Einhver taldi rétt

Vó, hvað hefur gerst?

Það stendur í þessari frétt að um þúsund mótmælendur séu á Austurvelli.

Á vísi.is eru þeir sagðir á annað þúsund.

Halló, hver er ekki að vinna vinnuna sína í talningunum?

Ég hélt að talan fimmhundruð ætti að vera standard út árið og uppfærast næsta vor.

Hér hefur einhver lögga á eigin vegum talið rétt.

Ésús minn.

Úje

Um þúsund mótmælendur

Athugasemdir

[Nína S (IP-tala skráð) 1.11.2008 kl. 16:09]

Já, Jenný, það er eins og einhverjir kunni ekki að telja, hvað þá að slumpa á fjölda. Mér heyrðist á Davíð á fréttamannafundi um daginn að það þyrfti nokkur þúsund manns til að mótmælin fengju náð fyrir augum hans, 500 manns, örfáar sálir  að mótmæla væri bara ekki neitt neitt gagnvart stórmenni eins og honum. Jamm.  Svo þegar maður sér fréttina frá Reuters um daginn virtist mannfjöldinn miklu meiri en 5oo. Þá vitum við það, stórmenni þurfa nokkur þúsund. Svona er lífið. Hins vegar virðist mér mótmælin eflast og aukast með hverri viku.

Auk þess legg ég til að Framsóknarflokkurinn verði lagður niður. 

[Anna Ólafsdóttir (anno) (IP-tala skráð) 1.11.2008 kl. 16:23]

Sæl mín kæra  I´m alive and well  

Já, þeir kunna kannski að telja en þetta orð "lýður" virkar einhvern veginn neikvætt á mig. Hvað finnst þér? Ávarpaði Hörður Torfa "lýð"? Ávarpaði hann ekki frekar mótmælendur?  

[Jenný Anna Baldursdóttir, 1.11.2008 kl. 16:46]

Ég var ekki búin að sjá þetta með "lýðin" og mér finnst það svona frekar ósmekklegt.

Ertu í Edinborg?  Ég sakna þín.

Óli: Sennilega rétt hjá þér.

Nína: Já leggjum helvítis Framsókn niður og tökum íhaldið með í leiðinni.

[Sunna Dóra Möller, 1.11.2008 kl. 16:49]

Það er nauðsynlegt að kunna að telja, eitt af því sem fólk lærir tiltölulega snemma á námsferlinum ! Sammála þessu með Framsókn og fleiri mega fylgja með.....!

[Brjánn Guðjónsson, 1.11.2008 kl. 16:51]

talan 500 er standard, en hín er vísitölutryggð.

Í verðbólgunni núna hækkar hún mjög.

[Brjánn Guðjónsson, 1.11.2008 kl. 16:54]

hver gagði lýður? Á það að vera sama og skríll? Ekki er ég viss um að Lýður Björnsson kennari og góðmenni taki undir það.

[Brjánn Guðjónsson, 1.11.2008 kl. 16:59]

sagði, átti það að vera

[Brjánn Guðjónsson, 1.11.2008 kl. 17:07]

hvenær ætlar fólk svo að mæta með eggjabakkana og gera eitthvað meira en að hlusta á ræður?

[Hildigunnur Rúnarsdóttir, 1.11.2008 kl. 18:37]

Ég er stolt af að vera hluti af lýð.  Verkalýður er til dæmis ekki slæmt orð í mínum huga.

Ræða Lárusar sjúkraliða var snilld!

[Ía Jóhannsdóttir, 1.11.2008 kl. 18:46]

Ég hef nú mína skoðun á orðinu lýður og var að blogga um þetta núna rétt áðan þar sem mér finnst þetta skrifað í mjög niðrandi merkingu. 

Annars gott mál að þeir hafi verið með teljarann í lagi. 

Njóttu kvöldsins. 

[Vésteinn Valgarðsson, 1.11.2008 kl. 19:56]

Talningin er kolröng. Þarna var á þriðja þúsund.

[Sólveig Kristín Gunnarsdóttir, 1.11.2008 kl. 20:27]

Ég fatta bara ekki af hverju fólk mætir ekki í mótmæli. Ekkert smá lélegt. Ég myndi búast vid ad fólk drifi sig af stad og thad væri mannmergd eins og á 17. júní. Thetta er miklu mikilvægara. Ég er bara næstum á leidinni sjálf, til ad bæta úr thessu.

[Guðríður Hrefna Haraldsdóttir, 1.11.2008 kl. 21:16]

Mér finnst lýður ekki neikvætt orð, skríll er það aftur á móti. Trúi Vésteini mun betur en opinberu talningunni. Fjölmiðlar reyna greinilega að passa að ýta ekki undir byltinguna með því að tala niður fjöldann, skrýtið þar sem ástandið hefur bitnað mjög mikið á fjölmiðlum. Stefni að því að koma til höfuðborgarinnar næsta laugardag og mótmæla. Nema það verði mótmæli hér á Skaganum.

[Solveig (IP-tala skráð) 1.11.2008 kl. 22:41]

Er ekki einhver leið til að sýna svart á hvítu hver fjöldinn er? T.d. yfirlitsmynd og samanburður við aðrar fjöldasamkomur. Ekki að það sé endilega aðalatriðið hvort það eru 1000 eða 2000 en það er samt gott að hafa eitthvað að benda á þegar það er greinilega verið að gera lítið úr þátttökunni.

[Steingrímur Helgason, 1.11.2008 kl. 23:35]

Frá mínum tölfræðíngzranni hreinlega skil ég ekki hvað skiptir svona óskaplega miklu máli nákvæmilega hverzu mikið undir 1% af þjóðinni mættu í úlpuröfl & kví beri að eyða tíma í svoleiðiz hjal, sérlega hjá þeim sem greinilega mættu ekki sjálfir.

Kva, enda er það ekki hugurinn sem gildir ?

[Katrín Snæhólm Baldursdóttir, 1.11.2008 kl. 23:38]

Sjáið bara myndirnar á blogginu hennar Láru Hönnu...myndirnar tala sínu máli. Nokkur hundruð manns..my ass!!!!

Skammist ykkar fjölmiðlamenn...að tala niður eðlilega mótstöðu almennings í þessu landi gegn valdníðslu og skorti á lýðræði. Hvernig væri að þið mættur sjálfir og sæjuð með eigin augum að það er í alvöru að myndast samstaða....og það er það mikilvægasta sem er að gerast hjá þessari þjóð í dag..og þið lokið bara augunum og bullið. Svei!!

[Vésteinn Valgarðsson, 2.11.2008 kl. 11:46]

Steingrímur: Nei, málið er ekki hvort 0,83% eða 0,85%, heldur hvort fjölmiðlar segja satt frá. Morgunblaðið dregur alltaf úr fjölda mótmælenda, og vanalega um meira en helming.