Í upphafi skyldi endirinn skoða..

 

..er speki sem mér hefur sjaldnast tekist að tileinka mér þó góð og gegn sé.

Ég hef vaðið áfram í lífinu eins og stórtæk vinnuvél og endað með því að hrapa fram af næstu brún.  Oft að minnsta kosti.

En ég hef auðvitað tileinkað mér þessi sannindi með öfugum formerkjum.  Hvað annað?

Þegar ég les bækur þar sem endirinn skiptir máli þá hef ég oftast þann háttinn á að fljótlega eftir að ég byrja að lesa og er komin með aðalpersónurnar á hreint, hver heitir hvað og svona, þá fer ég í endirinn.

Þetta þykir mörgum hinn argasti öfuguggaháttur og ég virði þá fyrir afstöðuna en gef jafnframt fullkomlegan skít í hana.

Málið er að ég nýt þess að lesa góðan texta og ég nenni ekki að láta óþarfa spennu og áhyggjur af sögupersónunum þvælast fyrir mér.  Ergó: Ég tékka á hver myrðir, elskar, hatar, kyssir,lemur hvern og nýt svo bókarinnar í rólegheitum.

En.. nú tók ég ákvörðun um að gerast ábyrgur lesandi bóka með endi sem skiptir máli.

Ég lagði á mig fjölmargar æðruleysisæfingar og hélt lúkunum á mér föstum um bókina hennar Auðar Jónsdóttur, sem reyndar er einn af mínum uppáhalds höfundum.

Ég sat nokkuð upp með mér og hélt oftsinnis að ég væri búin að sjá í gegnum plottið.  Full sjálfsánægju las ég til enda....

Hm... plottið tók mig gjörsamlega á rúmstokknum.

Hvað get ég sagt?  Ég blogga yfirleitt bara um bækur sem ég hrífst af. 

Það er vegna þess að ég er enginn alvöru bókagagnrýnandi, enda skortir mig allar forsendur til þess. 

Ég er lesandi og ég deili með ykkur skoðun minni á þeim bókum sem mig langar til að þið ljósin mín í himninum fáið hlutdeild í.

Auður er ein af mínum útvöldu. Ég held að hún sé að toppa sjálfan sig með þessari bók.  Lesið Vetrarsól. 

Sjá nánar um bókina.

Ajö!

Athugasemdir

[Guðríður Hrefna Haraldsdóttir, 25.11.2008 kl. 16:33]

Sammála þér, frábær bók!

[Edda Agnarsdóttir, 25.11.2008 kl. 16:56]

[Ásdís Sigurðardóttir, 25.11.2008 kl. 17:35]

Hef ekki lesið bókina en á málverk sem ber sama nafn, það er rosalega fallegt.  Held ég verði að ná mér í þessa bók, elska flott plott. Kær kveðja og hafðu það sem bestu elsku Jenný.

[Jónína Dúadóttir, 25.11.2008 kl. 17:55]

Ok

[Ía Jóhannsdóttir, 25.11.2008 kl. 19:14]

Jenný þetta er algjört svindl!  En verð að viðurkenna að ég hef sjálf gert þetta einstaka sinnum, en bara örsjaldan, svo ég er sek líka.

Hummm.... verð að panta þessa bók fyrst bókaormurinn mælir svo eindregið með´enni.

[Sólveig Kristín Gunnarsdóttir, 25.11.2008 kl. 20:12]

Geturdu ekki "bara" lesid bækurnar tvisvar. Fyrst fyrir spennuna, og í annad skifti til ad njóta. Ég les bara á thann fyrrnefnda hátt, og spæni svo í gegnum bækurnar ad nokkrum vikum seinna man ég bara ekkert hvad var ad gerast. Tharf ad bæta vid mig umferd 2, en hef ekki tholinmædi í thad.

[Birna Dis Vilbertsdóttir (IP-tala skráð) 25.11.2008 kl. 21:48]

Spennandi.En þú "svindlar"

[Brjánn Guðjónsson, 25.11.2008 kl. 22:39]

en svona, því ég les ekki bækur enda er það eintóm tímaeyðsla, þá verð ég að fasismast út í fyrirsögnina þína. enda andskotans bækur ekki hótinu betri tímaeyðsla en niðursoðnar DVD myndir.

Í upphafi skildi endinn skoða.

Eigðu góðar og tilgangslausar stundir oní bókunum og DVD myndunum.

djöfull líður mér vel núna. náði mér þarna í ærlegt fjas

[Sif (IP-tala skráð) 26.11.2008 kl. 09:55]

Ég er svo sammála þér með þessa bók, hún er algjörlega geggjuð og plottið kemur verulega á óvart. Svo finnst mér svo dásamlegt hvað hún er margþætt, á yfirborðinu er þetta bara þægileg saga, afþreyingarsaga, en undir niðri krauma áleitnar spurningar og hvernig fólk leitast við að réttlæta fyrir sjálfu sér hrottalega hluti sem það hefur gert. Mögnuð bók.