Nú hló ég

Ég er eins og undin tuska eftir atburði dagsins.

Ég nenni ekki að blogga um þennan dag strax enda skiptir það ekki máli.

En mikið er ég búin að hlægja af Otto Jespersen sem gerði stólpagrín af okkur Íslendingum í norska sjónvarpinu í gærkvöldi.

Hlátur er heilandi og það er frábært að geta náð sér í smá svoleiðis þegar brúnin er svo þung að ég nánast dreg hana á eftir mér í lufsum.

Genasplæsingatilraunir milli okkar, dverghesta og kinda hafa alið af sér stökkbreytur eins og Björk.

Við buðum Norðmönnum ekki í partíið meðan allt lék í lyndi þannig að nú lána þeir okkur Matatorpeninga sem munu vera verðmætari en íslenska krónan.

Sjáið sjálf.

Ég veit ekki með ykkur en ég elska svona húmor og við höfum svo sannarlega gefið handritahöfundum eitthvað til að skrifa um.

Sumir hafa kannski ekki húmor fyrir svona gríni þessa dagana en pælið í því við sleppum vel hérna.  Hrokinn og mikilmennskubrjálæðið sem hefur verið í gangi kringum liðið í útrásinni gefur alveg tilefni til að það sé helgið smá að okkur.

Arg.

Norðmenn draga Íslendinga sundur og saman í háði

Athugasemdir

[Líney, 24.10.2008 kl. 17:02]

[Kristín Katla Árnadóttir, 24.10.2008 kl. 17:22]

Þeir geta hlegið af okkur eins og þeim listir verði þeim að góðu.

[Sigrún Jónsdóttir, 24.10.2008 kl. 17:46]

.....og ég sem var að spá í gamla föðurlandið sem hið fyrirheitna

[Elfa (IP-tala skráð) 24.10.2008 kl. 17:50]

Ógedslega fyndinn gæi.   Ég grét úr hlátri.

En soldid vandrædalegt hvad margir Íslendingar hafa módgast yfir tessu og spúd á kommentakerfinu hjá TV2 í Noregi.  Ég vil alls ekki ad Nordmenn haldi ad vid höfum misst húmorinn um leid og bankana. 

 Mæli svo med www.newiceland.net ... Baggalútur á ensku. 

[Jenný Anna Baldursdóttir, 24.10.2008 kl. 18:06]

Haha, gott að fólk heldur húmornum og við Íslendingar erum ógeðslega fyndin þjóð.

Takk fyrir linkinn Elfa.

[óli (IP-tala skráð) 24.10.2008 kl. 22:23]

Já voða findið! Kúkur,endatarmur,piss og eitthvað fleira findið! Jenný og aðrir álíka fuglar geta vonandi hleyið að teim túsundum afsakið hundruðum túsunda sem hafa tapað öllu sínu...

[Greta Björg Úlfsdóttir, 25.10.2008 kl. 19:51]

Kíkti á New Iceland - hreint frábær síða.