Óánægja á RÚV

Ég er hrygg yfir niðurskurðinum á RÚV.

Mér finnst að útvarpsstjóri hefði mátt skera sjálfan sig niður töluvert meira en um skitin 10%, maðurinn er með ofurlaun og hlunnindi sem eiga ekki að þekkjast hjá ríkisfyrirtækjum.

Verst finnst mér hvað niðurskurðaröxin er öflug í svæðisútvarpinu.

Þó ég sé ekki landsbyggðarmanneskja og hafi lítinn hag af svæðisútvarpi þá er auðvitað fyrir neðan allar hellur að vera að skera niður þessa litlu þjónustu sem landsbyggðin hefur.

Stundum er eins og höfuðborgarsvæðið sé upphaf og endir alls.

Er ekki hægt að skera niður í "séðogheyrtdeildinni sem mér sýnist hafa vaxið nokkuð frísklega í góðærinu"?

Svo var verið að segja upp tæknimanni sem unnið hefur til margra ára á stofnuninni.

Starfmenn RÚV eru bullandi ósáttir og ég styð þá heils hugar.

Merkilegt hvað topparnir eru alltaf ómissandi en fólkið á gólfinu er látið fjúka miskunnarlaust.

Arg.

Starfsmenn Rúv boða til funda

Athugasemdir

[Guðríður Hrefna Haraldsdóttir, 1.12.2008 kl. 17:31]

Það gladdi mig mjög þegar ég frétti áðan að uppsögn a.m.k. annars tæknimannsins, einstæðrar móður með fatlað barn, hefði verið dregin til baka. Frétti það frá innanbúðarmanni hjá RÚV. Góð frétt meðal vondra.

[Hrönn Sigurðardóttir, 1.12.2008 kl. 17:34]

Páll Magnússon hefði getað skorið sín laun niður og fórnað jeppanum! Ætli það hefði dugað fyrir svona eins og einni morgunleikfimi og kannski einhverju fleiru

Ferlega sem fer í taugarnar á mér þessi forgangsröðun hjá yfirmönnum! Alveg FERLEGA!!! 

[Hrönn Sigurðardóttir, 1.12.2008 kl. 17:35]

Ég er að hugsa um að reka Pál! Hann er jú í vinnu hjá mér!!

[halkatla, 1.12.2008 kl. 17:37]

Vá, höfuðborgarbúi sem fattar að það er til landsbyggð

En þetta er svona allsstaðar, vönduð vinna og reynsla skiptir minnstu máli, ekki bara á rúv heldur í næstum öllum fyrirtækjum. Þótt flestir þykist vera voða réttlætissinnaðir og sanngjarnir þessa dagana þá virðist fólki upptilhópa ómögulegt að sýna það í verki. 

[María Guðmundsdóttir, 1.12.2008 kl. 18:10]

HEYR HEYR HEYR..!! 

hafdu gott kvøld Jenný

[Anna Ragna Alexandersdóttir, 1.12.2008 kl. 18:14]

Það hryggir mig þessi ofurlauna stefna ríkisins  að nokkrir útvaldir fáir  slík laun.

[Ingibjörg Þ. Þorleifsdóttir (IP-tala skráð) 1.12.2008 kl. 21:56]

Hann hefur nú verið að gera lítið úr eigin vinnu með því að vera sílesandi fréttir. Ekkert mál að stjórna einni útvarpsstofnun.

Gæti hann ekki bara verið útvarpsstjóri í kvartstarfi á kvartlaunum?

Segi bara svona.

Landsbyggðakerling