Ég hníg ekki til jarðar í aðdáunarkrampa en..

Ráðuneytin hafa gripið til sparnaðaraðgerða.

Það hefur meira að segja verið dregið úr utanlandsferðum eins og kostur er.

Og nú eiga allir að henda sér á skeljarnar, horfa til himins og klappa fyrir batteríinu.

Fyrirgefið en ég er ekki að missa mig í hysteríu vegna eðlilegra hluta eins og sparnaði í ráðuneytum, það er svo löngu tímabært. 

Þannig að ég sit hér hrifningsvana og hugsa með mér, loksins lyfti einhver rassi í ráðuneyti.  Hvað ferðalög varðar finnst mér útstáelsið á "sumum" duga íslensku þjóðinni vel fram á næsta áratug.

Og nei, ég er ekki skilningsvana á þeirri staðreynd að ákveðin ferðalög um heiminn eru nauðsynleg.

Það er einfaldlega þannig að við erum ríkið og við sem fyrirtækiseigendur þurfum að draga saman rétt eins og við herðum sultarólina á heimavelli.

Reyndar hefur bullað í mér heilbrigð reiði vegna einkaþotuleigu og annars hégóma fyrr á árinu.

En kannski var flottræfilshátturinn og neysluhyggjan smitandi, hvað veit ég?

Ég er með allskyns sparnaðaruppástungur fyrir starfsfólk mitt/okkar í ráðuneytunum.

Við erum bláfátæk þjóð af efnahagslegum gæðum og höfum ekki efni á bruðli.

Ódýrari ráðherrabíla og fólk flytur sig sjálft á milli staða. 

Bæbæ utanlandsferðir og Björn Bjarnason situr heima það sem eftir lifir árs.  Maðurinn er búinn að vera eins og landafjandi út um heim á þessu ári.

Fækka sendiráðum all verulega.  Við erum þrjúhundruðþúsund manna þjóð.  Get a live and a grip.  Þetta sendiráðsbruðl er út úr öllu korti.

Niðurskurður í veislum á vegum hins opinbera og út með áfengið.  Kostar peninga.  Kaffi dugar fínt, en það má gera á þessu ákveðnar undantekningar.

Aðstoðarmenn út, ég held að þeir hafi allir fimmhundruðþúsundkall á mánuði.  Ég efa ekki að það eru full not fyrir þessa starfsmenn en nú er kreppa við höfum ekki efni á svona fíneríi.  Umboðsmaður Íslands er orðinn opinber starfsmaður til aðstoðar einhverjum íhaldsþingmanni.  Ráðinn í miðri kreppu. Draga til baka takk.

Nú hefur einhver grafið upp laun konunnar í Landsbanka, en hún er með tæpar tvær á mánuði (1.950).  Bæði hún og Birna Glitnis eru með afnot af glæsibifreiðum.

Ætla ráðamenn, í þessu tilfelli viðskiptaráðherra, aldrei að læra?

Við höfum ekki efni á þessum flottræfilshætti bankatoppa. 

Arg.

Dregið úr ferðum ráðuneyta

Athugasemdir

[Marta B Helgadóttir, 7.11.2008 kl. 09:26]

Góð að vanda!

Ég hef aldrei skilið af hverju ráðherrar og hátt settir ráðuneytisstarfsmenn geta ekki komist til og frá vinnu eins og við hin án þess að samfélagið "skaffi þeim far".

[Jenný Anna Baldursdóttir, 7.11.2008 kl. 09:28]

Marta: Sammála.  Það mætti halda að þetta fólk væri farlama.

Fruss þoli ekki svona flottræfilshátt, allt í lagi fyrir þá sem borga sjálfir sitt sukk.

[Dóra, 7.11.2008 kl. 09:58]

Ætti bara að skella þeim öllum á hjól.. Nú það er líka hægt að fá hjól fyrir 2 ... En það er nú ekki mikið eftir að árinu.. svo á næsta ári geta þeir tekið upp þráðinn aftur.. við að ferðast og bruðla þegar þjóðin hefur tekið öll þessi lán .. 

Með ólíkindum hvað á að ljúga og traðka á okkur lengi..

kveðja frá Esbjerg Dk Dóra

[Eva Benjamínsdóttir, 7.11.2008 kl. 10:13]

Jenný mín, sendir þú mér kveðjuna um að lýsa upp skammdegið með hvítu ljósi? Ég hef alltaf eitthvert ljós yfir eldavélinni líka og ætla örugglega ekki að hafa allt í regnbogans litum. knús eva

[Linda Linnet Hilmarsdóttir, 7.11.2008 kl. 10:44]

Knúsknús og ljúfar kveðjur inn í ljúfa helgina.

[Haukurinn, 7.11.2008 kl. 10:58]

Snilldar fyrirsögn....góð grein...gott ef það lak ekki smá kaffidropi út um annað munnvikið við lestur fyrirsagnarinnar...

[Guðfinna (IP-tala skráð) 7.11.2008 kl. 11:10]

Mér er fyrirmunað að skila afhverju ríkið er að borga yfir milljón á mánuði í laun.  Hámarkslaun hjá ríkinu eiga að vera 1 millj. annað er bara dónaskapur og virðingarleysi. 

[Lilja Guðrún Þorvaldsdóttir, 7.11.2008 kl. 11:56]

Frábær pistill Jenný Anna! Ríkið hafði ekki efni á að leiðrétta laun ljósmæðra á sómasamlegan hátt, hvernig höfum við (við erum ríkið)efni á að borga þessum bankastjórum þessi ofurlaun langt umfram alla aðra ríkisstarfsmenn?

Höfum við ekkert lært? Eru bankamenn og þeir sem handfjatla og gambla með peninga ennþá metnir ofar öllum öðrum að verðleikum? Jafnvel þó að þeir séu flokksgæðingar.

Ég fer fram á að allir landsmenn verði settir á sömu laun 350 þúsund krónur sama hvaða hlutverki þeir gegna í Þjóðfélaginu. Við erum öll að bjarga Íslandi, landinu okkar frá því að sökkva. Þar er enginn öðrum fremri.

[Sigrún Jónsdóttir, 7.11.2008 kl. 12:11]

Þú kant að segja/skrifa, það sem við erum öll að hugsa Jenný mín, takk fyrir

[Jónína Dúadóttir, 7.11.2008 kl. 12:21]

 Ef það er hægt að komast af með færri utanlandsferðir núna, þá er það líka hægt framvegis

Góðan dag og ennþá betri helgi

[María Guðmundsdóttir, 7.11.2008 kl. 13:48]

 mikid rétt Jenný, vonandi er thetta bara byrjunin hjá theim i "sparnadarplaninu" i ráduneytunum. Gott mál en dugar ekki til. Af mørgu ødru ad taka og nú er bara ad bretta upp ermar.

hafdu góda helgi

[Anna Guðný , 7.11.2008 kl. 13:56]

Það hljóta þá allir hér á Akureyri að vera ígildi ráðherra og háttsettra ráðuneytisstarfsmanna því við sköffum öllum sem vilja frítt far í vinnuna, meira að segja líka þeim með lögheimili annarstaðar.

Hafðu það gott í dag.

[Bergljót Hreinsdóttir, 7.11.2008 kl. 13:57]

Heyr heyr!!!!

Góða helgi!!! 

[Jenný Anna Baldursdóttir, 7.11.2008 kl. 15:00]

Takk öll fyrir komment.