Hvað segja kollegarnir?

Fólk skiptist í fylkingar varðandi þá ákvörðun Reynis Traustasonar að halda áfram að ritstýra DV.

Sjálfri veit ég eiginlega ekki hvað mér finnst, mér finnst aðallega vanta afsökunarbeiðni Reynis til blaðamannsins.

En auðvitað treysti ég DV síður eftir þetta.

En mér finnst skipta miklu máli hvað fagmönnunum finnst, þ.e. kollegum Reynis.

Jónasi finnist að Reynir eigi að láta nægja afsökunarbeiðni og henda þessu svo bak við sig.

Eiríkur segir að allir gerir mistök, líka fjölmiðlar.

Illugi Jökuls bloggar á DV og er einn af mínum uppáhalds er sjálfum sér trúr að vanda.

Sigmundur Ernir sem reyndar er fyrrverandi DV-ritstjóri skefur ekki utan að því og segir það til háðungar fyrir stéttina að Reynir vermi ritstjórastólinn áfram.

Sem almennum lesenda finnst mér alltaf kvarnast úr hóp þeirra blaðamanna sem maður getur treyst.

Það fer að verða fátt um fína drætti.

Ekki bætir það ástandið að tortryggnin ríkir bókstaflega út í allar stofnanir og batterí samfélagsins og nánast ekkert stendur eftir ef undan eru skildir örfáir þingmenn í stjórnarandstöðu.

Ég veit ekki með ykkur en ég er svolítið höll undir Illuga og Sigmund Erni sem ásamt Agli Helga virðast segja hvað þeim finnst og ekki vera veðsettir upp að eyrum í hagsmunabandalagi.

Ef þetta ástand er ekki gróðrarstía fyrir öfluga paranoju þá veit ég ekki hvað.

Meira ruglið.

 

Athugasemdir

[Sigrún Jónsdóttir, 17.12.2008 kl. 13:14]

Ég er sammála Illuga og Sigmundi Erni.

[Birna Dis Vilbertsdóttir (IP-tala skráð) 17.12.2008 kl. 13:24]

Ef Reynir sæi sómann sinn mundi hann hætta.En hann sér hann ekki nú frekar en fyrri daginn

[Ásdís Sigurðardóttir, 17.12.2008 kl. 13:28]

Ég get tekið undir með þér með Illuga, mér finnst hann alltaf yfirvegaður og trúverðugur maður. Sigmundur Ernir virkar þannig líka.  en þessi staða sem upp er komin gerir það að verkum að maður fer varlega í að trúa blaðamönnum almennt.

[Hrafnhildur Ýr Vilbertsdóttir, 17.12.2008 kl. 13:41]

Reynir á að segja af sér, hann er rúinn öllu trausti. Hann var tilbúinn að draga mannorð annars ungs manns ofaní svaðið með lygum og slíkt gerir enginn óvart, það er gert af ásettu ráði. Hann kastar líka rýrð á sína stétt með því að vera kyrr.

[Agnar (IP-tala skráð) 17.12.2008 kl. 14:36]

Í kvöld er borgarafundur þar sem ræða á FL viðbjóðinn og skyld skítamál. Reynir má.... uhm, ég meina KÝS að segja ekki frá fundinum, samt hafa þeir skýrt frá öðrum fundum, en það er hrópandi að fréttatilkynningin sem fór á alla miðla birtist ekki á dv.is

[Kristín M. Jóhannsdóttir, 17.12.2008 kl. 15:42]

Það sem mér finnst merkilegast er að maðurinn skuli segja að það sem sé sagt í tveggja manna tali sé varhugaverð heimild. Ég hefði haldið að það væri einmitt það sem mest mætti treysta á. Þar þarf ekki endilega að fela sannleikann.