífið. Þetta er svart.

[FLÓTTAMAÐURINN, 3.1.2009 kl. 01:39]

Og til að toppa viðbjóðinn hjá Bláu Höndinni þá lokuðu þeir á blogg tengingu við fréttina Taldi sér ógnað, þar sem Ólafur reynir að ljúga sig útúr vitleysunni. 

[Jenný Anna Baldursdóttir, 3.1.2009 kl. 01:40]

Jakobína: Það var óþarfi að klippa þetta svona út í pappa fyrir mig.

Palli: Ég lít alltaf í eigin barm á milli ellefu og tólf árdegis. 

Sigrún: Þetta er martraðarkennt helvíti.

Jóna Kolbrún: Ágæt táknræn aðgerð ef allir senda.  Held að þeir séu múr- og naflfastir þarna í Seðlabankanum.

[Jenný Anna Baldursdóttir, 3.1.2009 kl. 01:41]

Flóttamaður: Sá það og trúði vart mínum eigin augum.  Máttur handarinnar er mikill og högg hennar þung.

[Hrafnhildur Ýr Vilbertsdóttir, 3.1.2009 kl. 01:54]

Ég hreinlega missti andlitið þegar ég sá myndskeiðið með þeim bræðrum, þvílíkur hroki og yfirgangur sem þeir sýna þarna en þetta er  kannski lýsandi fyrir þá sem eru í lykilstöðum innan stjórnsýslunnar, svo fárast og hneykslast annar hver bloggari yfir mótmælunum á gamlárs og yfir einhverjum kapli og skemmdri hurð á borginni.....hvenær ætlar þessi þjóð að hrista af sér meðvirknina, hvað þarf eiginlega að ganga á svo fólk átti sig?

Barða eiginkonan afsakar og réttlætir gerðir ofbeldismannsins fram í rauðan dauðann og kennir sjálfri sér um ástandið, sjálfsímyndin brotnar og konan missir þor og getu til að rísa upp gegn kúgara sínum, stór hluti þjóðarinnar gerir slíkt hið sama, afsakar og réttlætir gerðir þessarar óhæfu ríkisstjórnar og þorir rétt að tuldra yfir öllu saman ofan í kaffibollann sinn 

Það er búið að rústa lífi þúsunda manna, skuldsetja þjóðina kynslóðir fram í tímann, atvinnuleysi mun aukast og félagsleg vandamál munu verða risavaxinn. Fyrir jól var mikil aukning í kvennaathvarfið, sumir fá greinilega útrás fyrir reiði sína á sínum nánustu,  100% aukning er hjá skólahjúkkum því börnum líður svo yfirmáta illa og enn er til stór hópur af fólki sem finnst það merki um vanþroska að mæta á mótmæla fundi og annar hópur er til í að mæta svo lengi sem það verði ekki háreysti eða köll...það þarf að senda þjóðina alla á meðvirkni námskeið.

[Kristinn Rúnar Hartmannsson (IP-tala skráð) 3.1.2009 kl. 01:57]

Seðlabankinn.

Einn er langur,annar mjór

þriðji talsvert feitur.

Eínn í víni,annar bjór

þriðji hálfgert eitur.

[Steingrímur Helgason, 3.1.2009 kl. 02:00]

Valhöllin er ~sterk~ í sínu, dagljózt.  Skoðanastýring fjölmiðla frá þezzum atburði hvort sem að er Bláskjárinn eða 365 hittir mig fyrir sem sami hlutur í sama skít.  

Ef fram fer sem horfir verð ég orðinn hinn verzti úlpukommi í febrúar.

[Ólafur Gunnarsson, 3.1.2009 kl. 02:57]

Sammála þér Jenný, var að skoða upptökur af þessum atburði og verð að segja að þetta er ótrúleg framkoma hjá þessum mönnum. Það eru svona skítseyði sem mæta að því er virðist í þeim einum tilgangi að koma af stað illindum og geta svo sagt að mótmælendur séu upp til hópa ofbeldisfullir villimenn þegar þeir eru bara að verjast þessum árásum þessara tveggja drulluháleysta.

[Helgi Jóhann Hauksson, 3.1.2009 kl. 03:15]

Ég hélt þessir menn væru í árarmótafrí af viðeigandi stofnun þegar ég sá þá sparka til illa þjáðs fólks liggjandi á jörðinni og verið var að hlúa að, og hrópuðu að því „gott á ykkur aumingjar“. Réðust svo með kreppta hnefa að ungum konum og öðrum sem á vegi þeirra urðu eins og myndband Mbl.is sýnir. - Ég trúði vart mínum eigin augum þá, - en að þetta séu menn sem treyst er fyrir ábyrgð, þjóðarhag og jafnvel lífi fólks á sjúkrahúsum er utan og ofan við allt sem rúmast í kolli manns.

Stilling og yfirvegun mótmælenda sést samt best þarna, enginn lét þessa menn espa sig til andsvara eins og þó augljóslega var tilgangur þeirra.

Bloggið hér

[Bryndís (IP-tala skráð) 3.1.2009 kl. 03:25]

Ég fylgdist með þeim bræðrum á Austurvelli, bæði vegna forvitni og eins vegna hræðslu - en hingað til hafa þeir verið þeir einu sem hafa hrætt mig í mótmælaaðgerðum í vetur, enda þeir einu sem sýnt hafa vilja til líkamlegs ofbeldis.

 Svæfingalæknirinn stóð yfir sjúklingum og sjúkraliði eftir piparúðunina, og öskraði á þá: "gott á ykkur". og fleira í þeim dúr. Ég öfunda ekki beinlínis sjúkraliðið að þurfa að vinna með þessum manni...

[Hildur Helga Sigurðardóttir, 3.1.2009 kl. 07:53]

Heldurðu nokkuð að þeir fái áminningu Jenný mín ?  (Ef ég man rétt þá eru opinberir starfsmenn reknir við þriðju slíka).

Annars virðast þetta "bara" hafa verið nastí kallar að snapa fæting.

Gleðilegt Annus Mirabilis

(Er sko með þá kenningu að þeir/þær, sem ekki nutu auð-mýktarinnar í "góðærinu", muni blómstra í kreppunni...)

[Birgitta Jónsdóttir, 3.1.2009 kl. 08:38]

Vá hvað þetta land er lasið - en þó það sé ömurlegt að horfa upp á spillingaröflin afhjúpa sitt skítlega eðli - þá er það afar gott fyrir almenning að fá að sjá veruleikann eins og hann er. Nú verður áhugavert hvort að RÚV og Stöð 2 muni fjalla um þetta á sínum fréttamiðlum...

[Ía Jóhannsdóttir, 3.1.2009 kl. 09:48]

Þekki ekki þessa menn en af fréttinni að dæma þá er þetta ansi furðuleg framkoma.

Áframhaldandi baráttukveðjur héðan  úr sveitinni. 

[Hulla Dan, 3.1.2009 kl. 09:55]

Verður fróðlegt að fylgjast með þessu máli. Ef það verður fjallað um það á annað borð.

[Hrönn Sigurðardóttir, 3.1.2009 kl. 10:35]

Heitir hann ekki Guðmundur? Svæfingalæknirinn?

Skiptir kannski ekki máli - ég kem til að gæta þess að hann verði ekki á vakt ef einhver mér tengdur þarf að leggjast marflatur með vökustig sitt í hans höndum!! 

[Birgitta Jónsdóttir, 3.1.2009 kl. 10:53]

Aftur búið að loka fyrir og taka burt öll komment við fréttina - hvaða fasísku tilburðir eru þetta eiginlega? ég á bara ekki til orð yfir þessu.

[Einar Áskelsson (IP-tala skráð) 3.1.2009 kl. 10:57]

Tek undir með Hildi Helgu.  Þeir bræður með áramótavindil hafa greinilega fengið sér áramótaglögg í morgunmat og orðið "stærri" fyrir vikið.  Vínhreifir í sveitaballafíling hafa viljað snapa sér góðan fæting fyrir hönd Bláu handarinnar.  Ekki fallegt en gerist á hverju einasta sveitaballi.

[Ragnheiður , 3.1.2009 kl. 11:02]

Ég horfði á þetta, ekki þekkjandi þessa menn á myndunum. Svo kemst ég að því að um er að ræða þessa tvo sem þú nafngreinir hér.

Ég á ekkert erindi í Seðlabankann en ég tek undir með Hrönn hér að ofan. Fullorðnir karlar sem slá til kvenna á almannafæri falla undir svo ljótt orð að mér er gersamlega um megn að skrifa það hér.

[Jack Daniel's, 3.1.2009 kl. 11:11]

Þessir menn eru fulltrúar ræfla og vesalinga sem ráðast með ofbeldi á konur og varnarlaust fólk. Ræflar sem standa fyrir vesalinga sem aldrei á æfinni hafa getað staðið á eigin fótum en hanga á ríkisspenanum á kostnað skattgreiðanda.

Í einu orði sagt aumingjar.

[Kristbergur O Pétursson, 3.1.2009 kl. 11:59]

Ég óttast að þessir tvímenningar hafi gefið tóninn fyrir það sem koma skal. Innbyrðis átök meðal landsmanna. Mótmælendur vs. "hvítliðar". Þeir eru eflaust margir sem vilja snapa fæting við mótmælendur, friðsama eða framtakssama. 

[Arnold Björnsson (IP-tala skráð) 3.1.2009 kl. 12:43]

"Í 14. grein laga um skyldur opinberra starfsmanna segir að starfsmanni sé skylt að rækja starf sitt með alúð og samviskusemi í hvívetna. Hann skal gæta kurteisi, lipurðar og réttsýni í starfi sínu. Hann skal forðast að hafast nokkuð það að í starfi sínu eða utan þess sem er honum til vanvirðu eða álitshnekkis eða varpað getur rýrð á það starf eða starfsgrein er hann vinnur við."

Þar hafið þið það. Þessi maður hlýtur að fá uppsagnarbréf ef allt er eðlilegt.

[Einar Áskelsson (IP-tala skráð) 3.1.2009 kl. 12:57]

Takk fyrir þetta innlegg Arnold.  Líkt og í mörgum lagagreinum er orðalagið ekki "absolut".  Huglægt mat þarf til að ákveða hvað telst "vanvirða", "álitshnekkir" og "rýrð á starf eða starfsgrein".  Og hugur manna getur verið frekar absúrd.

[Katrín Snæhólm Baldursdóttir, 3.1.2009 kl. 13:01]

Höldum þjóðfund..við erum umkringd fíflum og getum ekki losnað við þau. Allir á fund!!!

[Ævar Rafn Kjartansson, 3.1.2009 kl. 13:49]

Mbl.is tekur upp ritskoðun eða hvað?

Tvær greinar á mbl.is þar sem fjallað er um „að tveir menn gengu um meðal mótmælenda og ógnuðu þeim eins og sést í myndskeiði Mbl sjónvarps“ eru núna þannig að ekki er hægt að blogga um fréttirnar og athugasemdir sem var búið að senda eru horfnar út. Skyldi þetta eitthvað hafa með það að gera að annar mannanna Ólafur Klemensson er hagfræðingur í Seðlabankanum. Samstarfsmaður Davíðs og sjálfstæðismaður?

Kom einhver skipun að ofan um tölvubilun á þessar tvær greinar eða notaði bróðir Ólafs sem var með honum þarna og er svæfingalæknir, meðölin sín á blaðamenn? Allavega er hægt aðblogga inn á allar aðrar fréttir mbl.is.

Hér er tenging inn á horfnu athugasemdirnar:

Taldi sér ógnað - mbl.is - athugasemdir horfnar… og komnar aftur inn

Innlent | mbl.is | 2.1.2009 | 20:35 Taldi sér ógnað

Innlent | mbl.is | 2.1.2009 | 16:44 Mótmælendum ógnað á gamlársdag

Þó að það sé svo allt annað mál þá er augljóst að það þarf kosningar í vor. En það er ekki ástæða þess að ég tengi þetta við þessa frétt.

Spurning hvort það sé ekki þörf á útskýringum frá mbl.is?

[Maddý (IP-tala skráð) 3.1.2009 kl. 15:02]

Það er spurning hvað er eiginlega að hrjá hagfræðinginn, hann allavega hagar sér eins og að það sé eitthvað mikið að hjá honum! Það er oft sagt að gott sé að skipta um vinnu til að ná sér uppúr andlegu vonleysi, vonandi drífur hann í því áður en skipið sekkur! En þeir síðustu sem skríða af bláa skipinu eru auðvitað rotturnar ...

[Sigrún Guðmundsdóttir (IP-tala skráð) 3.1.2009 kl. 15:20]

Af ákveðnu tilefni langaði mig á veitingahús í miðbænum í dag.  Hætti við því ég hreinlega treysti mér ekki til að mæta mótmælendum í vígahug.  Gæti átt á hættu að líta ekki út eins og alvöru mótmælandi og fengið líklega púst en má alls ekki bera hönd yfir höfuð mér.  Alls ekki! Þá á maður á hættu að vera tekinn upp á myndband á lokastigi atburðarins og úthrópaður og rægður eins og einginn sé morgundagurinn.  Allir fá skotleyfi, gjössovel.  Eins og hér í þessum ahugasemdum - þvílíka illsku og illgirni hef ég aldrei séð.

Höfum við annars ekki öll rétt á skoðunum og tilfinningum? Ríkisstarfsmenn á frívaktinni sem og aðrir?

[FLÓTTAMAÐURINN, 3.1.2009 kl. 16:15]

Mér var að berast svar frá mbl.is:

Sæll Halldór
Ástæðan fyrir því að lokað var fyrir bloggið á þessar fréttir er sú að þar var að finna orðbragð sem ekki þótti viðeigandi á blog.is
kveðja
Guðrún

[Isis, 3.1.2009 kl. 16:54]

HAHAHAHAHAHAHA!!! "orðbragð sem ekki þótti viðeigandi" hjálpi mér allir heilagir sem og óheilagir. Var þetta það besta sem þeir gátu svarað?

Er það viðeigandi að kalla þá sem mótmæla Skríl, hryðjuverkamenn, glæpamenn, fávita, fífl, geðveika, asna, óþjóðalýð og ég bara hreinlega man ekki meira... þið bætið bara inni í eftir þörfum...

Er ekki hægt að fara fram á það að rjúfa allar tenginar við blogg sem snúa að mótmælendum og "óeirðunum" ógurlegu sem urðu á gamlársdag? Og það helst í gær þá? Ég einfaldlega hef ekki  tölu á þeim óviðeigandi skilaboðum, umræðu og "óviðeigandi" orðum sem þar hafa orðið til.

Eða á þessi "ritstýring" sem mbl menn fela sig undir, bara að virka í aðra áttina? Ég veit ekki, en er það ekki hrein og klár ritskoðun þegar slíkt er?

Er það ekki orðið nokkuð ljóst að þeir sem nenna að hreyfa á sér rassgatið, eða í það minnsta að halda í gagnrýna hugsun sitja enganvegin lengur við sama borð og hinir?

Má kalla mig glæpamann og skríl? En ég má ekki kalla hann ofbeldismann?...

Þetta eru magnaðir tímar sem maður lifir á. segi ekki annað...

[DoctorE (IP-tala skráð) 3.1.2009 kl. 17:07]

mbl eru fremstir í flokki ritskoðunarmanna á íslandi í dag.

Þessir 2 fávitar þarna.. vá þvílíkir asnar.

[, 3.1.2009 kl. 17:09]

Þeir voru greinilega í annarlegu ástandi þessir menn. Þekki þá ekki en af myndbandinu að dæma eru þetta hinir mestu hrottar.

[María Guðmundsdóttir, 3.1.2009 kl. 17:22]

madur trúir bara ekki sínum eigin augum né eyrum... nú bidur madur spenntur eftir ad sjá hvort um thetta verdi fjallad og thá hvernig... Thessir menn eru já, svo margt ljótt sem er of langt ad telja upp.

Góda helgi Jenný

[Jón Steinar Ragnarsson, 3.1.2009 kl. 18:17]

Þeir voru bara fullir Jenný mín. Ósköp Íslenskt og engin dýpri plott. Starfi þeirra skiptir litlu þar. Hvað þá að þeir séu einhverjir útsendarar svörtulofta, eins og sumir vilja vera láta. Þar er samsæriskenningasmíðin algerlega komin á Nobelsverðlaunalevel.

Ritskoðun Mbl. er hinsvegar staðreynd og ég fæ ekki betur en að bloggarar hafi fagnað því svona almennt, þegar fámennur hópur, sem líklegast hafði ástæður fyrir nafnleysi, var útskúfaður frá því að ræða fréttir á mbl.  Ásæða ókunn, þrátt fyrir ítrekaðar spurningar.

Á síðu Blog.is, ætlaði fagnaðarlátum ekki að linna yfir þessu þjóðþrifaframtaki. Ragnar Reykás er greinilega hinn erkitýpiski íslendingur. Ég held við eigum þetta bara skilið svei mér þá.

Fjölmiðlar spila á krónískan athyglisbrest þjóðarinnar á meðan höndlað eru m framtíðina í bakherbergjum, rífumst við um fyllibyttur í fæting og fólk í lambhúshettum. 

[Jón Steinar Ragnarsson, 3.1.2009 kl. 18:19]

Kannski þarf að fara að klippa veruleikann út í pappa fyrir fólk.