Kínverska alþýðulýðveldið hvað?

Ó, excuse moi gott fólk, ég sá þessa frétt og þar stóð "tugmilljónir týndar"og ég hélt að Geir Jón og félagar hans í löggunni hefðu verið sendir til að telja mannfjölda einhvers staðar úti í heimi en mér skilst að það hafi verið súpermótmæli á Ítalíu eða eitthvað.

Þess vegna fannst mér svo tilvalið að tengja við þessa frétt, þeir týna nefnilega líka tölum hér þegar þeir taka saman göngu- og fundargesti á laugardagsmótmælunum.

Miðað við talningagetu lögreglunnar og fjölmiðla á þessu landi þá ætla ég rétt að vona að þeir verði ekki fengnir í atkvæðatalninguna þegar við kjósum í eftir áramótin (já við munum kjósa þá).

Ég er ansi hrædd um að atkvæði greidd öðrum en íhaldinu myndu týna tölunni all verulega í lúkunum á þeim.

Fyrirgefið ruddaskapinn og hvatvísina en eftir þrjá laugardaga í mótmælum þar sem talningin tekur á sig ótrúlegustu lygamyndir og fjölmiðlar éta það upp gagnrýnislaust, þá treysti ég þessum yfirmönnum í löggunni ekki spönn frá rassi.

Lára Hanna er er með myndir af mannfjöldanum sem segja meira en 100 afdankaðir lúserar í lögreglubúningum með alla sína talnaspeki.

Reyndar skiptir ekki öllu máli pc hversu margir voru að mótmæla.  Við vitum að það var hópur af fólki og að hann fer stækkandi, en ástæða þess að ég læt mig þetta varða er einföld.

Ef verið er að blekkja fólk með uppdiktuðum tölum af fjölda fundargesta og það trekk í trekk, þá eru þessar sjónhverfingar löggunnar vart einsdæmi.

Svo les maður blöðin og horfir á fréttir þar sem lygin er endurtekin gagnrýnilaust.

Það hræðir mig.

Kínverska Alþýðulýðveldið hvað?

Fleiri myndir hjá Láru Hönnu.

Tugmilljónir týndar

Athugasemdir

[Jenný Anna Baldursdóttir, 2.11.2008 kl. 00:04]

Nákvæmlega, í svoleiðis löndum er logið blákallt og fjölmiðlarnir notaðir til þess.

Þetta er eins og að vera staddur í einhverri hryllingsmynd að upplifa þetta.

[Katrín Snæhólm Baldursdóttir, 2.11.2008 kl. 00:10]

Mótmælin í dag voru æðisleg..flottar ræður og flottir mótmáæendur af öllum þjóðfélagsstigum. Gerum enn betur næsta laugardag!!!

[Jón Steinar Ragnarsson, 2.11.2008 kl. 00:11]

Þetta heitir Glóbalismi mín kæra. Þar er svart hvítt og hvítt svart. Stríð friður, ógn, vernd, ánauð frelsi etc. Það er það sem við erum að eiga við.

[Jón Steinar Ragnarsson, 2.11.2008 kl. 00:13]

Meira að segja David Icke er farinn að meika sens í þessu Twilight Zone, sem við erum að upplifa hér.

Ég held sveimér að kallinn hafi hitt naglann á höfuðið.

[Katrín Snæhólm Baldursdóttir, 2.11.2008 kl. 00:25]

David Icke hefur um árabil verið hæddur og gert mikið grín af honum...en nú kemur í ljós að hann hefur vitað meir en flestir um hvernig er í pottinn búið sýnist mér. Þetta er áhugaverður fyrirlestur sem hann flytur þarna. Og soldið scarý ef þeetta er rétt sem hann segir.

[Jóna Kolbrún Garðarsdóttir, 2.11.2008 kl. 02:28]

Við mótmælendur verðum að líta á björtu hliðarnar líka, mótmælendastuðullinn hefur hækkað úr 500 í 1000   Það þarf að senda þessa teljendur á námskeið í talningu

[María Guðmundsdóttir, 2.11.2008 kl. 07:50]

vodalega er thetta fáránlegt. hverjum eru their ad hugnast med thessu?? hmmmmmm....

gódan sunnudag Jenný

[Ía Jóhannsdóttir, 2.11.2008 kl. 09:13]

Myndirnar tala sínu máli.  Takk fyrir þetta Jenný og góðan dag.

[Ásdís Sigurðardóttir, 2.11.2008 kl. 09:43]

Innlitskvitt og sunnudagskveðja

[Hildigunnur Rúnarsdóttir, 2.11.2008 kl. 21:18]

Ég gekk framhjá anarkista að hengja bónuspokahauskall og lögregluþjóni sem sat sallarólegur á hjólinu sínu og skipti sér ekki af.  Hinn almenni lögregluþjónn er örugglega jafnþreyttur og pirraður og hræddur og við hin...