Kreppa prí og póst með nettu lyfjaívafi

 

Ég er heppin.  Hætt að bryðja svefnlyf og róandi og skola niður með rauðvíni. 

Allir þessir þrír kostnaðarliðir í heimilishaldi mínu um stíft þriggja ára skeið eru þar með núllaðir út og ég bara brosi á eigin safa.

Stinningarlyfin lækka, þá geta allir verið ríðandi í kreppunni.  Unaðslegt enda stendur einhversstaðar að kynlíf sé dóp fátæka mannsins, eða voru það trúarbrögð?  Skítt sama.

En að kreppunni prí og póst.

Í sumar á meðan ég fíflið hélt að allt léki í lyndi hegðaði ég mér eins og útbrunnin söngdíva á megrunartöflum í grænmetisdeild stórmarkaðs nokkurs hér í Borg Skelfingarinnar.

Ég fór á límingunum við saklausan starfsmann í grænum slopp yfir þeirri ósvinnu að ferskt rósakál væri ekki flutt inn til landsins nema á jólunum.

Ég átti ekki orð; Hvers lags þriðja heims grænmetisland er þessi eyja, veinaði ég nánast stjörf af hneykslan.

Grænisloppur var miður sín fyrir mína hönd og klappaði mér föðurlega á öxlina og muldraði; Ég veit það, það er skömm aðessu.

En í eftirleik hruns þegar ekki stendur steinn yfir steini er fólk að velta fyrir sér hvort kaupa eigi grænar eða blandað.

Eða eitthvað í þá veruna.

Allt breytt.

Jájá. 

Svefnlyf hækka í verði – stinningarlyf lækka

Athugasemdir

[Katrín Snæhólm Baldursdóttir, 18.12.2008 kl. 10:31]

Um að gera að hækka svefnlyfin þegar fólk missir svefn vegna álags og þeim áhyggjum sem það burðast með allan liðlangan daginn. Það sér hver heilvita maður að þessi aðgerð mun redda fjárlagahallanum hviss bang!!! Svo gefa þeir aðeins í með vo9ndu fréttirnar og spillinguna og það endar með því að enginn sefur..hækka þá svefntöflurnar meira og við verðum komin í gróða um mitt næsta sumar. Magnaðir hugsuðir þessa lands segi ég nú bara.

[Anna Ragna Alexandersdóttir, 18.12.2008 kl. 11:08]

Allt gert til að auðvelda hlutina þessa daganna.

Góðan dag.

[Birna Dis Vilbertsdóttir (IP-tala skráð) 18.12.2008 kl. 11:10]

Ég er líka hætt að bryðja lyf en borða ekki rósakál,og við notum ekki stinningarlyf.Svo ég er auðvitað hamingjusöm.

[Hrafnhildur Ýr Vilbertsdóttir, 18.12.2008 kl. 11:15]

sama hér...er stanslaust happý á eigin safa, r.. án stinningarlyfs og kaupi frosið grænmeti í pokum....svo gæti þetta allt breyst þegar kreppann skellur á með þunga 

[Ben.Ax. (Benedikt Jóhannes Axelsson), 18.12.2008 kl. 17:40]

Er Stekkjarstaur, stinnur eins og tré, kannski á viagra? Ekki sefur hann.