Er mig að dreyma?

 

Ég sem þessa dagana lít á mig sem óflokksbundna og algjörlega óháða pólitískt get samt ekki annað en glaðst þessa stundina.

Gamla byltingarhjartað tók nokkur aukaslög hérna - ég er þakklát fyrir að sjá þessa niðurstöðu úr könnun Gallups.

VG STÆRRI EN ÍHALDIÐ - ER MIG AÐ DREYMA???

Jájá úrtölufólk, þetta er skoðanakönnun og?

Annars var ég að ræða það við dóttur mína í dag að ég væri endanlega hætt í flokk.

Allt hjarðeðli er á bak og burt ég er frjáls og óháð eins og gamla DV.

Sko, það er svo heftandi að hengja sig aftan í pólitískan flokk það þrengir að manni eins og ógeðslega þröngur rúllukragi.  Aghhh 

Maður getur verið sammála í grófum dráttum en aldrei gæti ég skrifað upp á heila stefnuskrá hvað þá fylgt einhverjum að máli bara af því ég borga félagsgjöld inn á sama reikning og viðkomandi.

Reyndar er það lygi ég hef alveg verið dedd á því að vera skráð í flokka ég er eiginlega að meina að nú orðið get ég ekki hugsað mér að hanga á bás.

Samt er ég á því að VG er besti kosturinn sem völ er á í flokkaflórunni.

Það finnst mér í dag.

En ekkert endilega á morgun.

Það er í fínu því ég er óbundin, unaðsleg og á eigin vegum.  X-Ég.

Ég stend engum reikningsskil nema sjálfri mér.

Ég er komin á nó búllsjitt aldurinn - það er á hreinu.

Úje

Sjálfstæðisflokkur - nananabúbú- snæðið hjörtu og lifur.

ARG

Fylgi VG meira en Sjálfstæðisflokks

Athugasemdir

[Katrín Snæhólm Baldursdóttir, 30.10.2008 kl. 21:30]

Jenný þó...ertu að bjóða sjálfstæðisflokknum í mat til mín?

[Helga Magnúsdóttir, 30.10.2008 kl. 21:52]

Mér væri sama þótt það væru Rauðu Khmerarnir, allt er betra en Sjálfstæðisflokkurinn. Er líka orðin ansi höll undir vinstri græna.

[Sigrún Jónsdóttir, 30.10.2008 kl. 21:53]

Það er yndislegt frelsi að vera óflokksbundin......og hafa val þegar að kosningum kemur

[Laufey Ólafsdóttir, 30.10.2008 kl. 22:04]

Ef ég væri í aðstöðu til að geta tjáð mig opinberlega um flokkapólitík myndi ég gera það núna.

En þetta eru sko tíðindi. Jahérnahér

[Brjánn Guðjónsson, 30.10.2008 kl. 22:09]

reyndar er staðreyndin sú að íhaldið fær alltaf minna í kosningum en í skoðanakönnunum, á sama tíma og hinir fá meira en í könnunum. Allavega Samfó og Vinstri tungubrúnir.

munar líklega um 5% allavega. svo nú er bara að reikna.

[Ía Jóhannsdóttir, 30.10.2008 kl. 22:14]

Er svo fegin að hafa ekki kosið þessa jólasveina í mörg ár og færi aldrei að hafa fyrir því að sverja mig inn á kjörskrá til þess eins að fá yfir þjóðina sömu sauðina.  Sorry.

[Steingrímur Helgason, 30.10.2008 kl. 23:23]

Þú ert líka svo mikið fyrir þjóðlegann innmat minnti mig.  Ég bæti þér í snatri & snarhasti á boðslista minn á næsta þorrablót héraðsins.

Já, það verður aukalega sérútmiginn & handakrikakæzdur hákarl ...

[alva (IP-tala skráð) 30.10.2008 kl. 23:44]

ahhh ég var svo ánægð þegar ég sá þetta áðan. Minn maður, Steingrímur rauði,  loksins að fara að fá njóta sín - vonandi!!

[Guðsteinn Haukur Barkarson, 31.10.2008 kl. 00:20]

Sjálfstæðisflokkur - nananabúbú- snæðið hjörtu og lifur.

Orð í tíma töluð!

[Jónína Dúadóttir, 31.10.2008 kl. 05:56]

Góð

[María Guðmundsdóttir, 31.10.2008 kl. 06:35]

held ad vinstri grænir moki inn studningi núna og á næstu mánudum. Hver vill kjósa yfir sig sama drullumallid og nú hefur verid?? veit ad ég myndi ekki kjósa thad sama og ég hef gert i ansi mørg ár...og NEI, thad er ekki sjálfstædisflokkur...over mæ dedd boddý..

hafdu gódan dag Jenný