Svartur dagur

Fyrir mér er þetta svartur dagur.

Við íslenskur almenningur höfum í dag tekið lán upp á svo stjarnfræðilegar upphæðir að mér er fyrirmunað að ná utan um þær.

Og þetta er bara byrjunin.

Eitt er að lenda í kreppu, annað að lenda í henni svona helvíti manngerðri eins og raunin er hjá okkur.

Lántakendurnir fyrir okkar hönd, ráðamenn með dyggri aðstoð Seðlabankans ætla að taka við þessum peningum sem sennilega koma í gámum (!) og þá væntanlega ráðstafa þeim fyrir okkar hönd.

Ég veit ekki með ykkur en hvað mig varðar þá er mér ekki rótt.

Mig minnir að þeir sem fá nú peningana til að sýsla með sé sama fólkið og hefur verið í brúnni á meðan allt fór til andskotans.

En það sem gerir mig verulega órólega hérna er að síðan allt fór í kaf hefur íslenskur almenningur verið meðhöndlaður eins og fífl.

Það hefur verið snúið út úr, hver hefur vísað á annan, það hefur verið logið að okkur og þjóðinni sýndur fádæma hroki og lítilsvirðing þegar við höfum viljað fá að vita hvernig mál standa.

Það er eins gott að halda því til haga að það erum við, fólkið í landinu, sem eigum að borga þessa peninga til baka.

Það er vegna bankahrunsins sem fólk missir vinnuna, jafnvel hýbýli sín og það er þetta sama fólk sem fær ekki nema útúrsnúninga eða lygar í andlitið þegar það biður um að fá að fylgjast með því sem er að gerast.

Ég er svartsýn í morgunsárið og sé ekkert gleðilegt við að IMF hafi samþykkt lán til Íslands.

(Já ég veit við urðum að biðja þá um lán, það var búið að koma okkur á kaldan klaka).

Það er nefnilega ég, börnin mín og barnabörn sem eiga að bera byrðarnar.

IMF samþykkir lán til Íslands

Athugasemdir

[Katrín Snæhólm Baldursdóttir, 20.11.2008 kl. 08:21]

Er að hlusta á Hallgrím Helgason á Bylgjunni og honum tekst svo vel að koma fáránleikanum sem hér viðgengst til skila að  ég er farin að huga að landflutningum. Það er hreinlega ekki fólki bjóðandi þessi ógleðislaumuleikur sem stjórnvöld leika hér og hæðast í raun með framkomu sinni að fólkinu í landinu. Augljóst að þeim er skítsama um okkur fólkið..að valdabaráttan og yfirhylmingar glæpamannanna eru númer eitt. Úff...skríð bara undir sæng og les eitthvað næs.

[María Guðmundsdóttir, 20.11.2008 kl. 08:23]

segi eins og thú,thótt ekkert annad sé i stødunni thá finnst mér thetta sorgardagur bara, thetta verda mørg ár sem fara i ad rétta skútuna aftur og já komandi kynslódir borga brúsann.

hafdu gódan dag Jenný

[Þröstur Unnar, 20.11.2008 kl. 08:30]

Við verðum að treysta, treysta, treysta, treysta. Sama hvaða fávita maður á að treysta. Svoleiðis er það bara. Öðruvísi kemst maður víst ekki neitt.

Btw. Peningarnir koma ekki á Skerið. Þeir verða geymdir í erlendum banka, líklega þýskum, þar sem hinir aurarnir okkar eru núna.

[alva (IP-tala skráð) 20.11.2008 kl. 08:42]

Þetta er hrikalegt!!

[Soffía Valdimarsdóttir, 20.11.2008 kl. 08:58]

Í dag er ég döpur - í gær var ég reið - þori ekki að hugsa um morgundaginn.

[Huld S. Ringsted, 20.11.2008 kl. 09:07]

Þetta er allt saman orðið hið skelfilegasta mál og á eftir að versna

[Hulla Dan, 20.11.2008 kl. 09:09]

Kvitt til þín og vona að dagurinn verði góður.

[Katrín Snæhólm Baldursdóttir, 20.11.2008 kl. 09:14]

Að þessir peningar skuli vera í höndum vanvitanna...afsakið orðbragðið..ég meinti auðvitað fávitanna.. sem ekkert muna og ekkert vita eru auðvitað náttúruhamfarir út af fyrir sig. Og við vitum að það er fjáhagslegt Tsunami á leiðinni og ráðmenn eru að rífast um hver þeirra eigi að fá að stýra eina björgunarbátnum..sem er nota bene bara fyrir fáa útvald vini og samherja í glæpnum. Þannig líður mér.

[Steingerður Steinarsdóttir, 20.11.2008 kl. 09:24]

Þeir gerast ekki svartari dagarnir en þessi. Verst er til þess að hugsa að þótt fjálglega sé vælt um heimilin í landinu og standa vörð um þau er ekkert gert til að koma til móts við fólk.

[Birna Dis Vilbertsdóttir (IP-tala skráð) 20.11.2008 kl. 10:34]

Það er nefninlega það.Góðan dag

[Hrönn Sigurðardóttir, 20.11.2008 kl. 10:37]

[Ía Jóhannsdóttir, 20.11.2008 kl. 10:42]

Því miður held ég að þetta eigi eftir að versna.  Þori varla að horfa fram til næsta árs þegar allir þeir sem núna eru að vinna uppsagnarfrestinn missa atvinnuna. 

[Katrín Snæhólm Baldursdóttir, 20.11.2008 kl. 12:03]

Ég vil koma á framfæri áskorun til Íslendinga um að senda IMF smá skilaboð, .

Þau gætu hljómað eitthvað á þessa leið.

Dear sirs

I, the undersigned citizen of Iceland request that you do not submit the IMF loan to the government of Iceland until it has been investigated who is responsible for the economic collapse of the country and until those found responsible have been removed from all authoritative positions

Warm regards,
xNAFNx

Sendið þetta á [e-mail]

Ég sá þetta á blogginu og finnst þetta brill hugmynd.

GOTT AÐ NOTA ANNARRA MANNA FÍNU HUGMYNDIR ÞEGAR MAÐUR ER SJÁLFUR Í ÞAGNARBINDINDI Eigum við ekki bara að dreyfa þessu um allt blogg???

[Katrín Snæhólm Baldursdóttir, 20.11.2008 kl. 12:29]

OG senda auðvitað beint til IMF núna!!!

[Kidda (IP-tala skráð) 20.11.2008 kl. 13:03]

Þrátt fyrir að hafa vitað af þessarri lántöku þá kemur núna sjokk, því einhvern veginn treysti ég alla vega á að sjóðurinn kæmi með einhverjar kröfur. Í það minnsta að peningarnir færu ekki í sömu hendur og komu okkur í þennan vanda.

Hvet alla til þess að senda bréf til IMF eins og Katrín vitnar í hér að ofan.