Zero stytttur - zero lífshamingja

Það á að halda áfram mótmælunum í dag eins og undanfarna tvo laugardaga.

Nú geta þeir sem eru í góðum göngumálum byrjað með að ganga frá Hlemmi klukkan 14,00 niður á Austurvöll þar sem fjöldafundur hefst kl. 15,00.  Þeir sem eru fótfúnir, þreyttir eða einfaldlega húðlatir geta þá mætt beint á fundinn.

Þeir sem eiga heimangengt mæta væntanlega og ýta undir kröfuna um nýja tíma á Íslandi.

Ég var vöknuð fyrir allar aldir í morgun og fór út að reykja vafinn inn í allskyns teppi og gærur.

Ég skalf úr kulda.  Samt á að vera hlýtt í dag.  Guð láti á gott vita.

En..

Svo komst ég að því hvað ég er ógeðslega auðveld bráð fyrir auglýsendur.

Í Mogganum er nefnilega heilt fylgiblað um jólahlaðborð.

Það upphófust heitar kappræður milli mín og mín um prós og kons jólahlaðborða.  Ég er margklofinn persónuleiki ég sverða.

Hin hvatvísa ég og hin skynsama ég börðust hatrammri baráttu til sigurs.

Skynsamari hlutinn sem er tiltölulega nýfæddur og því afskaplega máttfarinn og reynslulítill gagnvart hvatvísari hlutanum sem hefur áratuga reynslu og þekkingu í að manipúlera þetta hylki sem hann er staðsettur í, átti í verulegum erfiðleikum með að verjast ágjöfinni.

Það er í raun ótrúlegt að maður geti farið að láta sig vanta allskyns bara af því það er sett fram í stemmingu í fjölmiðlum.

Ég hef ekki farið á jólahlaðborð töluvert lengi og ég hef ekki saknað þess nokkuð skapaðan hlut.

Samt slefaði ég yfir myndum af veisluborðum þar sem kertaljósin gerðu stemminguna svo huggulega að mig langaði inn í myndirnar.

Manni getur nefnilega farið að vanta ótrúlegustu hluti ef þeir eru settir nógu skemmtilega upp.

Kommon ég þekkti einu sinni konu sem gat ekki á heilli sér tekið af því hún þurfti að eignast styttur.  Svona sjúkur getur maður orðið í kaupfíkninni og neyslupólitíkinni.

Zero styttur - zero lífshamingja.

Halló?

En hvað um það, allir á mótmælin sem rykkorni geta valdið og ekkert röfl.

Látum hendur standa fram úr ermum (hvaðan kemur þetta rugl?).

Viðeigandi og í boði hússins.

Sameinuð stöndum við.  Jájá þið þekkið jargonginn.

Efna til mótmæla

Athugasemdir

[María Guðmundsdóttir, 1.11.2008 kl. 09:36]

vonandi koma bara sem flestir i dag.

hef ALDREI farid á jólahladbord..en jújú,hef alveg tekid eftir auglýsingunum,bædi hér og heima..virka á suma  

hafdu góda helgi

[Ía Jóhannsdóttir, 1.11.2008 kl. 09:38]

Já við eigum óneitanlega fallegt land.   Takk fyrir þetta Jenný mín.

[Jónína Dúadóttir, 1.11.2008 kl. 09:48]

Flottar myndir af okkar fallega landiEigðu góðan dag

[Sunna Dóra Möller, 1.11.2008 kl. 11:32]

Auglýsingar alveg svínvirka og bloggfærlsur líka, ég var komin á jólahlaðborð í huganum við þennan lestur og var að borða Kalkún og alls konar góðgæti ...stundum er gott að láta hugann reika, það alla vega kostar ekki krónu !

[Greta Björg Úlfsdóttir, 1.11.2008 kl. 15:44]

Hver syngur? Þekki röddina, á að vita þetta...átta mig ekki á nafninu.

[Jenný Anna Baldursdóttir, 1.11.2008 kl. 15:47]

Ég held að þetta sé Brynhildur Ásmundsdóttir en ég er þó ekki viss.

[Greta Björg Úlfsdóttir, 1.11.2008 kl. 16:09]

Alla vega mjög vel sungið