Tvennt lýsir með fjarveru

Gott og vel, Reynir biður lesendur og blaðamenn afsökunar og lofar að aldrei aftur muni óttinn stýra fréttaflutningi DV.

En það vantar tvennt í þessa yfirlýsingu.

Fyrst Reynir er kominn úr óttaskápnum þá verður hann að segja við hvern hann var hræddur.  Fara alla leið.

Hver á hagsmuna að gæta varðandi fréttina af Sigurjóni og það í þeim mæli að ekki megi birta hana?

Svo vantar tilfinnanlega að Reynir biðji blaðamanninn afsökunar því hann fór sérdeilis illa að ráði sínu gagnvart honum.

Það er virðingarvert þegar fólk sér að sér. 

En það þarf að gera það alla leið.

Aldrei aftur mun óttinn stýra fréttaflutningi

Athugasemdir

[Hrönn Sigurðardóttir, 17.12.2008 kl. 10:35]

hmmmmm mér þykir nú ekki mikið varið í þessa afsökunarbeiðni! Hún segir eins lítið og hægt er að komast af með!  

Mér hefur svosem aldrei þótt neitt ýkja varið í DV og ekki lagaðist álit mitt með þessu.

Það er oft bezt að hafa það í huga þegar maður umgengst fólk að afsökunarbeiðni er ekki strokleður. 

[Ásthildur Cesil Þórðardóttir, 17.12.2008 kl. 10:36]

Það virðist vera einhver vírus í gangi, hann heitir" þöggunarvírusinn" og fer víða, sérstaklega herjar hann á stjórnmálaleiðtoga, ríkisstjórnina, Seðlabankastjórann, og allt heila klabbið, og nú er hann farinn að herja á fréttastjóra, blaðamenn og svo fer hann sennilega í okkur, þá getum við bara gleymt því að vera til lengur.  Lokum búllunni og förum til Kanarí eins og foringinn sagði hér fyrir margt löngu.  Guðni er farinn nú þegar, og er örugglega að undibúa komu okkar hinna á Klörubar. 

[Sigrún Jónsdóttir, 17.12.2008 kl. 11:33]

Ég er sammála Hrönn, afsökunarbeiðnin er yfirborðskennd og segir í rauninni ekki neitt.  Ég held að það sé "einhverjum" mikils virði að Reynir sé áfram ritstjóri.....

[Anna , 17.12.2008 kl. 11:59]

Já svo annarlega.

[Ben.Ax. (Benedikt Jóhannes Axelsson), 17.12.2008 kl. 12:53]

Ég má ropa og reka við
í ríki voru
ef ég segi afsakið
öðru hvoru.

[Birna Dis Vilbertsdóttir (IP-tala skráð) 17.12.2008 kl. 13:50]

Reynir er bara fáránlegur,klórar aðeins yfir

[Katrín Snæhólm Baldursdóttir, 17.12.2008 kl. 17:00]

Mér finnst Reynir bara taka Dabbann á þetta..lúrir á upplýsingunum sem skipta mestu máli hér en það er auðvitað hver er að hræða. Og meðan hann þorir ekki að upplýsa hver herra Ótti er..er ekkert að marka yfirlýsinguna um að frá og með núna stjórni Ótti ekki skrifum DV. Bara luðrulegt. Og þar til hann biður unga blaðamanninn afsökunar á að reyna að taka hann aðf lífi starfslega og mannorðslega séð...er hann maður að minni.