Brotið blað

Ameríkanar brutu blað í gær þegar þeir kusu Ombama sem forseta þjóðarinnar.

Ég var að horfa ræðuna hans og fjöldinn sem var mættur til að hylla þennan nýja forseta stóð með tárvot augu og hlustaði andaktugt.

Ég skildi það vel.  Það er vonin um nýja og breytta tíma sem varð að veruleika þarna í Ameríku í nótt og það sem fyrir ekki svo löngu hefði verið talið ómögulegt gerðist.

Og mér vöknaði smá um augu líka og ég hugsaði með mér að við Íslendingar þyrftum nýja tíma og nýja von.

Við þyrftum að geta endurvakið trúna á landið okkar sem mér finnst persónulega að hafi verið rænt frá okkur um hábjartan dag.

Jafnframt varð ég ótrúlega sorgmædd vegna alls þess sem hefur verið að gerast og gerist hvern dag stundum oft á dag.

Leiktjöldin eru hrunin og eftir stendur miður fallegur raunveruleikinn, flest það sem við trúðum á reyndist lygi og uppspuni.

Við getum litlu treyst, að minnsta kosti ekki þeim sem hafa fengið umboð frá okkur almenningi í þessu landi til að gæta hagsmuna okkar.

Við þurfum nýja tíma, nýjar áherslur.

Til þess að það geti gerst þurfa korktapparnir, fyrirstöðurnar og hagsmunagæslumennirnir að taka frakkann sinn og stimpla sig út.

Ef almenningur í Ameríku gat rétt af kúrsinn þá hljótum við hér að geta gert það líka.

Nú er lag.  Látum það gerast.

Obama kjörinn forseti

Athugasemdir

[Hrönn Sigurðardóttir, 5.11.2008 kl. 08:17]

Ertu að segja að við eigum að kjósa okkur svartan forseta?

Grínlaust þá óska ég Obama langs og gæfuríks ferils sem Bandaríkjaforseta! Hann hefur, að mínu mati, borið höfuð og herðar yfir alla sína keppinauta. Ég er mjög ánægð að hafa fengið að upplifa þann tíma sem bæði fyrsta konan varð forseti og fyrsti blökkumaðurinn. Það er ekki svo langt síðan að þetta var óhugsandi með öllu.

Óska þér góðs dags

[Jónína Dúadóttir, 5.11.2008 kl. 08:19]

Frábært að Obama skyldi sigra

[Sunna Dóra Möller, 5.11.2008 kl. 08:36]

...ég táraðist og fékk að nýju trú að ammríska drauminn !

[Nína S (IP-tala skráð) 5.11.2008 kl. 08:55]

Já, ég er sammála þér Jenný. Kjör Obama boðar nýja tíma þó hann eigi erfitt verk fyrir höndum að hreinsa til eftir stjórnartíð Bush. Obama er glæsilegur maður og frábært að hann skuli vera næsti forseti Bandaríkjanna. Það er slæmt að við Íslendingar skulum ekki eiga jafn skeleggan , vel máli farinn og opinn málsvara til að hreinsa til hjá okkur., hvetja þjóðina  og styrkja á erfiðum tímum, skapa traust og tiltrú fólks á lýðræðinu, traust sem almenningur er að missa hér núna í stórum stíl.

[Huld S. Ringsted, 5.11.2008 kl. 09:10]

Mér finnst þetta stórkostlegt fyrir alla heimsbyggðina, svo sannarlega eru þetta stór tímamót fyrir allt mannkyn

[Ía Jóhannsdóttir, 5.11.2008 kl. 09:12]

Það verða straumhvörf á mörgum sviðum í USA núna og vonandi allt til hins betra.  Ég er alsæl með dúlluna hann Obama. 

[Lára Hanna Einarsdóttir, 5.11.2008 kl. 09:29]

Óska öllum heiminum til hamingju með sigur Obama - og engan smásigur! 

[Ólöf Anna , 5.11.2008 kl. 09:54]

fór nettur sæluhrollur þegar hann sagðist ætla að endurvekja ameríska draumin.

[Ólína Kjerúlf Þorvarðardóttir, 5.11.2008 kl. 10:15]

Sæl Jenný. Ég er hjartanlega sammála þér - var sjálf að blogga í sama anda í morgun. Þar set ég líka fram tillögu - af því að þú spurðir í athugasemd hjá mér í gær eða fyrradag: Hvað getum við gert?

Hún er sú að allir bloggarar landsins sameinist í einni kröfu sem verði aukasetning í öllum fyrirsögnum þeirra á blogginu, og þeirra lokaorð - hvert svo sem efni bloggfærslnanna er að öðru leyti: Burt með spillingarliðið!

Þannig að þegarr ráðamenn þjóðarinnar, fjölmiðlafólk og aðrir, koma inn á moggabloggið, visi.is eða önnur bloggsvæði, þá blasir krafan við þeim hvert sem litið er.

Þetta ætla ég að minnsta kosti að gera - hef gert þetta nú í þrjá daga og ætla að halda því áfram.  Vona að fleir taki undir með mér.

[Sigrún Jónsdóttir, 5.11.2008 kl. 10:22]

Til hamingju heimur.  Sigur Obama gefur manni von um að hægt sé að breyta einhverju, jafnvel á Íslandi.

[Hulla Dan, 5.11.2008 kl. 11:06]

Gott mál :)

[Birna Dis Vilbertsdóttir (IP-tala skráð) 5.11.2008 kl. 11:12]

Hrönn góð.

[Sólveig Kristín Gunnarsdóttir, 5.11.2008 kl. 11:37]

Já, eftir mørg ár med Bush katastrófu, thá ødlast madur nýja von. Nú byrja betri tímar í heiminum, med meiri frid og vardveislu náttúrunnar. Vonandi fær madurinn frid fyrir ofstækisfólki.

Tek undir med Òlínu: Burt med spillingarlidid.